Zabalgunea (Gasteiz)

Zabalgunea
	Euskal Herria
	<img src="https://maps.wikimedia.org/img/osm-intl,13,42.8439,-2.6722,280x250.png?lang=eu" width="280" height="250" decoding="async" srcset="https://maps.wikimedia.org/img/osm-intl,13,42.8439,-2.6722,280x250@2x.png?lang=eu 2x" alt="Map">
Kokapena
Herrialdea	Araba
Udalerria	Gasteiz
Geografia
Koordenatuak	42°50′38″N 2°40′20″W / 42.8439°N 2.6722°W
Demografia
Biztanleria	8.547 (2023)

Zabalgunea Gasteizko (Araba) auzoa da. Guztira 55 hektareako azalera dauka, Alde Zaharraren mendebalde eta hegoaldera dago, hiriaren erdigunean.

Historia

Gasteizko hiria oraindik harresi artean zegoela, gaur egun Zabalgunea dagoen lurrak hiriaren kanpoaldean zeuden, eta nekazarien azokak egiteko erabiltzen ziren. 1781. urtean ekin zioten auzoa eraikitzeari; horrela hasi ziren Plaza Berria (gaur egun Espainia Plaza izen ofiziala duena) eraikitzen, Justo Antonio Olagibel arkitektoaren diseinuari jarraituz. Plaza hamar urteren buruan amaitu zen. Estilo neoklasikoko plaza hura, ospakizun eta bestelako jaien erdigune moduan erabiltzeko egin zuten.

Horrez gain, Plaza Berrian udaletxe berria eraiki zen, eta erdi puntuko arkuko arkupeak egin ziren alboetako eraikinetan. 1985 eta 1986. urteen artean erabat berriztu zen plaza, gaur egungo itxura hartuz. Ondoren, XIX. mendean Zabalguneko eraikin gehienak altxatu ziren. Gaur egun, Gasteizko zabalguneak hiriko denda eta gune komertzial nagusia da eta bizitzeko hiriko gunerik garestienetakoa.