Planeta erraldoi

Planeta erraldoi masa handia duen edozein planetari deritzo. Irakite-puntu txikiko materialez (batez ere gasez edo izotzez) osatuta egon ohi dira, nahiz eta planeta solido masiboak ere badiren. Eguzki-sisteman lau planeta erraldoi ezagun daude: Jupiter, Saturno, Neptuno eta Urano^[1]. Eguzki-sistematik at hainbat exoplaneta erraldoi aurkitu dira beste izarren inguruan orbitatzen.

Batzuetan planeta erraldoiei jupitertar planetak edo planeta jobianoak deritze, Jupiter planetagatik. Bestetan, aldiz, gasezko erraldoi deritze. Hala ere, zenbait astronomok bakarrik Jupiter eta Saturno baino ez dituzte sailkatzen gasezko erraldoien taldean, zeren Urano eta Neptuno izotzezko erraldoien kategorian sailkatzen baituzte.

Masa oso txikiko nano marroien eta gasezko erraldoien (~13 M_J) arteko definizio-ezberdintasunak eztabaidan daude^[2]. Batzuen ustez eraketaren araberakoa da; beste batzuen ustez, aldiz, argizagiaren barruko fisikarena. Beraz, zehazteko dago ea historian zehar fusio nuklearra nahitaez gertatu behar den argizagi bat nano marroitzat sailkatzeko.

Erreferentziak

↑ Legarreta Etxagibel, Jon. (2011). «Eguzki-sistemako planeta erraldoien atmosfera» Ekaia 24 zkia. (Noiz kontsultatua: 2018-02-18).
↑ (Ingelesez) Burgasser, Adam J.. (2008ko ekaina). «Brown dwarfs: Failed stars, super Jupiters» Physics Today 61: 70-71 orrialdeak. doi:10.1063/1.2947658. (Noiz kontsultatua: 2018-02-18).^{[Betiko hautsitako esteka]}

Kanpo estekak

Datuak: Q21857994
Multimedia: Jovian planets / Q21857994

[1] Legarreta Etxagibel, Jon. (2011). «Eguzki-sistemako planeta erraldoien atmosfera» Ekaia 24 zkia. (Noiz kontsultatua: 2018-02-18).

[2] (Ingelesez) Burgasser, Adam J.. (2008ko ekaina). «Brown dwarfs: Failed stars, super Jupiters» Physics Today 61: 70-71 orrialdeak. doi:10.1063/1.2947658. (Noiz kontsultatua: 2018-02-18).^{[Betiko hautsitako esteka]}

[1]

[2]