Durhamgo katedrala

Durhamgo katedrala
Durham Cathedral
Ondasun Ingelesa
Durham Castle and Cathedral
Kokapena
Estatu burujabe Erresuma Batua
Herrialdea Ingalaterra
Ingalaterrako eskualdeaIpar-ekialdeko Ingalaterra
Ingalaterrako konderri zeremonialaDurham
Ingalaterrako autoritate unitarioaren eremuaCounty Durham
Parrokia zibilCity of Durham
Koordenatuak54°46′25″N 1°34′34″W / 54.773475°N 1.576215°W / 54.773475; -1.576215
Historia eta erabilera
Eraikuntza1093 (egutegi gregorianoa) - 1133 (egutegi gregorianoa)
Izenaren jatorriaJesus Nazaretekoa
Maria
Cuthbert
Erlijioaanglikanismoa
ElizbarrutiaDiocese of Durham (en) Itzuli
IzenaJesus Nazaretekoa
Arkitektura
EstiloaNormandiar arkitektura
Dimentsioak143 (luzera) m × 14.300 (luzera) cm
nabe: 22 (altuera) m × 25 (zabalera) m
altuera handiko eraikin: 66 (altuera) m
Gizateriaren ondarea
Irizpidea(ii), (iii) eta (iv)
Eskualdea[I]Europa eta Ipar Amerika
Izen-emateabilkura)
Ondare Ingelesa1161023
Webgune ofiziala
  1. ↑ UNESCOk egindako sailkapenaren arabera

Durhamgo katedrala (ingelesez: The Cathedral Church of Christ, Blessed Mary the Virgin and St Cuthbert of Durham) Ingalaterrako izen bereko hiriko katedrala da.[1][2][3][4] Durhamgo apezpikuaren egoitza da, Ingalaterrako Elizaren hierarkiako laugarren apezpikua dena. Gaur egungo katedrala 1093an hasi zen, saxoi «eliza zuria» ordezkatuz, eta Europako normandiar arkitekturaren adibiderik onenetako bat da.[5] Zentro erlijioso garrantzitsua da gaur egun ere. San Cuthberten santutegiaren egoitza da.[6]

Europako normandiar arkitekturaren adibiderik bukatuenetakotzat jotzen da, eta 1986an UNESCOren Gizateriaren Ondare izendatu zuten,[7] Durhamgo gazteluarekin batera. 66 metroko garaiera duen dorrearen gainetik — 325 maila ditu — gaztelua, Durham herria eta inguruko eremua ikus daitezke.

Katedralak santutegia eta Cuthbert Lindisfarnekoarekin (VII. mendeko santua) lotutako hainbat altxor ditu. Lindisfarneko monjeek eraman zituzten Durhamera IX. mendean. Bertan, Northumbriako San Osvaldoren burua eta Beda Beneragarriaren erlikiak ere badaude. Gainera, bere liburutegiak Ingalaterran inprimatutako liburu zaharren multzorik osatuenetako bat, Disoluzioaren aurreko kontu monastikoak eta Magna Cartaren hiru kopia ditu.

1080tik 1836ra arte, Durhamgo gotzainak errege-konde baten botereaz gozatu zuen, eta buruzagitza erlijiosoa ez ezik, militarra eta zibila ere izan zuen Eskoziako muga babesteko. Katedraleko hormak Durhamgo gazteluaren zati ziren, Durhamgo apezpikuaren egoitzetako bat.

Ingalaterrako Elizak eguneroko zerbitzuak egiten ditu katedralean, Durhamgo katedraleko koruarekin egunero abesten, astelehenetan eta korua oporretan dagoenean izan ezik. Katedrala erakarpen turistiko handia da eskualde barruan, eta 755.000 bisitari erakarri zituen 2015ean.[8]

Erreferentziak

  1. ↑ Mackenzie, Eneas & al. An Historical, Topographical, and Descriptive View of the County Palatine of Durham: Comprehending the Various Subjects of Natural, Civil, and Ecclesiastical Geography, Agriculture, Mines, Manufactures, Navigation, Trade, Commerce, Buildings, Antiquities, Curiosities, Public Institutions, Charities, Population, Customs, Biography, Local History, &c., Vol. II, p. 366. Mackenzie & Dent (Newcastle), 1834.
  2. ↑ Durham Cathedral: The Shrine of St Cuthbert. "About Us". Chapter of Durham (Durham), 2014.
  3. ↑ A Church Near You. "Durham Cathedral, Durham". Church of England (Londres), 2014
  4. ↑ Association of English Cathedrals "Durham Cathedral". Consultado el 21 de diciembre de 2014.
  5. ↑ Pevsner, Nikolaus; Metcalfe, Priscilla. (2005). The Cathedrals of England: North and East Anglia. Londres: The Folio Society, 24 or..
  6. ↑ Durham Cathedral: The Shrine of St Cuthbert. Official Website. Chapter of Durham (Durham), 2014
  7. ↑ UNESCO Culture Sector. Durham Castle and Cathedral. .
  8. ↑ (Ingelesez) «Durham Cathedral makes list of England’s most visited attractions» The Northern Echo.

Kanpo estekak