Amiral zuri

Amiral zuri
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Nymphalidae
Leinua	Limenitidini (en)
Generoa	Limenitis
Espeziea	Limenitis camilla Linnaeus, 1764
Datu orokorrak
Ostalaria	Lonicera periclymenum, Lonicera maackii, Lonicera xylosteum, Lonicera tatarica eta Lonicera gibbiflora

Amiral zuria (Limenitis camilla) Euskal Herrian aurki daitekeen tximeleta bat da, Nymphalidae familiakoa. Eurasia iparraldean bizi da, Iberiar erdiuhartetik hasi eta Japoniaraino.

Tximeleta handia da, 60-65 mm-ko hego zabalera du. Kolore arre iluneko hegoak ditu, eta lerro zuri zabal batek zeharkatzen ditu. Hegoen azpialdeak argiagoak dira, kolore arre-laranja eta zuria tartekatzen baitira^[1].

Beldarra orlegia da, eta arantza laranja iletsuak ditu. Alboetan lerro zuri bana nabaritzen zaio.

Udaren amaieran emeak arrautzak jartzen ditu hostoetan. Handik beldar berdeak jaiotzen dira. Beldarrak neguan hibernatu egiten du eta udaberrian esnatzen da. Uda hasterakoan pupa sortzen du eta bi astetara helduak jaiotzen dira.

• 
  Tximeleta goitik begiratuta.
• 
  Tximeleta behetik begiratuta.
• 
  Beldarra.
• 
  Pupa (krisalida).