La musica est l’ârt qu’est d’arrengiér et d’ordonar sons et silences pendent lo temps des côps dedens l’èspâço (lo musicien est sus scèna dens un orquèstro ou ben solèt) d’aprés 4 critèros : lo ritmo, cen vôt dére lo temps des sons dedens l’èspâço temporâl, est lo supôrt de cela combinèson dens lo temps, l’hôtior cela de la combinèson dens les frèquences (son grâvo ou ben pouentu), lo timbro (la natura du son que dèpend des harmonicos ples ou muens multiplos, et pués d’entensitâts difèrentes fêtes per la sôrsa que resone : lo timbro de la trompèta est pas lo mémo que celi du violon), l’entensitât du son (cen qu’apèlont los rèsultats dinamicos en analisa musicâla : piano, triplo fôrte, crèscendo...).
La musica est un ârt, celi de la musa Eutèrpa dens la mitologia grèca. El est en mémo temps na crèacion, na reprèsentacion, et pués na fôrma de comunicacion. Emplèye doux-três règlles ou ben sistèmos de composicion, des ples simplos (notes de musica, games) ux ples complicâs (structura musicâla). Pôt empleyér de chouses difèrentes, lo côrp, la vouèx et los enstruments de musica conçus por la traduire.
La musica at ègzistâ dens totes les sociètâts d’homo, dês la prèhistouère. El est a côp fôrma d’èxprèssion d’homo endividuèla (èxprèssion des sentiments), sôrsa de rassemblament colèctif et de plèsir (féta, chant, dance), simbolo d’una comunôtât ou ben d’una nacion (musica religiosa, himno nacionâl, musica militèra).
La cabrèta[ka.ˈbrɛ.ta] (ou ben la musèta[my.ˈzɛ.ta]) est ’n enstrument a sofllèt de musica tradicionâla ôvèrgnata de la famlye des charaméls a enche doblo et composâ d’un cabas de chiévra que lo nom cabrèta tire son origina. La cabrèta a boche est na vielye fôrma de la cabrèta que sè méne pas més orendrêt. La cabrèta a sofllèt est aparua u XIXémo siècllo dedens la comunôtât ôvèrgnata de Paris, s’est pués vito èpatâye en Ôvèrgne, notament dens lo Chantâl, et pués dens los ôtros hiôts payis a l’entôrn. Enstrument principâl de les borrèyes et dances folcloriques, la cabrèta est asse-ben menâye dens los orquèstros et dens des bendes de musiques d’ora per los cabretêros. En France, la transmission de cél savêr est assurâye per des consèrvatouères et des associacions.
La pratica de la cabrèta est étâye enscrita sus l’Enventèro du patrimouèno culturâl imatèrièl en France, dês 2017.
Ètimologia
Cabrèta est la fôrma arpetana du mot occitan orlyaguês cabreta, que vôt dére « petiôta chiévra ».
D’aprés los enstruments ou ben les vouèx, los èfèctifs, lo publico...
Sôrta musicâla - Musica vocâla - Musica enstrumentâla - Musica tradicionâla - Lista de stilos musicâls - Lista de les sôrtes musicâles per zona geografica - Principos de cllassement des documents musicâls
Endustria musicâla
Los fllancs comèrciâls de la musica...
Majors - Lambéls - Enregistrâjo que resone - Hit-parade - Los èxplouèts du top 50 - Caraoquè - Musica libra - Disco de cèrtificacion - Magasin de musica en legne - Crisa du disco
Difèrents articllos sus la musica permié d’ôtros...
Acustica musicâla - Fèstivâl de musica - Musicologia - Ensègnament de la musica - Rècompensa de musica - Listes sus la musica - Jouenos musiciens du mondo
Les musiques
La musica d’aprés un cllassement cronologico, geografico ou ben sociologico...
Cronologia de la musica - Rèparticion geografica de les sôrtes et des stilos musicâls - Sociologia de la musica
Ôvres musicâles
Les ôvres musicâles, la composicion et les particions...
Ôvra musicâla - Composicion musicâla - Particion de musica - Trablatura