Zornade europeane des lenghis
La Zornade europeane des lenghis e jê une iniziative de Union Europeane sul teme des lenghis. E ven festezade ai 26 di Setembar e l'obietîf al è chel di promovi il plurilenghisim, la multiculturalitât e il rispiet di ducj i idioms. In cheste celebrazion si contin plui di 200 lenghis europeanis, tra lenghis di Stât e lenghis localis uficialis e no.
Lis lenghis in Union Europeane
Lenghis di Stât in UE (in ordin alfabetic):
- dal 1957, in Europe dai sîs: todesc, francês, talian e nederlandês. Il lussemburghês al vâl dome parzialmentri come lenghe amministrative.
- dal 1973, in Europe dai nôf: lis 4 precedentis + danês e inglês. Dome dal 2007 al è stât ricognossût encje l'irlandês come lenghe aministrative.
- dal 1981, in Europe dai dîs: lis 6 precedentis + grec.
- dal 1986, in Europe dai dodis: lis 7 precedentis + portughês e spagnûl. Insiemit a chestis, e jê parzialmentri ricognossude encje catalan.
- dal 1995, in Europe dai cuindis: lis 9 precedentis + finlandês e svedês.
- dal 2004, in Europe dai vincjecinc: lis 11 precedentis + estone, letone, lituan, maltês, polac, slovac, sloven, cec e ongjarês.
- dal 2007, in Europe dai vincjesiet: lis 20 precedentis + bulgar, irlandês e rumen.
dal 2013, in Europe dai vincjevot: lis 23 precedentis + cravuat.
No mancul impuartantis, lis lenghis aministrativis localis: basc, galizian, catalan, lussemburghês, scozês-galic, galês, furlan, sardegnûl, breton, lenghis frisonis, cassubio, lenghis sorabis, e altris.