Mari del Norti

El mari del Norti es un mari marginal del océanu Atlánticu, assitiau entri las costas de Noruega i Dinamarca al esti, las delas islas británicas al oesti i las d'Alemaña, los Paisis Baxus, Bélgica i Francia al sul. El Skagerrak constituyi una especii de bahía al esti del mari, la qual lo conecta col Bálticu a través del Kattegat; tamién está conectau col Bálticu meyanti el canal de Kiel. El canal dela Mancha lo conecta al restu del Atlánticu pol sul, mentras que pol norti conecta a través del mari de Noruega, qu'es el nombri qu'adota el mari al norti delas islas Shetland.

Las mareas son abondu irregularis ya que confluyin nel una corrienti provenienti del norti i otra del sul. A abondus lluvia i niebla duranti tou el añu, i del noroesti vienin violentas tormentas que hazin la navegación peligrosa.

Tieni una superfici dunus 750 000 km², una longitú aprosimá de 960 km i una anchura máxima de 480 km. Es un mari mu pocu profundu, con una profundidá media de 95 metrus: el hechu que nel bancu Dogger, en meyu del mari i a una profundidá d'unus 25 metrus, s'ayan topau restus de mamuts prueva que duranti la última glaciación u bien estaba cubiertu de yelu u bien estaba emergiu. Col desyelu, el bancu se convirtió nuna especii d'últimu reductu en forma d'isla.

Duranti la Edá Antigua esti mari se conocía cumu Oceanum u Mare Germanicum. El nombri atual se crei que surgió dendi el puntu de vista delas Islas Frisias, dendi queaba totalmenti al norti, i pol oposición al mari del Sul (el mari de Frisia i el Zuiderzee, enos Países Bajus). A la larga, el nombri atual s'acabó emponiendu, de forma que ya era predominanti duranti la Edá Moerna. Ena citá Edá Moerna fue común llamal Mari del Norti u Mari del Nord a tol océanu Atlántico, siendu pol contrapartia llamau «Mari del Sul» u «Mari del Sud» tol océano Pacíficu.

Sigún las lenguas oficialis delos estaus que lo arrodean, es denominau Mer du Nord en francés, Noordzee en neerlandés, Nordsee en alemán, Nordsøen en danés, Nordsjøen en noruego i North Sea en inglés. En frisón ociental se dici Noardsee, en frisón oriental se dici Noudsee, en frisón septentrional Weestsiie (el mari Ociental) i en gaélico escocés A' Mhuir a Tuath.

Tieni emportantis yacimientus de petróleo i gas natural, los cualis encetarun a gastal-si ena década de 1970.

La máxima autoridá enternacional en materia de delimitación de maris, la Organización Idrográfica Enternacional («International Hydrographic Organization, IHO), considera el mari del Norti cumu un mari. Ena su publicación de referéncia mundial, «Limits of oceans and seas» (Límitis de océanus i maris, 3ª edición de 1953), le asigna el númeru d'identificación 4 i lo defini dela horma siguienti:

Prantilla:Cita

Duranti la Edá Antigua esti mari se conocía cumu Oceanum u Mare Germanicum. El nombri atual se crei que surgió dendi el puntu de vista delas Islas Frisias, dendi ondi queaba totalmenti al norti, i pol oposición al mari del Sul (ogañu mari de Wadden, enos Países Bajus). A la larga, el nombri atual s'acabó emponiendu, de forma que ya era predominanti duranti la Edá Moerna.

Sigún las lenguas oficialis delos estaus que lo arrodean, es denominau Mer du Nord en francés, Noordzee en neerlandés, Nordsee en alemán, Nordsøen en danés, Nordsjøen en noruego i North Sea en inglés. En frisón ociental se dici Noardsee, en frisón oriental se dici Noudsee, en frisón septentrional Weestsiie (el mari Ociental) i en gaélico escocés A' Mhuir a Tuath.

Unu delos primerus nombris que se recojin es el de "Septentrionalis Oceanus", u "Océanu norteñu", que fue citau por Plinio. Aun assina, los celtas que vivían a lo largu dela su costa se referían cumu el “Morimaru”, u el "mari muertu", que tamién fue adotáu polos puebrus germánicus, resultandu en “Morimarusa”. Esti nombri se refieri a la "agua muerta" u franjas resultantis duna capa d'agua dulci que reponía a la parti superiol duna capa d'agua salá, hechú que resultaba una agua d'aspetu mu tranquilu. La referéncia a esti mesmu fenómenu se prolongó ena Edá Meya, pol exemplu, “giliberōt” del alto alemán antiguo u en neerlandés medio “lebermer” u “libersee”.

Otrus nombris comunis nel gastu duranti largus periodus fuerun los términus latinus Mare Frisicum i Mare Germanicum (u Oceanus Germanicus), assín cumu los sus equivalentis notras lenguas.

El mari del Norti está delimitau, ena parti ociental, polas islas Orcadas i la costa esti d'Ingalaterra i Escocia,^[2] ena parti oriental pol estremu sul-ociental dela península d'Escandinavia i el oesti de Jutlandia (litoral noruegu i danés, respectivamenti) i al sul pola costa ociental d'Alemaña, el litoral delos Países Bajos i Bélgica i del estremu norti de Francia ata el canal de la Mancha.^[3] Al suroesti, más allá del estrecho de Dover u de Calais, el mari del Norti se convierti nel canal dela Mancha, conexión col océanu Atlántico. Al esti, se conecta col mar Báltico a través del Skagerrak i el Kattegat, dos estrechos que separan Dinamarca de Noruega i Suecia, respectivamenti. Al norti está bordeau polas Shetland i se conecta col mar de Noruega, que s'alcuentra al estremu nororiental del Atlánticu.^[4]

S'estiendi a lo largu de 970 quilómetrus i tieni una anchura de 580 quilómetrus, ocupa una superfici de 750 000 quilómetrus cuadraus i un volumin de 94 000 quilómetrus cúbicus.^[5] To alreol del litoral del mari del Norti ai islas i archipiélagus emportantis, cumu por exemplu las islas Shetland, las Orcadas i las islas Frisias. El mari del Norti recibi agua dulci provenienti duna serii de cuencas continentalis uropeas, assín cumu delas cuencas hidrográficas delas islas británicas. Tamién va a palral l'agua del mari Bálticu, ondi desembocan tamién una gran cantidá de ríus, pol cual se trata dun mari con poca salinidá. Los ríus prencipalis que desaguan al mari del Norti son el Elba, el Rin i el Mosa. La cuenca del Elba drena una superfici de 149 000 quilómetrus cuadraus, que incluyi 18 ciais i los sus afluentis. El delta del Rin-Mosa recibi las descargas d'agua duna superfici de 199 000 quilómetrus cuadraus, ondi s'alcuentran 68 ciais.^[6][7] Alreol de 184 millonis de pressonas vivin ena cuenca delos ríus que fluyin hacia el mari del Norti. Esta arrea contieni densas concentracionis endustrialis.^[8]

Acia el norti a partil de latitú norti 53° 24', duna manera general, el hondón del mari del Norti desciendi de forma inadecuá. Al sul, s'inclina hacia el passu de Calais.

Ena su mayol parti, el mari del Norti s'alcuentra ena plataforma continental uropea, con una hondura meyana de 90 metrus;^[9] tieni pocas çonas más hondas de 100 metrus. La única esceción es la çanja de Noruega, que s'estiendi paralela ala costa de Noruega dendi Oslo ata una çona al norti de Bergen. Tieni entri 20 i 30 quilómetrus de cumprimentu, con unus 300 metrus de hondura anti Bergen, i una hondura máxima de 725 metrus en Skagerrak.^[10] Al esti dela Gran Bretaña, el bancu Dogger, una meseta que provieni duna grandi morrena del periodu glacial, produtu dela acumulación d'escombrus de glaciaris no consolidaus, s'elevi entri 15 i 30 metrus pol debaju dela superfici del mari.^[11][12] Esta característica a produciu una çona mu rica pala pesca.

Long Forties i Broad Fourteens son árias que recibin los nombris pola profundidá qu'ai midia en brazas; cuarenta brazas i catorci brazas u 73 i 26 metrus de profundidá, respectivamenti. Estus grandis bancus i otrus similaris hazin del mari del Norti unas çonas especialmenti peligrosas pa navegar,^[13] que a siu aliviá pola aplicación delos nuevus sistemas de navegación pol satéliti.^[14]

Tamién ai grandis profundidais ena parti ociental del mari del Norti, cumu pol exemplu el Agujeru del Diabru^[15] a lo largu d'Edimburgo, ata 460 metrus, i algunus huera dela bahía de The Wash. ^[16] Estus corredoris podríen habel siu formaus polos ríos durante l'última glaciación. De hechu, neste momentu dela glaciación, el nivel del mari del Norte era más baxu qu'el nivel d'ogañu (regresión marina). Los ríos antoncis habríen erosionau ciertas partis nesse momentu a cuerpo descubierto qu'el mar cubri ena actualidá(transgresión marina). Lo más probabli es que sean restus dela valli del túnel, manteniéndose abiertas palas corrientis de marea.

Mapa del mari del Norti (1796).	Mapa atual del mari del Norti.	Em colorau el passaji del nordeste qu'ajunta el Mari del Norti col oceanu Pacíficu.

La temperatura mediana en vranu es de 17 °C i 6 °C en iviernu. El cambiu climáticu s'a atribuiu a un aumentu ena temperatura media del mari del Norti.^[17] Las temperaturas del airi en heneru, de media se muevin nel rangú de 0 a 4 °C i en juliu, entri 13 i 18 °C. Duranti los mesis invernalis son frecuentis los temporalis i las tormentas.

Las medias de saliniá son entri 34 i 35 gramus de sal pol litru d'agua. La saliniá tieni una mayol variabiliá ondi ai entradas d'agua dulci, cumu enos estuarius del Rin i el Elba, la conexión col mar Báltico, i a lo largu dela costa de Noruega.^[18]

Los prencepalis ríus que nel desaguan son:

• el Elba, de 1165 km de longituú, que desagua en Cuxhaven (Alemaña);
• el Weser, de 452 km, que desaguaen Bremerhaven (Alemaña);
• el Ems, de 371 km, que desagua en Emden (Alemaña);
• el Rin, de 1233 km, i el ríu Mosa, de 950 km, que desagua en Róterdam (Países Baxus);
• el Escalda, de 355 km, que desagua en Flesinga (Países Baxus);
• el Yser a Nieuwpoort (Bélgica)
• el Támesis, de 346 km, que desagua en Southend-on-Sea (Gran Bretaña);
• el Humber en Kingston upon Hull (Ingalaterra)
• el Trent, de 298 km, i el ríu Ouse, de 84 km, que desaguan en Kingston upon Hull (Gran Bretaña);
• el Tyne, de 321 km, que desagua en South Shields (Gran Bretaña);
• el Forth, de 47 km, que desagua en Stirling (Gran Bretaña);
• el Tay, de 188 km, que desagua en Dundee (Gran Bretaña);

La pauta prencepal pal fluju d'agua al mari del Norti es un antigiru en sentiu acia la derecha a lo largu delas aceras. El mari del Norti es un brazu del océanu Atlánticu i recibi la mayoría delas corrientis oceánicas dendi la apertura norteña-oesti i, en menol grau, una parti que provieni dela corrienti cálida dela pequeña apertura del canal dela Mancha. Estas corrientis provienin dela costa de Noruega. Tantu las corrientis d'aguas profundas cumu las de superfici se muevin en diferentis direccionis; las aguas costeras superficialis de baja salinidad se desplazan hacia el esteriol, i las más profundas i densas con una alta salinidad se muevin hacia la costa.

El mari del Norti s'alcuentra dentru dela plataforma continental i tieni unus tipus d'olas más diferentis que las delas aguas oceánicas de más hondura. Las velocidais delas olas se ven disminuías i las amplitudis delas olas aumentan. Nel mari del Norti ai dos sistemas anfidrómicus i un tercer sistema anfidrómicu incompletu. Nel mari del Norti, la diferencia ena amplitú mediana dela marea es de entri 0 a 8 metrus.

La marea Kelvin del océanu Atlánticu es una ola semidiurna que viaja hacia el norti. Parti dela energía desta ola se propaga a través del canal dela Mancha acia el mari del Norti. Endispiés, la ola todavía viaja hacia el norti del océanu Atlántico, i una vezi pasás las islas británicas, la ola Kelvin se desplaza hacia el esti i al sul, i una vezi más entra en el mari del Norti.

Las costas esti i oesti del mari del Norti son irregularis, formás polos glaciaris duranti la época glacial. Las costas a lo largu dela parti sul están cubiertas con los restus delos sedimentus glacialis depositaus. L'aporti delas montañas de Noruega ata a la orilla del mari, a provocau la criación de profundus fiordus i archipiélagus. Al sul de Stavanger, la costa se suaviza i ca vezi ai menus islas. La costa esti d'Escocia es bastanti similal, enque menus marcá que la de Noruega. Al nordeste de Ingalaterra, los acantilaus son de menus altitú i se componin de morrenas menus resistentis, lo que a traíu cumu consecuencia que la superfici s'erosioni más fácilmenti, de horma que las costas tienin unus contornus más redondiaus.^[19][20] Enos Países Baxus, Bélgica i al esti de Ingalaterra (Ánglia del Esti), el litoral es baxu i pantanosu. La costa esti i el sudesti del mari del Norti, en el mar de Wadden, es prencepalmenti arenosa i mu recta, particularmenti en Bélgica i Dinamarca.^[21]

Las costas septentrionalis llevan todavía el signu delos inmensus glaciaris que las cubrían duranti las eras glacialis, creandu el frastallau paisaji costeru. Los fiordus án nacíu dela acción delos glaciaris, que nel su lentu movimientu hacia el mari án raschau i escavau profundas hendiduras nel suelu. Con el retiralsi delos hielus, el inalciamientu del nivel del agua talis surcus án síu invadíus pol mari. El paisaji se presenta a menú con costas repias i las ensenaduras marinas puein sel tamién profundas. Los fiordus son particularmenti comunis ena costa dela Noruega.^[22]

Los firths son similaris a los fiordus, peru son generalmenti pocu profundus i presentan bahías más amplias al interiol delas cualis puein estal presentis pequeñas islas. Los glaciaris án insistíu aquí sobri una área más estensa i án escavau áreas más amplias. Los firths s'alcuentran sobri tó ena Escocia septentrional i a lo largu delas costas inglesas.

Acia el sul los firths cedin el pasu a las escollera, formás delas morrenas glacialis. El impactu delas olas sobri la costa da lugal a fenómenus d'erosión.^[23] El material erosionau devieni huenti emportanti de sedimentus pa las estensionis fangosas que s'alcuentran dela otra parti del Mari del Norti.^[24] El paisaji delas escollera está interrumpiu pol grandis estuarius fluvialis con sus correspondientis depósitus de detritus, en particular mó los del ríu Humber i Támesi en el sul d'Inglaterra.

Nel sul de Noruega, cumu tamién ena costa sueca del Skagerrak, s'alcuentran fenómenus similaris a los fiordus i a los firths.^[25] Aquí la acción delos yelus á insistíu i á escavau sobri regionis aína más vastas. Acia las costas s'alcuentran dulcis declivis que desciendin delas montañas i que s'estiendin pol kilómetrus, hundíndusi endispués baju el mari, peru permaneciendu a una profundidá de solu poquitus metrus.

Las çonas costeras del sul huerun originalmenti planas d'inundación i tierras pantanosas. Enas çonas especialmenti vulnerablis a las mareas tempestuosas, la genti se asentó detrás delos diquis d'elevación i en espacios naturalis con tierras altas, cumu pol exemplu cordonis litoralis i los geests. Ya en 500 a. C., la genti realizaba la construcción de vivienda en cerros más altus artificialis pa que l'inundación no afectasi.^[26] No fue ata prencipios dela Edá Meya, el 1200, que los abitantis encetun a conectal los diquis duna sola sortija en una línea de diquis a lo largu de toa la costa, convirtiendu assín a las regionis anfibias de tierra i mari en tierra firmi permanenti.^[27]

La forma moerna que a complementau el desbordamientu de diquis i canalis de desvíu lateral, empiezun a aparecel enos sigrus sigru XVII i sigru XVIII, construíu enos Países Bajus.^[28] Las inundacionis del mari del Norti del 1953 i 1962 fuerun un empuju pala ulterior elevación delos diquis, assín cumu la reducción dela línea dela costa pa presental cumu la superfici lo menus posibli el castigu dela mari i las tormentas.^[29] Ogañoti, el 27% delos Países Baxus está pol debaju del nivel del mari protegia pol diquis, dunas i apartamentus playerus.^[30]

La gestión costera se componi ogañu de varius nivelis.^[31] El diqui pendienti reduzi la energía dela mari d'entrada, de forma qu'al diqui no se le asina l'impactu. Diquis que s'alcuentran directamenti sobri el mari son especialmenti reforzaus. Delos diquis enos últimus añus, s'a reforzau en repetías ocasionis, a vezis ata 9 metrus i s'an reducíu pa reducil más la erosión delas oleás,^[32][33] ondi las dunas son suficientis pa protegel dela tierra detrás dellus dendi el mari, las dunas están plantás con pastu dela playa pa protegelus dela erosión pol vientu, el agua, i el tráficu a pie.^[34]

Las mareas tempestuosas tradicionalmenti án amenazau, en particular, las costas delos Países Baxus, Bélgica, Alemaña, i Dinamarca i çonas bajas del esti d'Ingalaterra, en particular alreol de The Wash i The Fens (los pantanus). Las mareas de tormenta son causás pol cambius ena presión atmosférica en combinación colos fuertis vientus creaus pola acción delas olas.^[35]

El primel registru que essisti duna inundación por una marea tempestuosa hue la Julianenflut, que se produju el 17 de hebreru de 1164. Entri sus accionis, empizó a formal-si la Jadebusen, una baía dela costa d'Alemaña. El añu 1228, se registró una grandi marea tempestuosa que provocó la muerti de más de 100 000 personas.^[36] En 1362, la segunda Grote Manndränke golpió la costa sul del mari del Norti. Las crónicas dela época hablan de más de 100 000 muertus, i una gran parti dela costa se perdió de horma permanenti inundá polas aguas del mari, inclúia la legendaria ciá perdía de Rungholt.^[37] Ya nel sigru XX, las inundacionis del mari del Norti de 1953, devastun varias costas delos paísis circundantis, cola muerti de más de 2 000 personas.^[38] Más palanti, en 1962, 315 ciudadanus de Hamburgo murierun delas inundacionis del mari del Norti de 1962. La «inundación del sigru", producía en 1976 i la inundación norteña de Frisia de 1981 trajerun los nivelis más altus d'agua que s'án medíu ata la fecha enas costas del mari del Norti, peru debíu a las defensas costeras construías, cumu pol exemplu sistemas d'alerta i mejora delos diquis i otras modificacionis posterioris a la inundación de 1962, las inundacionis solu provocarun dañus a la propiedá^[39][40]

Los desprendimientus de Storegga (Storegga Slide) fuerun una serii de desprendimientus submarinus de tierra, en que un troçu dela plataforma continental de Noruega deslizó acia el mari de Noruega. Los inmensus desprendimientus que sucedun entri los añus 8150 a. C. i 6000 a. C., provocó un tsunami d'ata 20 metrus d'altura  que s'estendió pol mari del Norti, i que tuvu un impactu más grandi n'Escocia i las Islas Feroe.^[41][42]

El terramoto del estrecho de Dover (o de Calais) de 1580 es unu delos terremotus delos cualis se tieni conocimientu en el mari del Norti, i midió entri 5,3 i 5,9 ena escala de Richter. Esti acontecimientu causó grandis dañus en Calais, tantu a través de sus tembloris i dos tsunamis.

El terramotu más grandi registrau en el Reinu Uñiu hue el terramotu de 1931 en Dogger Bank, que midió 6,1 ena escala de Richter i provocó un tsunami que inundó partis dela costa británica.^[43][44]

Maris epicontinentalis pocu profundus, cumu el actual mari del Norti án existíu dendi hazi tiempu ena plataforma continental. La dislocación que formaban la parti septentrional del océanu Atlánticu duranti los perious Jurásicu i Cretáceo, a unus 150 millonis, causó un movimientu tectónicu que creó las islas británicas. Dendi entoncis, á existíu de forma permanenti entri los cerros d'Escandinavia i las islas británicas. Esti precursor del actual mari del Norti á crecíu i s'a reducíu cona subía i la caía del nivel del mari duranti los diferentis perious geológicus. A vezis, estaba conectau con otrus maris, cumu el Mar Paratetis, oi desaparecíu.

Duranti el Cretáceo superior, hazi alreol de 85 millonis d'añus, gran parti dela Uropa continental moerna a esceción d'Escandinavia era una dispersión d'islas. En el oligoceno, hazi entri 34 i 28 millonis d'añus, la emersión dela Uropa occidental i central abía dejau casi completamenti separaus el mari del Norti i el Mar Tetis, que se reduju gradualmenti a convertilsi nel Mari Mediterráneo nel sul d'Uropa, i en tierra seca al sul d'Asia Ocidental. El mari del Norti estaba separau del Canal dela Mancha pol un estrechu puenti terrestri ata que esti huiu inundau pol al menus dos inundacionis catastróficas entri 450 000 i 180 000 añus atrás. Dendi el comiençu del periodu Cuaternario alreol de 2,6 millonis d'añus atrás, el nivel del mari eustáticu s'a reducíu duranti ca periodu glacial i, a continuación, á subíu de nuevu. Ca vezi que la capa de yelu logró su mayol magnitú, el mari del Norti se secó casi completamenti. L'actual costa del mari del Norti se formó quandu, endispués del últimu picu de glaciación, duranti la última época glacial 20 000 añus atrás, cuandu el mari encetó a inundal la plataforma continental uropea. La costa de mari del Norti sufri entavía cambius a raíz de variacionis nel nivel del mari en tol mundu, de movimientus tectónicus, delas mareas, dela erosión, la subía i la caía delos nivelis del mari, la deriva de guijarrus...

El mari del Norti es mu emportanti pal tráficu marítimu. Algunus delos puertus más grandis del mundu se assitian enas sus costas u bien enas orillas delos ríos poquitus kilómetrus ríu arriba dela su desembocadura (es el casu, pol exemplu, de Róterdam —tercel puertu del mundu—, Amberes, Hamburgo i Londres), u bien tienin un fácil accesu, cumu el d'Ámsterdam, cosa que hazi que disponga de rutas marítimas mu solicitás. Es vital pal comerciu d'Uropa Ocidental.

• Calais i Dunkerque en Francia;
• Ostende i Zeebrugge en Bélgica;
• Flesinga, Róterdam i Den Helder en los Paísis Baxus;
• Emden, Wilhelmshaven, Bremerhaven i Cuxhaven en Alemaña;
• Esbjerg en Dinamarca;
• Oslo, Kristiansand, Stavanger i Bergen en Noruega;
• Aberdeen, Dundee i Edimburgo n'Escocia (Gran Bretaña);
• Newcastle upon Tyne, Sunderland, Kingston upon Hull, Grimsby, Great Yarmouth, Lowestoft, Colchester, Southend-on-Sea i Dover n'Ingalaterra (Gran Bretaña);

Nel 1958 los geólogus descubrun un yacimientu de gas naturali en Slochteren ena provincia de los Países Bajus de Groninga i se prencipió a sospechal la presencia de petroliu nel Mari del Norti. Sin embargu, en esta fecha los derechus d'esplotación de las recursas naturalis en alta mari estaban aínda en fasi de controversia.^[45] Nel 1962 los geólogus descubrierun los primerus yacimientos de petroliu en esti mari.

Agunas pruebas de perforación prencipiun nel 1966 i posteriumenti nel 1969 quandu la Phillips Petroleum Company destapó la Ekofisk (agora noruega), que nesi momentu era unu de los 20 mayoris yacimientos del mundu i se reveló caracterizá por una baja presencia de azufri. La esplotación comercial prencipió nel 1971 con las navis cisterna i dendi el 1975 con oleoductus directus a Cleveland en Inglaterra i dendi el 1977 tamién a Emden en Alemaña.

La esplotación de las reservas del Mari del Norti á teníu el su prencipiu pocu antis dela crisi petrolifera del 1973, i la posterior subía de los precius internacionalis del petroliu hizu que las grandis inversionis necesarias pala estracción se convirtieran en muchu más enteresantis i posiblis en esta región. En los añus ‘80 i ‘90 siguierun otrus descubrimientus de los grandis campus petrolíferus. Aínda que los costis de producción eran relativamenti eleváus, la calidá del petroliu, la estabilidá política de la región, i la cercanía de emportantis mercáus en Europa occidental hizu del Mari del Norti una emportanti área de producción. La más grandi catástrofi ambiental hue la destrucción de la plataforma off-shore de Piper Alpha nel 1988 en la que 167 personas perdierun la vida.

Con más de 450 plataformas petrolíferas, el Mari del Norti es la más emportanti región del mundu pala perforación offshore. La sección británica del Mari del Norti es aquella que posei más plataformas, seguía en orden pola noruega, holandesa i danesa. El más grandi campu de gas natural nel Mari del Norti, “Troll”, s'alcuentra baju la hurisdición noruega a una profundidá de 345 metrus. Una plataforma giganti á síu necesaria pa accedel a él. La sección alemana posei solu dos plataformas petrolíferas (la más grandi de las dos es el Mittelplate) i se presenta cumu el país menus dotau palas extraccionis mineras en esti mari.

En 1999 las estraccionis alcanzun el picu de tolos tiempus con casi 6 millonis de barrilis (950.000 m³) de petroliu crudu i 28.000.000 m³ de gas natural al día.^[46] Oi la recursa nel Mari del Norti está bien desarrollá. Todas las grandis compañías petrolíferas án síu involucrás en las operacionis de estracción. Peru en los últimus añus algunas grandis sociedáis án enterrompíu la estracción i dendi aquel 1999 el emporti extraíu á disminuíu continuamenti debíu al esgotamientu de las reservas.

El pescaú anual á crecíu ca añu ata 1980, cuandu se á alcanzau el puntu másimu con más de 3 millonis de toneladas de pescao. Dendi entoncis los númenus án baju a alreol de 2,3 millonis de toneladas, con notabris diferencias entri los varius añus. Amás del pescao comercializabli se estima que 150.000 toneladas de pescaú sin mercau sea capturaú i que alreol de 85.000 toneladas sea la cantidá de invertebráus que sea involucrau u arrebucheau al mari heríu u muertu.^[47]

En las últimas décadas la esplotación excesiva á hechu menus produtiva la pesca, alterandu la cadena alimentaria marina i la dinámica de los costis i de los pueblus nel sector dela pesca. La pesca de aringuis, bacalaus i platijas podría prontu afrontal la mesma situación dela pesca al escombru cesá en los añus ‘70 debíu a la sobresplotación.^[48]

Amás del petroliu, gas natural i la pesca, los Estaus que dan al Mari del Norti estraen millonis de metrus cúbicus anualis d'arenas i grabas. Estus son endispués utilizaus pa proyetus de construcción, pa reforzal las playas i pa protegel las costas. Los más grandis paísis extractoris de arena i grava nel 2003 huerun los Países Bajus (alreol de 30 millonis de m³) i la Dinamarca (alreol de 10 millonis de m³).^[49]

Debíu a los hartus vientus, los paísis nel Mari del Norti, en particular la Inglaterra i la Dinamarca, án utilizau las áreas cerca dela costa del mari pal esplotación eólica pala producción d'energía elétrica a partil de los añus ‘90. La primera turbina a vientu á aparecíu al largu dela costa inglesa cerca de Blyth nel 2000 i endispués al largu dela costa danesa nel 2002 cerca de Horns Rev.

Los paísis que dan al Mari del Norti reivindican toïtus las dozi millas náuticas d'aguas territorialis enas que tienin los derechus esclusivus de pesca. La Islandia, sin embargu, debíu a la guerra del baccalà tien derechus esclusivus de pesca por 200 millas (320 km) al largu delas sus costas, tocandu las aguas del Mari del Norti. La política común dela pesca dela Unión europea existi pa coordinal los derechus de pesca i pa asistil a las controversias entri los paísis miembrus dela Unión europea sobri la frontera con Noruega.

Endispués del destapemientu delos recursus minerus Noruega á reclamau los sus derechus según la Convención dela plataforma continental. Los otrus paísis án seguíu el exemplu. Estus derechus án síu dividíus en gran parti a lo largu duna línea mediana que “según l'anchura dela basi de ca mari territorial de ca país se mantuviera en cualisquiá casu equidistanti delas líneas meridianas delos paísis prósimus”.^[50] La frontera delas aguas entri Alemania, Países Bajus, i la Dinamarca á síu redefinía solu después de largus negociacionis i una sentencia dela Corte internacional de justicia.^[51]

Preocupacionis de tipu ambiental án llevaú a los Acuerdus Marpol 73/78, que án creau una çona de protección ancha de 25 millas (40 km) i larga de 50 mi (80 km). La Convención pala protección del ambienti marinu del Atlánticu nororiental á síu firmá pala conservación del mari en esta región. Alemania, Dinamarca i Países Bajus tienin un acuerdu trilaterali pala protección del mari de Wadden, estensionis prencipalmenti fangosas que se estiendin a lo largu delas costas de los tres paísis nel bordi meridional del Mari del Norti.

Las playas i las aguas costeras del Mari del Norti son destinacionis pa turistas. Las costas inglesa, belga, holandesa, alemana i danesa están desarrollás pal turismu. La costa del Mari del Norti del Reinu Uníu tien destinacionis turísticas con centros vacacionalis de playa i campos de golf de tipu links; la ciá costera de St. Andrews en Escocia es conocía cumu la cuna del golf, i es un lugar popular entri los peregrinus del golf.

El Sendero del Mari del Norti es un sendero de gran recorriu que conecta sieti paísis alreol del Mari del Norti. El windsurf i la vela[178] son deportis popularis debíu a los hartus vientus. El senderismu en las marismas,[179] la pesca recreativa i el avistamientu d'avis están entri otras actividáis.

Se á afirmau que las condicionis climáticas ena costa del Mari del Norti son saludabris. Ya a prencipius del sigru XIX, los viajerus visitaban la costa del Mari del Norti pa vacacionis curativas i restaurativas. El airi del mari, la temperatura, el vientu, el agua i el sol se cuentan entri las condicionis beneficiosas que se diz que activan las defensas del cuerpu, mejoran la circulación, fortalecen el sistema inmunológicu i tienin efectus curativus ena piel i el sistema respiratoriu.[180]

El Mari de Wadden en Dinamarca, Alemania i los Países Bajus es un Patrimoniu dela Humanidá dela UNESCO.

El windsurf i la vela son deportis popularis favorecíus pol los hartus vientus, peru tamién la pesca deportiva i los bucius subacuáticus. Otra actividá practicá es el senderismu nel barru u el escursionismu practicau sobri el barru que sali a floti del mari duranti los periodus de baja marea en algunas çonas geográficas particularis.

• PDFlink|North Sea Commission Environment Group Member Profiles 2006|910 KB
• Old map: Manuscript chart of the North Sea, VOC, ca.1690 Prantilla:Wayback (high resolution zoomable scan)
• North Sea Region Programme 2007-2013 transnational cooperation programme under the European Regional Development Fund