All the King's Men (1949ko filma)
All the King's Men (euskaraz Erregearen Gizon Guztiak), 1949ko Robert Rossen estatubatuar zinema zuzendari, gidoilari eta ekoizlariak zuzendu, idatzi eta ekoitzitako zinema beltzeko film bat da. Robert Penn Warren idazlearen 1946ko izenburu berdineko eleberrian oinarritua dago. Broderick Crawford, John Ireland, Mercedes McCambridge, Joanne Dru, John Derek eta Shepperd Strudwick aktoreek antzeztu zuten.
Hiru Oscar Sari irabazi zituen, Film onenaren Oscar Saria (Robert Rossen Productions–Columbia Pictures), Gizonezko aktore onenaren Oscar Saria (Broderick Crawford) eta Taldeko emakumezko aktore onenaren Oscar Saria (Mercedes McCambridge). Gainera, honako izendapenak ere jazo zituen, Zuzendari onenaren Oscar Saria (Robert Rossen), Egokitutako gidoi onenaren Oscar Saria (Robert Rossen), Taldeko gizonezko aktore onenaren Oscar Saria (John Ireland) eta Muntatze onenaren Oscar Saria (Robert Parrish eta Al Clark).
Argumentua
Willie Stark (Broderick Crawford), gizon zintzo eta ausartak egun batez politikagintzan jardun behar duela erabaki eta ustelkeriaz beteriko joko zikin bat dela ohartzean bilakaera bat jasango du. Gobernadorea izendatzen dutenean, bere printzipioak ahaztuz, lehenbiziko gauza egunkarien eta irrati kateez jabetzea izango da. Jada izaki ustel batean bilakatuta, boterean jarraitzeko direnak eta ez direnak egingo ditu.
Aktoreak
- Broderick Crawford: Willie Stark
- John Ireland: Jack Burden
- Joanne Dru: Anne Stanton
- John Derek: Tom Stark
- Mercedes McCambridge: Sadie Burke
- Shepperd Strudwick: Adam Stanton
- Ralph Dumke: Tiny Duffy
- Anne Seymour: Lucy Stark andrea
- Katharine Warren:. Burden andrea
- Raymond Greenleaf: Monte Stanton epailea
- Walter Burke: Sugar Boy
- Will Wright: Dolph Pillsbury
- Grandon Rhodes: Floyd McEvoy
- Larry Steers: Akusazio Auzitegiko gizona (krediturik gabe)
Kanpo estekak
- IMDBko fitxa irakurgai (Ingelesez)