Giuseppe Tartini

Giuseppe Tartini
Irudi gehiago
Bizitza
Jaiotza	Piran, 1692ko apirilaren 8a
Herrialdea	Veneziako Errepublika
Heriotza	Padua, 1770eko otsailaren 26a (77 urte)
Hobiratze lekua	church of St. Catherine (en)
Hezkuntza
Heziketa	Paduako Unibertsitatea
Hizkuntzak	italiera
Irakaslea(k)	Bohuslav Matěj Černohorský
Ikaslea(k)	ikusi Francesco Salieri (en) Anders Wesström (en) Johann Gottlieb Naumann Pietro Nardini (en) Giuseppe Antonio Paganelli (en)
Jarduerak
Jarduerak	musikagilea, musikologoa, musikaren teorikoa, biolin-jotzailea eta musika-irakaslea
Lan nabarmenak	ikusi Violin Sonata in G minor (en)
Influentziak	Francesco Maria Veracini (en)
Mugimendua	musika barrokoa
Genero artistikoa	musika barrokoa
Musika instrumentua	biolina

Giuseppe Tartini (Pirina, Istria, Veneziako Errepublika, 1692ko apirilaren 8a - Padua, Italia, 1770eko otsailaren 26a) barroko garaiko italiar musikagilea eta biolinista izan zen.

Txikitatik ikasi zuen biolina jotzen. Paduako Unibertsitatean ikasten ari zela, baimenik gabe ezkondu zen. Haren ondorioz, 1713. urtean Paduatik ihes egin zuen eta Asisko monasterioan babestu zen, eta han biolina eta akustika bere kasa ikasi, biolinaren hariak eta arkua hobetu, "Deabruaren Trinoa" sonata ezaguna idatzi, eta biolin kontzertuak eman zituen. 1715. urtean barkamena jaso zuen eta Paduara itzuli zen.

1721-1723. urteetan Paduako San Antonio elizako lehen biolinista izan zen, eta 1723-1725. urteetan Kinsky kondearen musika zuzendaria, Pragan. 1727. urtean biolinista eskola bat antolatu zuen Pragan, Europako biolinista ospetsuenak erakarri zituena: Nardini, Pasqualino, Carminato, eta Pagin, besteak beste.

1740. urtean terzo suono edo hirugarren hots izeneko tonua aurkitu zuen. Biolinerako idatzi zuen batik bat (100 kontzertutik gora; 42 bat sonata); eta eliz musika (bost zatitako Miserere bat, eta lau zatitako Salve Regina bat).