Urarte

Urarte
Euskal Herria
Kokapena
Herrialdea	Araba
Udalerria	Bernedo
Geografia
Koordenatuak	42°42′00″N 2°35′39″W / 42.7°N 2.5942°W / 42.7; -2.5942
Garaiera	648 m
Demografia
Biztanleria	42 (2022)

Urarte Arabako Bernedo udalerriaren erdialdean dagoen herria da, Trebiñu ipar, mendebal eta hegoaldean, Markiz ekialdean eta Izkiko natura parkea hego-ekialdean mugakide dituena.

Urartek alboetan ditu iparraldetik datorren Ihuda ibaia eta ekialdetik datorren haren ibaiadar bat; hortik datorkio herriari izena.

1025ko Donemiliagako goldean Uarte dokumentatzen da.

1961 arte Arluzea udalerriaren zati eta herriburu, 1961-1976 tartean Arluzea-Markiz delakoaren barnean kokatu zuten azken urte horretan Bernedora pasa arte.

Urarteko biztanleria

Eskualdeko Garraioa sareak linea bat ditu herrian:

Eskualdeko Garraioa  Zerbitzua   Hasiera   Ibilbidea   Amaiera ⁠ 16 Armentia T. Trebiñu Arluzea • Markiz • Saseta • Urarte • Paritza • Lañu • Albaita • Fuidio • Faidu • Mesantza • Samiano • San Martin Galbarin • Torre • Argote • Axarte • Agilu • Marauri • Ogeta • Saratsu • Pedruzo • San Vicentejo • Imiruri • Uzkio Armentia T. Trebiñu

Herriko eliza nagusia Asuntzioarena da, jatorriz XIII. mendekoa, eta bestela Larrauriko ama birjinaren baseliza herriko kanpoaldean dugu, iparraldean.

Markizen bezala, Urarten ere Erdi Aroko hainbat kobazulo artifizial daude, eremutar jatorrizkoak eta grabatu ugarirekin.

• Arabako Mendialdeko kuadrilla

• (Gaztelaniaz) Bernedoko herriak udaleko webgunean

Euskarazko Wikipedian bada atari bat, gai hau duena: Euskal Wikiatlasa