Zeven
Zeven [CEvn ] estas urba komunumo en Germanio . Ĝi troviĝas en la distrikto Rotenburg (Wümme) de la federacia lando Malsupra Saksio . Fine de decembro 2022 la komunumo havis 14 216 loĝantojn. Ĝi apartenas al la metropola regiono Hamburgo , ne al la najbara metropola regiono Bremeno-Oldenburgo , kvankam la regiono situas pli-malpli mezvoje inter Bremeno kaj Hamburgo kaj ekonomie orientiĝas al ambaŭ urboj kaj ties metropolaj regionoj.
Samtempe la komunumo estas la administra sidejo de komunumaro , do administra ligo de pluraj formale sendependaj politikaj komunumoj, kiu germanlingve nomiĝas Samtgemeinde Zeven [ZAMTgemajnde CEvn ]. Al ĝi apartenas la komunumoj Elsdorf , Gyhum , Heeslingen kaj Zeven.
Rilatoj al Esperanto En Zeven naskiĝis la instruisto kaj esperantisto Hermann Behrmann , kiu fondis la libroeldonejon kaj libroservon Esperanto-Centro Paderborn .
"pavima ondo" en la urbocentra piedira zono bronza skulptaĵo "ĉevalkomercistoj" ĉe la urbodomo la loka fervoja stacidomo kun historia "rela buso " en 2007
The article is a derivative under the Creative Commons Attribution-ShareAlike License .
A link to the original article can be found here and attribution parties here
By using this site, you agree to the Terms of Use . Gpedia ® is a registered trademark of the Cyberajah Pty Ltd
