Monecipiu

Un monecipiu o monicipiu es una entidá alministrativa que puei agrupal una sola localiá u várias.

El monecipiu está compuestu pun territoriu claramenti definiu pun términu municipal de límitis fijaus (inque a las vezis nu es continuu territorialmenti, en pudiendu extendel-si fuera de sus límitis con esclavis i presentandu enclavis dotrus municipius) i la puebración que lo abita regulá jurídicamenti por instrumentus estadísticus cumu el padrón municipal i mecanismus que otorgan derechus, cumu el avezindamientu u vezindá legal, que so considera vezinu al abitanti que cumpri determinás caraterísticas —origen u antigüedá— i nu al meru residenti.

Ena antigua Roma, un monecipiu (en latín, municipium) era una ciá libri que se gobelnaba polas sus própias leis, inque los sus vizinus tinian los derechus de ciaania romana.

Uguañoti se gasta esti términu pa referilsi a una sudevisión alministrativa menol u al conhuntu d'abitantis d'iziu territóriu, que puei estal hormau pol várias puebracionis, rihiu pol un órganu colehiau heneralmenti llamau ayuntamientu, monicipaliá, alcaldia o conceju. Pol estensión, tamién se gasta para referilsi al ayuntamientu u monicipaliá en sí.

• ARBIL, anotaciones de pensamiento y crítica: El Municipio, la Comarca y la Región