Tallín

Tallín
Entidad subnacional
Bandera Escudo
Ubicación de Tallín
Coordenadas	59°26′14″N 24°44′42″E / 59.437222222222, 24.745
Entidad	Ciudad de la Liga Hanseática, Ciudad, Gran cidá, Asentamiento portuario y Destino turístico
• País	Prantilla:Geodatos Estónia
Superficii
• Total	159,37 km²
Altol
• Media	28 m s. n. m.
Puebración (1 de heneru de 2024)
• Total	457572 hab.
• Densidá	2871,13 hab/km²
Huso horario	UTC+02:00
Código postal	10111
Prefijo telefónico	64
Sitio web oficial
[editar datos en Wikidata]

Tallin, es la capital, centru financieru i la mayol ciá d’Estoña, assitiá nel golfu de Finlándia, ena costa norti del país juntu al mari Bálticu, a 80 quilómetrus al sul de Helsinqui. Tini abondus 400000 abitantis, aprossimamenti un terciu dela puebración total del país.

Tallin es la ciá capital más antigua d’Uropa Setentrional. Era denominá Reval^[1] dendi el sigru XIII ata 1917 i otra vezi entri 1941 i 1944 (invasión dela Alemaña Nazista).

Estóricamente conocía pol su antigu nombri Reval, Tallinna reemplaçó al anteriol nombri de Reval en 1918, quandu Estoña logró la endependéncia. A prencipius dela décaa de 1920 esta denominación fue modificá, passandu a sel Tallinn, casu ececional nel idioma estoniu, ondi los topónimus delas puebracionis siempri terminan en vocal. Entavía dessisti confussión en algunus palrantis extranjerus sobri esti términu, confussión sostribá pol hechu de que n'estoniu el casu genitivu desta parabra termina con el sufiju –a, assina tenemus que el Aeropuertu de Tallín se llama, Tallinna Lennujaam.

La terminación –linna, cumu en germánicu -burg i en eslavu -grad u -gorod significaba orihinalmenti «fortaleza», inque endispués se gastó cumu sufiju ena formación delos nombris de ciá. De hechú, en estoniu linn(a) significa ciá.

Se debati el orihin del nombri Tallinn, peru se sabi que es d'orihin estoniu. Sigún la teoría más aceutá deriva de Taani-linn, que significa «ciá danesa» términu que se justifica ena primera costrución duna fortaleza ena colina de Toompea polos danesis;^[2] otras teorías afirman que procedi de Talu linn, que significa «ciá dela agricoltura», u de tali-linna que vien a significar «ciá d’inviernu».

La ciá tien várius nombris estóricus. El nombri de Reval es gastau polos alemanis i los suecus pa designal a Tallín, i fue una delas denominacionis oficialis dela ciá ata prencipius del XX|s. Esti nombri s’orihina nel XIII|s i procedi del nombri del antigu condau de Rävala que ocupaba el norti dela atual Estoña. Dessistin otrus nombris antigus pa designal a Tallín, especialmenti significativus son Lindanisse i las sus variantis, Lyndanisse en danés, Lindanäs en suecu i Ledenets en antigu eslavu eclesiásticu.

Se crei que la costa sul del golfu de Finlándia estava abitá por tribus ugrofinesas dendi el sigundu miléniu dantis de Cristu.

La primel mención de Tallin apaeci nuna obra del cartógrafu almorávidi Muhamad al-Idrisi. Nesti mapa, que data del añu 1154, la puebración apaeci baju el nombri de Kaluria,^[3] i es descrita cumu una pequeña ciá u fortaleça.^[4]

Tallin adquirió emportancia cumu puertu estratégicamenti assitiau entri Escandinavia i Rússia, ellu convirtió ala ciá n'objetivu delas órdenis religiosu-militaris germánicas i del Réinu de Dinamarca duranti el periodu delas Cruzás Bálticas, a prencipius del sigru XIII.

Tallin i el norti d’Estónia cayun en podel danés nel añu 1219, endispués dela batalla de Lyndanisse.^[5] Sigún las crónicas, los estónius ressistun ferocimenti el asediu que el rei Valdemar II de Dinamarca empusu sobri la ciá, inque finalmenti el rei danés ruchó la captura dela praça. Los danesis construyun una fortaleci ena colina de Toompea.

Nostanti, el podel danés nu se puu mantenel duranti muchu tiempu debiu a la oposición local, que asedió Toompea en 1220 i 1223, i a la espansión delos alemanis a través delos Germanus Livónius dela Espada, quienis en 1227 conquistun Tallin, construyendu en Toompea la primel fortaleci de piedra. Posiblimenti col pesqui de consolidal el podel alemán frenti a los vasallus localis, en 1230 llegarun a la ciá provenientis de Visby, ciá dela isla de Gotlándia, un grupu de comercientis alemanis que fundarun baju la fortaleci una colónia d'abondus 200 biembrus.^[6] El acta fundacional desta nu a llegaú ata nuessus días peru probabilmenti esti sea el momentu en el que se prencipió a levantal la ciá baja, que con el nombri de Reval constituyó una entidá separá dela ciá alta u Toompea.

En 1236 los Germanus Livónius sufrun un estrepitosu aholli peranti los lituanus i sengalus ena batalla de Saule, lo que destrepó la su unión al añu siguienti cola Ordi Teutónica. Debiu al tratau de Stensby los Germanus Livónius devolvun Tallin juntu con al restu de Harju i Vironia a Dinamarca en 1238. Duranti esti periou los danesis construyun un castillu en Domberg (Toompea). Igualmente se estabreció un obispau dependienti del Arzobispau de Lund.

En 1248, los vasallus i ciudanus de Tallin ya tinian un órganu legislativu local, el Ritterschaft. En 1285 la ciá convirtió-si nel biembru más setentrional dela Liga Hanseática, organización controlá polos alemanis, ala que perteneciría ata 1865. Tallin esperimentó un volau crecimientu conómicu al convertil-si nun puertu clavi dela Liga Hanseática entri Nóvgorod i Ocienti. Se transportaban pielis, miel, cueru i grasa de foca hacia el oesti i sal, arenquis, telas i vinu hacia el esti. Amás, la lengua alemana prencipió a adquiril una preponderancia que nu perdería ata 1889 quandu dejó de sel oficial en Tallin.

En 1343 los campesinus estónius se levantun contra la dominación estranjera enas revueltas conocías cumu el Levantamiento dela Nochi de San Jori, enas que Tallin fue asediá polos estoñus. Estas revueltas, finalmenti sofocás polos Caballeros Teutónicus, supussun el declivi final del podel danés. Tres añus endispués vendun el su territoriu en Estoña a la Ordi Teutónica por 1000 marcus; con esto los germanus sumaban el dominiu políticu al económicu que ya tinian, gracias a la Liga Hanseática. A Dinamarca únicamenti le quedó el podel eclesiásticu dirigíu dendi Lund.

Col advenimientu del nuevu podel teutón, el enfrentamientu entri el obispu i los caballerus s'agudiçó, i los 8000 abitantis dela ciá baja, mayoritariamenti artesanus i mercaderis alemanis, se vierun obligaus a construil una muralla defensiva que poseía 66 torris.

Cola Reforma Luterana la enfruencia germánica se hizu más fuerça i la ciá se convirtió al luteranismu en 1525. Desta época, 1530, data la veleta que dendi lo artu dela auja del Ayuntamientu de Tallin se a convertíu en símbolu dela ciá; la veleta representa la figura dun antiguu guerreru llamau Vana Toomas (Vieju Tomás).^[7]

Comu consecuencia del desmoronamientu dela Ordi Teutónica tras la ofensiva de Rússia, Tallin se pussu baju vasallaji de Suecia, qu'atuó en calidá de protetol del norti dela atual Estoña contra el Zar Iván el Terribli, qu'asedió la ciá duranti 29 semanas entri los añus 1570 i 1571.^[8]

A finis del sigru XV se construyó una nueva torri gótica de 159 metrus pala iglesia de San Olaf (Oleviste). Naquella época era una delas torris más altas d’Uropa, i posiblimenti la costrución más alta del mundu. Endispués duna ricostrución debiu a un incendiu ocurriu en 1629, la torri quedó cola atual altura de 123 metrus.

Tallin está assitiá ena costa sul del golfu de Finlándia, nel centru-norti d’Estoña. El puertu mercanti prencipal d'Estoña s'alcuentra assitiau en Tallin (puertu de Muuga).

El lagu mayol en Tallin es el lagu Ülemiste (cubri 9,6 km²). Es la hunti prencipal del agua potabri dela ciá. El lagu Harku es el segundu lagu mayol en Tallin cun ária de 1,6 km². A lo contrariu de muchais delas mayolis ciais, el únicu riu grandi en Tallin está assitiau en Pirita (distritu dela ciá considerau un arrabal). El valli del riu es un ária protegia por mé dela su belleça natural.

Una falesia de caliza atraviesa la ciá. Se puei observá, pol exemplu, en Toompea i Lasnamäe. Toompea, nostanti, nu hachi parti dela falesia, siendu en realidá una colina assepará.

El puntu cimeru de Talin, a 64 metrus por cima del nivel del mari, está assitiau nel distritu de Nõmme, nel suduesti dela ciá.

La costa s’estiendi por 46 quilómetrus. Está constituyía por tres grandis penínsulas: la península Kopli, la península Paljassaare i la península Kakumäe.

Distritu	Bandera	Escuu	Puebración (2022)[9]	Area	Densiá
Haabersti			47 980	22.26 km2 (8.6 sq mi)	2,157.2/km² (5,587.1/sq mi)
Kesklinn (centre)			65 041	30.56 km2 (11.8 sq mi)	2,128.3/km² (5,512.4/sq mi)
Kristiine			32 725	7.84 km2 (3.0 sq mi)	4,175.4/km² (10,814.4/sq mi)
Lasnamäe			117 230	27.47 km2 (10.6 sq mi)	4,269.0/km² (11,056.6/sq mi)
Mustamäe			65 978	8.09 km2 (3.1 sq mi)	8,156.1/km² (21,124.3/sq mi)
Nõmme			37 402	29.17 km2 (11.3 sq mi)	1,282.1/km² (3,320.6/sq mi)
Pirita			19 034	18.73 km2 (7.2 sq mi)	1,016.1/km² (2,631.7/sq mi)
Põhja-Tallinn			59 612	15.9 km2 (6.1 sq mi)	3,751.6/km² (9,717.6/sq mi)

En términus de gobiernu local, Tallin está sudividia en 8 distritus aministrativus (estoniu: linnaosad, sg. – linnaosa). Los gobiernus distritalis son órganus dela ciá que desempeñan, nel territoriu del su distritu, las funcionis pa ellus designás pola legislación i estatutus de Tallin.

Ca gobiernu distrital es gestionau por un ancianu (estoniu: linnaosavanem), nombrau pol Gobiernu dela Ciá, porpostu pol Presidente dela Cámara i endispués de tenel siu oía la opinión delos Consejus Administrativus. La función delos Consejus Administrativus es la de recomendal al Gobiernu dela Ciá i a las Comisionis del Conseju dela Ciá cómo los distritus debin sel administradius.

La puebración es de cerca de 500400 abitantis (2000), registráus en marçu de 2005.

D'acuerdu col Eurostat, la agencia d'estatística dela Unión Uropea, de toas las ciais capitalis delos país biembrus dela UE, Tallin tien el porcentaji mayol de nacionalis de fuera dela UE: 27,8% dela puebración nu es ciudana dela UE. Estu se debi al gran númiru de nu estonianus, mayoritariamenti russus, que participun ena emigración planeá d'otras repúblicas dela Unión Soviética pa Tallin i pa otrus lugaris nel norti d'Estoña. Ogañu, muchus destus emigrantis, assín comu los sus descendientis, entavía nu án recebiu ciudania estoniana. Las leis de nacionaliá estonianas án procurau conserval una identiá nacional, efetivamenti escluyendu a muchus d'orihin russu dela ciudania automática.

Amás dela lengua estoniana, nativa del país (parti del grupu de lenguas fino-ugrias), cercana a la lengua finlandesa, tamién el russu, el ingrés i el propiu finlandés son anchamenti comprendius en Tallin.

En Tallín está localizá la Nuversidá de Tecnulohia de Tallín^[10], assín cumu otras institucionis d'eduación superiol i céncia, incluyendu:

• Nuversidá Pedagóhica de Tallín (nuevu nombri dela Nuversidá de Tallín)
• Academia Estoniana de Música
• Academia Estoniana d’Arti
• Academia Estoniana de Defensión del Estau
• Institutu de Teulohia dela Ilesia Evangélica Luterana Estoniana

La ciá está animá por numerosus festivalis, cumu el dela cerveza, del centru estóricu, del jazz, dela música barroca, dela canción, etc. Posei una gran sala de conciertus, el Saku Suurhall i 10 teatrus profissionalis (cincu delos cualis mantenius pol Estau), con representacionis bastanti clásicas.Prantilla:Carece de fuentes Paralelamenti a estus diez grandis teatrus, aparecierun várius chiquininus teatrus i proyeutus teatralis. Dessistin tamién cerca de trenta museus, abrangiendu la Estória d’Estoña, dela capital, delas campañas, etc. Dessistin entavía abondas galerías d’arti i esposicionis.

Tallín está cercá pola arquitetura russa que ijuló delos tiempus de dominiu russu i d'ex-repúbrica soviética.

Tallín es conocía polos sus restaurantis de carni de caza. Es posibri alcuentral carni de jabalín, osu i perdiz en diversus establecimientus.

El Aropuertu de Tallín está localizau a cerca de 4 km dela praça central dela ciá (Raekoja plats), ondi está localizá la Cámara Municipal (Raekoda). Una línea d’autobús liga el aeropuertu al centru de Tallín.^[11].

Várias compañías aéreas (pol exemplu, easyJet, Estonian Air, Finnair, KLM, LOT, Lufthansa, SAS i TAP) operan entri Tallín i ciais uropeas cumu Ámsterdam, Berlín, Bruselas, Copenhague, Helsínquia, Londres, Kiev, Milán, Moscú, Estocolmu, Lisboa i Faru (en vuelus chárter dela Estonian Air d’Abril a Octubri).

Várius ferries operan enas Viking Line, Silja Line, Linda Line Express, Tallink i otras, ligandu Tallín a:

• Helsínqui (Finlándia)
• Estocolmu (Suécia)
• Åland (Finlándia)
• San Petersburgu (Rússia)
• Rostock (Alemaña)

• http://www.tallinn.ee |3=Páhina oficial dela Ciá de Tallín (en estoniu, russu i ingrés)
• http://www.travel-images.com/tallinn.html |3=Galería d’imágenes de Tallín