Oksaneni Sofi

Oksaneni Sofi Sofi Oksanen
Sündünüq	7. vahtsõaastakuu päiv 1977 Jyväskükä, Soomõ
Ammõt	kiränik

Oksaneni Sofi-Elina (sündünüq 7. vahtseaastakuu pääväl 1977 Jyväskylän) om eesti juurigaq Soomõ kiränik. 2008. aastagal sai Oksanen uma romaani "Puhdistus" ("Puhastus") iist Finlandia kirändüsavvohinna.

Oksaneni Sofi om opnuq Helingi Ülikoolin kirändüstiidüst ja Helsingi tiatrikoolin näütekirändüst. Timä mõlõmbaq edimädseq raamaduq, romaan "Stalini lehmäq" ja edimält näütemängon ja ildampa romaanin ilmunuq "Puhastus", jutustasõq Eestist ja iist'läsist. Oksanen lubasi samal teemäl kirotamist ka tulõvigun jakadaq.

Arvamiisi "Puhastusõ" raamatust om olnuq egäsugutsit. Oksaneni om kitet Eesti aoluu käsitlemise iist ja taast tõisilõ rahvilõ kõnõlõmisõ iist. Tedä om ka süütet Nõvvokogo Eesti elo üteülbälidsen kujotamisõn. Ummohtõ om Oksaneni tüüq olnu populaarsõq ni raamatin ku ka lavastusin.

Oksanen om toimõndanuq ka mitmin lehin ja kirotanuq ütiskunnast ja poliitikast. Aokiränikkõ Hietaneni Leenat ja Bäckmani Johanit, kiä ommaq ütlenüq, et Eesti läts' Nõvvokogo Liito esiq umast tahtmisõst, om Oksanen võrrõlnuq holokausti eitäjidegaq.

Sofi Oksanen om ka gooti subkultuuri avvostaja.

• Paju Imbi ja Oksaneni Sofi (toim.) "Kaiken takana oli pelko. Kuinka Viro menetti historiansa ja kuinka se saadaan takaisin" WSOY 2009

• "Stalinin lehmät" 2003
• "Baby Jane" 2005
• "Puhdistus" 2008
• "Kun kyyhkyset katosivat" 2012

• "Puhdistus" 2006
• "High Heels Society" 2008

• Lugu Sitakoti Matsist, vabadusest ja orjusest, Postimees, 30. joulukuu pääväl 2009

• "Puhastus" (Tiatri Vanõmuinõ; tõlk Kruusa Kalju; lavastus Smithi Liisa; edeetendüs 18. süküskuu pääväl 2010)

• Finlandia kirändüsavvohind 2008
• Kalevi Jäntti avvohind 2008
• Kristiina Instituudi aastaga Kristiina 2008
• Waltari avvohind 2008
• Varjo-Finlandia 2008
• Runebergi avvohind 2009
• Postimehe aastaga inemine 2009
• Maarjamaa Risti IV klassi hääteomärk 2010
• Põh'amaiõ Nõvvokogo kirändüsavvohind 2010