Ziklo konbinatu

Ziklo konbinatua bi ziklo termodinamiko konbinatzen dituen sistema da. Batetik, gas-turbina bat du; turbina horren ihes-gasen beroa lurruna sortzeko erabiltzen da, eta lurrun horrek lurrun-turbina bat ibilarazten du.^[1] Itsasontzien propultsioan sistema honi COGAS diote.

Ziklo konbinatuko zentrala zentral elektriko bat da, non erregaiaren energia termikoa elektrizitate bihurtzen den bi ziklo termodinamikoren bidez: gas-turbina bati dagokiona, normalean gas naturala, errekuntzaren bidez (Brayton zikloa) eta lurrun-turbina konbentzionala (Rankine zikloa).^[2]