Minecraft

Minecraft
Jatorria
Sortzailea(k)	Markus Persson
Argitaratze-data	2011
Izenburua	Minecraft
Jatorrizko herrialdea	Suedia
Argitaletxea	Xbox Game Studios, Mojang Studios eta Sony Interactive Entertainment
Banatze bidea	Blu-ray, deskarga digitala, Java applet (en) , disko optiko, ROM cartridge (en) eta banaketa digital
Azken bertsioa	1.21.4
Honen izena darama	Meatzaritza eta crafting (en)
Ezaugarriak
Genero artistikoa	biziraupen jokoa, akzio eta abentura bideo-jokoa eta sandbox bideo-jokoak
Joko-modua	bakarka jokatzeko modua eta Jokalari anitzeko modua
Euskarria	Microsoft Windows, Xbox 360, Android, Linux, PlayStation 3, MacOS X, Xbox One, PlayStation 4, PlayStation Vita, Windows Phone, iOS, Chrome OS, Ouya (en) , Kindle Fire HD (en) , Java makina birtual, Wii U, Nintendo Switch, Raspberry Pi, New Nintendo 3DS, tvOS, iPadOS, Fire OS (en) , Apple TV eta Nintendo 3DS
Sarrera gailua	teklatua, sagua, ukimen-pantaila, joko-kontrolagailua eta joystick
Adin-sailkapena
Telesaila	Minecraft (en)
Sistema eragilea	Microsoft Windows, MacOS X, Linux, Android eta iOS
Software motorea	Lightweight Java Game Library (en)
Egile-eskubideak	copyrightduna
Lizentzia	lizentzia jabedun
Deskribapena
Honen eragina jaso du	Dwarf Fortress eta Infiniminer (en)
Kokapena
Bilduma	New Yorkeko Arte Modernoaren Museoa
Ekoizpena
Programatzailea	Jens Bergensten
Diseinatzailea	Markus Persson eta Jens Bergensten
Garatzailea	Mojang Studios eta Microsoft
Bestelako lanak
Musikagilea	C418 (en) Lena Raine (en) Gareth Coker Kumi Tanioka (en) Aaron Cherof (en)
Fikzioa
Erabiltzen du	Standard Galactic Alphabet (en) eta End Poem (en)
Fikzio-unibertsoa	Minecraft unibertsoa
Historia
Gertaera nabarmenak	MineCon (en) Acquisition of Mojang by Microsoft (en)
Jasotako sariak	Independent Games Festival Award - Seumas McNally Grand Prize (en) Independent Games Festival Audience Award (en)
Nominazioak	Golden Joystick Awards − Ultimate Game of All Time (en) Golden Joystick Awards 2021 (en)
minecraft.net

Minecraft mundu irekiko (ingelesez, Sandbox) bideo-joko bat da, Markus Persson ("Notch" bezala ere ezaguna dena) suediarrak sortua, zeinak ondoren Mojang enpresa sortu zuen, orain Microsoften^[1] parte dena. Gaur egun bi bertsio ezberdin daude: Java edition, Java programazio-lenguaiaren bidez programatua, eta Bedrock edition, C++ programazio-lenguaiaren bidez egina.

Lehen aldiz 2009ko maiatzaren 17an argitaratu zen, baina hainbat aldaketa eta hobekuntza egin ondoren, lehenengo bertsio egonkorra, 1.0 bertsioa, 2011ko azaroaren 18an argitaratu zen.

Bertsio osoa argitaratu baino hilabete bat lehenago Android^[2] sistema eragilea zuten mugikorretarako bertsio berri bat estreinatu zen, Minecraft: Pocket Edition, ondoren Minecraft: Bedrock Edition izatera igaroko zena^[3][4]. Urte bereko azaroaren 17an iOS sistema eragilerako ere argitaratu zen. 2012ko maiatzaren 9an PS3 eta Xbox 360 bideokontsoletarako bertsioak argitaratu ziren.

Bideo-jokoaren plazaratzetik, Minecraft-en bertsio guztiek eguneraketa konstanteak jasan dituzte, jokoari gauza berriak gehituz eta akatsak konponduz. Hori dela eta, eta beste hainbat faktore kontuan hartuz, bideo-jokoak izugarrizko arrakasta izatea lortu zuen hasieratik; horrela, 2014ko irailaren 15ean, Minecraft Microsoft enpresak erosi zuen 2500 milioi dolar estatubatuarren trukean. Gaur egun 300 milioi kopia baino gehiago saldu dira, gehien saldu den bideo-jokoa izanik^[5].

Modu sortzaileak (ingelesez, creative) eraikuntza librearen alderdian jartzen du arreta osoa. Jokalariak jokoko bloke eta objektu guztiak eduki ditzake, eta hauek berehala ipini edo suntsi daitezke. Horretaz gain, biziraupen moduan erasotzen duten arerioek modalitate honetan ez diote erasotzen jokalariari. Horri lotuta, jokalaria ezin daiteke modu naturalean hil, bizitza mugagabea baitauka. Modu sortzaileak mapatik zehar libreki hegan egiteko aukera ere ematen du.

Biziraupen modua (ingelesez, survival) bizitza errealean oinarritzen da, fantasia apur batekin konbinatuta. Modalitate honetan jokalaria zerotik hasten da eta mundua esploratu behar du material berrien bila, bere tresneria hobetzeko helburuarekin. Modu sortzailean ez bezala, biziraupen moduan jokalaria hil daiteke eta hainbat etsaiek, hala nola, zonbiek edota eskeletoek, erasotu egingo die gaua baldin bada. Modalitate honen helburu nagusia "end" dimentsioko dragoia hiltzea da. Jokalaria hiltzen bada berrager daiteke, baina zituen gauza guztiak galduko ditu.

Muturreko modua (ingelesez, hardcore) funtsean biziraupen moduaren berdina da, baina, jokalaria hiltzen baldin bada, ezingo du berragertu, hau da, mundu berri bat sortu beharko du eta berirro ere zerotik hasi beharko du.

Izenak dioen bezala (ingelesez, spectator), modalitate honetan jokalariak ezin dezake mundua eraldatu, hots, soilik bertan gertatzen dena ikus dezake. Modalitate hau normalean jokalari anitzeko moduan erabiltzen da.

Minecraft mundua, bere osotasunean, kuboz osatuta dago. Bertan, elementu guztiak kubo tamaina ezberdinez osatuta daude. 16 X 16 pixeleko testuren bitartez, zein bloke den adierazten da. Gainera, mundu horren bitxikerietako bat, pertsonaiek, legarrak eta areak grabitatearen menpe daudela da. Baina gainerako blokeak aldiz, ez daude honen menpe. Ondorioz, mundu honetan sor daitezken egitura ezberdinak airean sor daitezke; izan ere, ere ez dira zerutik erortzen.bitxikerietakoAldatu honengatik:

Mapa, biomak, egiturak eta mob ezberdinen agerpena guztiz ausazkoa da. Mundua 16x16ko ataletan, "chunks"-etan kargatu egiten da.

Bideojokoa irekitzerakoan, ez gainjartzeko, 60x10⁶x60x10⁶ kubotan gordetzen da informazioa. Joko honen mundua infinitua denez, hainbeste informazio kudeatzeko modura erabaki zuten hau. Horri gehituz, jolasten ari dena, inoiz igaro ez den zonalde batetik igarotzerakoan, honen inguruko 400chunk-ak sortzen dira. Mundua miatzen dugun heinean, ekosistema ezberdinetatik igaroko gara. Hauek klasifikatzeko terminologia bioma da, eta hau, bizitza errealan bezala, maparen zehar aldatzen joaten da mundu desberdinak erakusten joateko. Horren adibide hurrengoan izango lirateke: basoa, desertua, lautada, taiga, perretxiko irla, padura,zerua, ozeanoa, infernua(dimentsio bat bere baitan), lautada izoztua, oihana, "end"-a (dimentsio bat bere baitan) eta mendi extremoak. Bakoitza egitura eta ezaugarri ezberdinak dituelarik. 1.7 bertsioetatik aurrera beste bioma batzuk ere atera dira, horien adibide: sabana, baso itxia, mesa, izotz punten lautada, elurdun taiga eta mega taiga.

Mundu honetan hainbat mob daude, hiru motatakoak:

• Pasiboak edo 'friendly' deiturikoak: Hauek, ez dute jokalaria erasotzen, animaliak izaten dira eta janaria eskuratzeko baliatzen dira. Gainera, hauei eraso egiterakoan alde egiten dute. Horien adibide garbienak hurrengoak dira: behi, txerria, saguzarra, ardia, txerri zombiak, behi-perretxikoak, katua, txipiroia, herritarra, oiloa, txakurra, untxia, astoa, zaldia, zaldi zonbia, zaldi eskeletoa,
• Neutralak: Hauek ez dute jokalaria erasotzen, baina guk erasotzen baditugu hauek bueltan erasotuko digute. Horri gehituz, hauek, janaria emanez gero geure lagunak bilakatuko dira eta transporte bezala edo defenditzeko baliatzeko eukera izango dugu. Horien adibideak: otxoa, llama, armiarma (gauetan erasotzailea), zombi txerria

• Erasotzaileak: Hauek, detektatzeko eremu bat dute. Arruntena, 8 blokeko (kubo) distantzia; baina ondoren eraso egiteko eremu bat dute, urrutitik erasotzen dutelako batzuek eta besteek gertutik erasotzen dute. Gehitzeko, entitate bakoitzak berezitasun bat dauka, creeperra adibidez, geure ondoan dagoenean lehertu egiten da min kopuru altu bat eginez. Beraz, baldintza hauek betetzen dituzten mob-ak hurrengoak dira: enderman-a, Sorgina, eskeletoa, creeper-a, zombie-a, herritar zombie-a, zombi umea, ghast-a, wither eskeletoa, slime-a, magma kuboa, zilar-arraina, armiarma (egunetan neutrala) , armiarma pozointsua, blaze-a , amaierako dragoia (Jean izenekoa), "Wither" nagusia, "Guardian"-a, "Elder guardiana", eskeleto "Jokiea" (eskeleto bat armiarma baten gainean) "Chicken Jokiea" (zonbi umea oilo baten gainean)

Minecraft-eko jokalari anitzeko moduak hainbat jokalarik elkarri eragitea eta elkarren artean komunikatzea ahalbidetzen du mundu bakar batean. Jokoz joko, LAN jokoan, tokiko pantaila zatituan (kontsola bakarrik) eta zerbitzarietan (jokalariek eta negozioek ostatatuta) eskuragarri dago modu hau.

Jokalariek beren zerbitzariak exekutatu ditzakete, ostatu-hornitzaile bat erabili edo zuzenean konekta daitezke beste jokalari baten jokora Xbox Live bidez. Minecraften jokalari anitzeko zerbitzariak zerbitzarien operadoreek gidatzen dituzte, eta zerbitzariko komandoetarako sarbidea dute, hala nola eguneko ordua konfiguratzea eta jokalariak teletransportatzea. Operadoreek mugak ere ezar ditzakete erabiltzaile-izenen edo IP helbideen inguruan, zerbitzarian sar daitezkeen.

Jokalari anitzeko zerbitzariek jarduera-sorta zabala dute, eta zerbitzari batzuek beren arau eta ohitura bereziak dituzte. Zerbitzaririk handiena eta ezagunena Hypixel da, 14 milioi jokalari baino gehiagok bisitatu dutena. Jokalariaren aurkako borroka (PvP edo Person Versus Person) jokalarien arteko borroka ahalbidetzeko gaitu daiteke. Zerbitzari askok osagarri pertsonalizatuak dituzte, normalean posible ez diren ekintzak ahalbidetzen dituztenak, horiek, plugin izeneko gehigarrien bidez ahalbidetzen dira.

Gaur egunera arte ezagutu den zerbitzaririk zaharrena 2b2t izeneko zerbitzaria da. Bertan, ez zituzten araurik ezarri, eta horren ondorioz milaka jokalariek mundua hautsiz joan dira. Bertan talde bereziak sortuz joan ziren, klan batzuen antzekoak, eta oso zaila da gaur egun bertan beharrezko materialak eskuratzea, lehen milaka blokeetan ez dagoelako materialik eskuragarri, zerbitzariak duen adinagatik, zehazki, 2010eko abenduan sortu zen.^[6]

2013an, Mojang-ek Minecraft Realms iragarri zuen, jokalariei zerbitzarian modu erraz eta seguruan jokalari anitzeko jokoak exekutatzeko aukera ematen dien zerbitzariaren hosting zerbitzua, norberak konfiguratu beharrik izan gabe. Zerbitzari estandar bat ez bezala, jokalari gonbidatuak bakarrik sar daitezke Realms-en zerbitzarietan eta zerbitzari horiek ez dute IP helbiderik erabiltzen. Minecraft: Java Edition Realms zerbitzarien jabeek hogei lagun gonbida ditzakete beren zerbitzarian jokatzera, gehienez hamar jokalari aldi berean.^[7]

Minecraft: Java Edition Realms zerbitzariek ez dute erabiltzaileak sortutako osagarririk (plugin) onartzen, baina jokalariek Minecrafteko mapa pertsonalizatuak joka ditzakete . Minecraft Realms-en zerbitzariek erabiltzaileak sortutako osagarriak, baliabide paketeak, portaera paketeak eta Minecraft-en mapa pertsonalizatuak onartzen dituzte. Electronic Entertainment Expo 2016an (normalean 'E3' izenez ezagutzen dena), plataforma anitzeko jokoetarako euskarria gehitu zen Windows 10, iOS eta Android plataformen artean, Realms bidez, 2016eko ekainetik aurrera. Xbox One eta Nintendo Switch-erako euskarria beranduago gehitu zen, 2017an, eta baita errealitate birtual bertsiorako ere.

Java Edition etengabe garatzen ari da 2009ko maiatzaren erdialdetik. Orain "pre-Classic" bezala ezagutzen dena 2009ko maiatzaren 10etik 16ra bitarteko astean Minecraft-en kaleratu gabeko lehen bertsioak dira.

Hurrengo faseak, geroago Classic deitu zena, 2009ko maiatzaren 17tik azaroaren 10era iraun zuen. Hasteko, "Indev" edo "in development" laburdurak 2009ko abenduaren 23tik 2010eko otsailaren 23ra iraun zuen.

Bestetik, Infdev-ek, "infinite development" (garapen infinitua) laburdurak, 2010eko otsailaren 27tik ekainaren 30era iraun zuen. Bukatzeko, Alphak 2010eko ekainaren 30etik abenduaren 3ra iraun zuen, eta Betak 2010eko abenduaren 20tik 2011ko azaroaren 11ra arte iraun zuen.

Minecraft-en (Java Edition) merkaturatze ofiziala 2011ko azaroaren 18an izan zen, MINECON 2011n, eta ordutik eguneratze berriak argitaratu dira, berriena 1.22 izanik. Hala ere, nahiz eta 1.22 bertsiorik berriena izan, badaude jokatzeko modu asko beste bertsio zaharragoak baliatzen dituztenak. Adibidez, 1.8tik 1.9ra borrokatzerako orduan aldaketa nabarmenak egin zituzten. Horren ondorioz, komunitateko jokalari askoek 1.8ko borroka modalitatea gogoko zutenez, mundu partekatuetan hura inplementatzea erabaki zuten, borroka zaharraren esentzia mantendu ahal izateko.

Bestetik, joku modalitateak "biziraupen" moduaren antza gehiago badu, pertsona askoek +1.9ko bertsioak nahiago dituzte, bertan dauden objektu anitz eta berrien ondorioz, jokoaren aukerak asko zabaltzen direlako.^[8]

Gainera, minecraft jokoan euskarazko hizkuntza erabiltzeko aukera ematen da. Aukera hau, ez zen hasiera batetik jokoan egon, zehazki, 12w01a "snapshot" izeneko bertsioan ezarri zuten, zein 1.1 bertsioko proba bertsioetako bat izan zen, hau da, 2012ko urtarrilaren 5ean. Beraz, esan dezakegu gaur egun euskarak ia 13 urteko adina duela minecraften.^[9]

Modding komunitatea zaleek, erabiltzaileek eta kanpoko programatzaileek osatzen dute. Denborarekin sortu diren aplikazioen programen interfaze barietate bat erabiliz, Minecrafterako deskarga daitekeen eduki barietate zabal bat ekoitzi dute, hala nola aldaketak, testura-paketeak eta mapa pertsonalizatuak. Minecraft kodearen aldaketek, 'mod' deiturikoek, jolasaren aldaketa desberdinak gehitzen dituzte: bloke berriak, elementu berriak, zohikatz berriak eta sortzeko mekanismo-multzo berriak.^[10][11]

Modding komunitatearen helburu nagusia da; funtsean, hornitzea, jokoa hobetzen dutenetatik hasi (minimapak^[12], ibilbide-puntuak eta iraunkortasun-kontagailuak^[13]) eta jokoari beste bideojoko eta bitarteko batzuetako elementuak gehitzen dizkiotenetaraino.

Mod markoen barietate bat kodearen alderantzizko ingeniaritzaren bidez modu independentean garatu bazen ere, Mojangek Minecraft estandarra ere hobetu zuen aldaketarako marko ofizialekin, eta horrek komunitateak sortutako baliabide-paketeak ekoizteko aukera ematen du, jolasaren zenbait elementu aldatzen dituztenak, ehundurak eta soinuak barne.^[14] Jokalariek ere sor ditzakete beren "mapak" (munduko artxibo gorde pertsonalizatuak), askotan arau espezifikoak, erronkak, asmakizunak eta misioak dituztenak, eta partekatu besteek jolas dezaten.^[15] Horiei 'mapmaker' edo 'mapa-sortzaile' deitu ohi zaie.

Mojang-ek abentura modu bat gehitu zuen 2012ko abuztuan^[16] eta "komando-blokeak" 2012ko urrian^[17], bereziki Java Edition-en mapa pertsonalizatuetarako sortu zirenak. Java Edition-en 1.13 bertsioan sartutako datu-paketeek pertsonalizazio handiagoa ahalbidetzen dute: lorpen berriak, dimentsioak, funtzioak, harrapakin-taulak, predikatuak, errezetak, egiturak, etiketak, mundu mailako sorkuntza-konfigurazioak eta bioma moduluak gehitzeko gaitasuna barne.

Xbox 360 edizioak, deskarga daitekeen edukia onartzen du, eta Xbox Games Store bidez eros daiteke; eduki-pakete horiek pertsonaien maskara gehigarriak izaten dituzte.^[18] Geroago, ehundura-paketeentzako euskarria jaso zuen izenburuaren hamabigarren eguneratzean, "nahasketa-paketeak" aurkezten zituen bitartean. Bertan, ehundura-paketeak maskara-paketeekin eta soinuen, musikaren eta jokoaren erabiltzaile-interfazearen aldaketekin konbinatzen ziren.^[19] Lehen mash-up paketea (eta, hedaduraz, lehen testura paketea) Xbox 360 Edition-erako 2013ko irailaren 4an kaleratu zen eta Mass Effect frankizia zuen gaitzat.^[20] Hala ere, Java edizioak ez bezala, Xbox 360 edizioak ez du jokalariek sortutako aldaketarik onartzen, ezta mapa pertsonalizaturik ere. 2016ko maiatzaren 17an, Nintendoren Super Mario frankizian oinarritutako sustapen gurutzatuko baliabideen pakete bat merkaturatu zen mundu osoan Wii-U.^[21] argitalpenerako. Wii-U Edition-en Fallout-en oinarritutako pakete konbinatu bat merkaturatuko zela iragarri zen.^[22] 2018ko apirilean, malwarea aurkitu zen erabiltzaileek jokoaren Java edizioarekin erabiltzeko sortutako Minecraft maskara deskargagarri batzuetan.^{[23] [24]}Avastek ia 50.000 kontu kutsatuta zeudela adierazi zuen eta, aktibatzen zenean, malwarea erabiltzailearen disko gogorra berritzen saiatzen zen. ^[24][23]Mojangek berehala konpondu zuen arazoa, eta adierazpen bat egin zuen, esanez "jokoak berak ez zuela kodea exekutatuko edo irakurriko",^[23] eta maskara zeukan irudia irekitzen zenean bakarrik exekutatuko zela.^[25]

2017ko ekainean, Mojangek "Discovery Update" bezala ezagutzen den eguneratze bat atera zuen jokoaren Bedrock bertsiorako.^[26] Eguneratzeak mapa berri bat, joko modu berri bat, "Merkatua", erabiltzaileek sortutako eduki katalogo bat, Minecraften sortzaileei "jokoarekin bizimodua ateratzeko beste modu bat" eskaintzen diena, eta gehiago.^[27][28]

Minecraft eta modding komunitatean, oro har, asko erabiltzen diren modak daude, edo garrantzitsuak dira beste moduen edo jokoaren egonkortasunerako eta bateragarritasunerako.

• Forge, Fabric, Bukkit, Paper, zerbitzari baten edo bezeroaren (jokalaria) instalazio bat aldatzen duten beste proiektu batzuen artean, modak garatzeko API bat inplementatzen dutenak.

• Optifine, bezeroarentzako edo zerbitzariarentzako eredua, errendimendua eta estetika hobetzeko ezaugarriak gehitzen dituena (geruzak).

• Power 2 sarea, Minecraft-i ezaugarri aurreratuak gehitzen dizkion modeloa, industria-teknologia gisa, hala nola ponpa hidraulikoak, eguzki-panelak eta hodi pneumatikoak, eta MOS 6502an oinarritutako ordenagailu oso bat emulatzea ere ahalbidetzen du, jokoaren beraren mekaniken bidez.^[29][30][31]

Erderazko: Minecraft Bedrock artikulutik lortua

Hasiera batean, Minecraften edizio hau sakelako edizio bat izateko garatu zen, eta edizioa eskuragarri dago telefono eta tabletentzat. Windows 10 Edition izeneko edizio bat ere badago, garapen lerro berean eta Pocket Edition kode berean oinarritzen dena, nahiz eta Windows 10erako bakarrik dagoen eskuragarri eta Holo Lens-en, Microsoften errealitate birtualeko gailuetan eta Oculus Rift-en ere funtzionatzeko prestatuta dagoen. Pocket Edition arruntak ere gailu horietarako euskarria zuen, Samsung Gear VR-rekin adibidez.

Edizio honetako beste aldaera batzuk Apple TV Edition eta Fire TV Edition dira. Hala ere, 1.2 bertsiotik aurrera, Pocket Edition-en jokagarritasuna bateratu zen Windows 10, Xbox One S eta errealitate birtualeko gailuekin, "Bedrock Edition" izenekoaren azpian, jokalari anitzeko jokoa ahalbidetuz aurreko plataformen artean, bai interkonexioa duten munduetan, bai jokalari anitzeko zerbitzarietan. Denboraldi baten ondoren, Nintendo Switch gehitu zitzaion edizio honi, eta, azkenik, Playstation 4 eta 5.^[32][33]

Jokoaren edizio hau, lehen "Console Edition" bezala ezagutzen zena, Xbox 360, Xbox One, Wii U, Nintendo Switch, PS3 eta PS4 kontsoletan funtzionatzeko prestatuta zegoen. Edizioa Java edizioaren oso antzekoa zen, eta jokalari anitzeko joka zitekeen hainbat kontsolatan harpidetzekin, Xboxen kasuan bezala, bere Xbox LIVE Gold zerbitzuarekin. Bedrock edizioa PS4ra iritsi zenean, 2019ko amaieran, Legacy edizio guztiak merkatutik kendu ziren. Plataforma batzuetan eskuragarri izaten jarraitzen duten arren, ez dute eguneraketa gehiagorik jasoko.

• Minecraft Wiki Ofiziala