Sam Altman

Sam Altman

OpenAIeko presidente-zuzendari nagusi

2023ko azaroa -
Bizitza
Jaiotzako izen-deiturakSamuel Harris Altman
JaiotzaChicago, 1985eko apirilaren 22a (39 urte)
Herrialdea Ameriketako Estatu Batuak
BizilekuaSan Frantzisko
Hezkuntza
HeziketaStanford Unibertsitatea : informatika
John Burroughs School (en) Itzuli
Hizkuntzakingelesa
Jarduerak
Jarduerakenpresaburua, programatzailea eta ekintzailea
Enplegatzailea(k)Y Combinator
Loopt (en) Itzuli
Reddit Inc.
OpenAI  (2018 -
Jasotako sariak
blog.samaltman.com
IMDB: nm10310272 Facebook: samhaltman Twitter: sama Edit the value on Wikidata

Sam Altman (Chicago, AEB, 1985) teknologiako ekintzaile, inbertsore eta programatzaile estatubatuarra da.[1] Adimen artifizialeko OpenAI enpresako burua da, eta zuzendu zuen hori baino lehenago Y Combinator Silicon Valleyko enpresa haztegi handia.[2][3] Altman konfundatzaile izan da beste proiektu batzuetan ere, hala nola Loopt (2005) eta Worldcoin (2020).

Biografia

Altman Saint Louis hirian hazi zen, familia judu batean. Zortzi urte zituela jaso zuen lehen ordenagailua.[4] Bigarren mailako ikasketak egin zituen John Burroughs Schoolen, eta informatika ikasi zuen Stanford Unibertsitatean, 2005ean ikasketak utzi zituen arte.[5] 2017an, Waterlooko Unibertsitateak honoris causa titulua eman zion.[6]

2005ean, 19 urte zituela, Altmanek Loopt sortu zuen, kokapen geografikoan oinarritutako sare sozial mugikor bat, aplikazio eran funtzionatzen zuena.[7][8] 2012ko martxoan, Loopt Green Dot Corporation-ek erosi zuen 43,4 milioi dolarren truke.[9]

Altman 2011n hasi zen Y Combinator-en lanaldi partzialeko bazkide gisa.[10] 2014ko otsailean, Y Combinator taldeko presidente izendatu zuen Paul Graham sortzaileetako batek.[11][12] 2014an pozik adierazi zuen Altmanek Y Combinatorren enpresen balorazioak 65.000 milioi dolar gainditu zituela, arrakasta kasuak aipatuz: Airbnb, Dropbox, Zenefits eta Stripe barne.[13]

Adimen artifizialeko OpenAI enpresan zentratu zen 2015etik aurrera.[14] Altman izan zen inbertsoreetako bat, eta beste ere batzuk izan ziren lehen une hartan, horien artean Elon Musk, Jessica Livingston, Peter Thiel, Amazon Web Services, Infosys eta Y Combinator bera.

2023an une labur batez OpenAItik apartatu zuen enpresako kontseilu exekutiboak, baina laster itzularazi zuten lanera.[15]

2025eko urtarrilaren, Donald Trump AEBetako presidentearen bigarren agintaldiko lehen egunean agertu zen Trumpen ondoan Etxe Zurian, adimen artifizialarentzako azpiegiturak sortzeko Stargate proiektuaren iragarpenean.[16] Ordurako mila milioi dolarreko aberastasuna (billioinaire izatea, AEBetako terminoetan) aitortzen zion jada Forbes aldizkariak.[17]


Erreferentziak

  • Artikulu hau, osorik edo zatiren batean, katalanezko wikipediako «Sam Altman» artikulutik itzulia izan da, 2024-09-30 data duen 34054219 bertsioa oinarritzat hartuta. Sartze-datarik ez duten erreferentziak, edo 2024-09-30 baino lehenago datatuak, jatorrizko artikulutik ekarri dira itzulpenarekin batera.
  1. ↑ «Sam Altman» SamAltman.com.
  2. ↑ Graham, Paul. (24 abril 2014). «Sam Altman for President» Y Combinator.
  3. ↑ OpenAI. 12 desembre 2015.
  4. ↑ Junod, Tom. (18 desembre 2014). «How Venture Capitalists Find Opportunities in the Future» Esquire.
  5. ↑ «People» Y Combinator.
  6. ↑ «Spring 2017 honorary and award recipients» Registrar's Office (University of Waterloo).
  7. ↑ Ankeny, Jason. (25 abril 2015). Meet Y Combinator's Bold Whiz Kid Boss. .
  8. ↑ «Executives» Loopt.
  9. ↑ 9 març 2012.
  10. ↑ «Y Combinator president Sam Altman is stepping down amid a series of changes at the accelerator» TechCrunch 8 març 2019.
  11. ↑ «Garry Tan Says Goodbye to Y Combinator» TechCrunch 6 novembre 2015.
  12. ↑ Graham, Paul. (24 abril 2014). «Sam Altman for President» Y Combinator.
  13. ↑ Altman, Sam. «YC Changes» Y Combinator.
  14. ↑ OpenAI. 12 desembre 2015.
  15. ↑ OpenAI LP. 2019-03-11.
  16. ↑ Sustatu. (2025-01-22). «TeknoTrump albisteak: Oligarkekin bat, Stargate AA ekimena, eta TikTok luzapena» sustatu.eus (Noiz kontsultatua: 2025-01-23).
  17. ↑ (Ingelesez) Rodini, Laura. (2025-01-04). «Sam Altman's net worth: The OpenAI founder is now a billionaire» TheStreet (Noiz kontsultatua: 2025-01-23).

Kanpo estekak