Neymar

Neymar
	; Irudi gehiago
Bizitza
Jaiotzako izen-deiturak	Neymar da Silva Santos Júnior
Jaiotza	Mogi das Cruzes, 1992ko otsailaren 5a (33 urte)
Herrialdea	Brasil
Lehen hizkuntza	brasildar portugesa
Familia
Bikotekidea(k)	ikusi Bruna Marquezine (en) ; Bruna Biancardi (en) ;
Seme-alabak	ikusi Mavie Biancardi da Silva (en) ; Davi Lucca (en) ;
Haurrideak	ikusi Rafaella Santos (en) ;
Hezkuntza
Hizkuntzak	brasildar portugesa; portugesa
Jarduerak
Jarduerak	futbolaria
Ibilbidea
	Parte-hartzailea 2012ko Udako Olinpiar Jokoak ; 2014ko Munduko Futbol Txapelketa ; football at the 2016 Summer Olympics (en) ; 2018ko Munduko Futbol Txapelketa ; Ice Bucket Challenge ;
Posizio edo espezialitatea	wing half (en)
Kirol zenbakia	10
Pisua	69 kilogramo
Altuera	175 zentimetro
Jasotako sariak	ikusi Samba Gold : Sambafoot (en) (2014, 2015, 2017, 2020, 2021, 2022) ; South American Footballer of the Year (2011) ; South American Footballer of the Year (2012) ;
	neymarjr.com

Neymar da Silva Santos Junior (Mogi das Cruzes, São Paulo, Brasil, 1992ko otsailaren 5a), Neymar izenez ezaguna, futbol jokalaria da. Ezker hegalekotzat edo erasoko erdilaritzat jokatu ohi du. Gaur egun, Brasilgo A Seriean jokatzen du, Santos FC taldean hain zuzen ere. Bere ibilbidearen zati oparoenak Bartzelona eta Paris Saint-Germain futbol klubetan eman ditu.

31 urte zituela, Europako goi-mailako futbola utzi zuen. Hala ere, askoren esanetan bere garaiko futbol jokalari gorenetako bat da, belaunaldikide dituen Cristiano Ronaldo eta Lionel Messi izarren tronura gehien hurbildu denetakoa.^[1] Zelaian jokalari dibertigarria eta hankaz arina, bere magiaz aurkariak atzean uzteko erraztasun izugarria erakutsi du, eta bere aurrekari Ronaldinhorekin konparatu izan dute bien dribbling izugarriagatik. Ronaldinhok legez, Neymarrek zelaitik at hainbat gorabehera izan ditu, eta uste da horrek galarazi diola arreta erabat futbolera bideratzea eta bertan urrunago iristea.^[2]

Brasilgo Selekzio Nazionalean ere jokatzen du. Selekzio hartan, kapitaina da; eta, 79 gol sartu dituelarik, inoizko golegile ugariena, selekzioarentzat 77 gol eginak zituen Pelé mitoa gaindituta.

Bizitza

Neymar Da Silva Santos Junior 1992ko otsailaren 3an sortu zen São Paulon. Brasildar jokalaria da, Santos FC-eko harrobitik atera diren harribitxien adibide garbienetariko bat.

Neymarren gurasoak Neymar Sr. eta Nadine dira. Haren aitaren izena jarauntsi zuen, zeina futbolaria izan zen eta gaur egun semearen aholkularia den. Arreba ere badauka, Rafaella izenekoa. 1992an, haren familiarekin Sao Vicent-era joan ziren bizitzera. Geroago, Santosera joan ziren 2003an, irabazitako diruarekin etxe bat erosi zuten Vila Belmiron. Neymarrek gaztetatik jokalari gisa bere familia kideen bizitza hobetu izan du. Izan ere, 15 urte besterik ez zituela 10.000 erreal irabazten zituen, eta 16 urterekin, 25.000.

Kirol ibilbidea

Neymarrek hainbat sari irabazi ditu debuta egin zuenetik, adibidez, 2009an jokalari gazte onenaren saria irabazi zuen, 2010ean Paulista txapelketan jokalari eta aurrelari onena izendatu zuten eta urte berean goleatzaile handiena izendatu zuten Brasilgo kopan. 2011an urteko futbolaria izendatu zuten Santos taldean egindako jokaldiengatik eta urte horretan Club-en Munduko Txapelketaren brontzezko baloia ere irabazi zuen, non amaierara arte heldu zen Santos F.C. taldearekin eta Bartzelona Futbol Kluba-ren aurka ere jokatu zuten. Galdu egin zuten 4-0.

2010. urtean debutatu egin zuen Brasilgo selekzio absolutuarekin, eta Hegoaldeko txapelketako goleatzaile handienaren saria irabazi zuen. Selekzio sub-23-rekin 2012ko Joko Olinpikoetan jokatu zuen eta, bertan, txapeldunorde izan ziren eta historiako goleatzaile handiena izan zen 11 golekin.

2011an, Neymar, 19 urterekin aita izan zen eta haren semeari David Lucca izena jarri zion. Bere neska-lagunak Carolina izena du, zeinak 17 urte soilik zituenean erditu zuen.

2013an, 21 urterekin, Messi eta Suarezekin batera aurrealdea menperatzeko etorri zen, Santosen denboraldi bikainak egin eta gero. 123 partidu jokatu eta 68 gol sartu zituen. 2017ko udan, Neymar PSGra joan zen, honek 222 milioi euro ordaindu ondoren, baina lesioek gelditu egin zuten bere ibilbidea.

Bertan, jokatu duenean eta lesioek errespetatu dutenean, erakutsi du sekulako maila duela, baina partidu erabakigarrietan agertu ohi ez denez, ez dago munduko jokalari onenen artean.

Berak esan duenez, bere ibilbideko momentu onenetariko bat Camp Noueko 2016-2017 denboraldiko neurketa da (Bartzelona 6-1 PSG), final zortzirenetan kanporaketa irauliz aurrera egin zuten egunekoa.