Amstel Gold Race

	Amstel Gold Race
	De Amstel Gold Race yn Berch en Terblijt
holden yn	Falkenburch oan de Geul
data	tredde wykein fan april
sport	hurdfytsen
organisator	Stichting Amstel Gold Race
earste edysje	1966
Temaside	Sport

De Amstel Gold Race is de ienichste fytsklassiker fan Nederlân dy't opnommen is yn de protour fan it hurdfytsen.

It begjin

De Amsterdammer Herman Krot, dy't al sûnt 1960 warber wie yn it organisearjen fan kriteriums, wie de oprjochter fan de Amstel Gold Race. Krott woe neist dizze kriteriums ek in hurdfytswedstryd dy't gie fan Amsterdam oant it heuveleftige gea fan Limboarch. De namme is ûntstien neidat bierbrouwer Amstel him oanmelde as sponsor. Krot woe graach dat de start plakfine soe fan Amsterdam ôf, mar spitigernôch wie dat net mooglik fanwege de ekstra drokte mei Keninginnedei. Uteinlik is der start út Breda wei.

De earste kear dat dizze wedstryd riden waard, wie op 30 april 1966. De rûte gie fan Breda oant Mearssen oer in parkoers mei in lingte fan 302 km. De Frânsman Jean Stablinski kaam doe as earste oer de finish, dêrnei de Belch Bernard van den Kerckhove en de Nederlanner Jan Hugens.

Feroaringen

Letter is it parkoers ferskate kearen feroare. Sa is it startplak ferlein fan Breda nei Helmond (fan '67 oant '70) en doe nei Heerlen te ferpleatsen. Fan 1998 ôf is de start yn Maastricht. Ek de oankomstplakken binne yn ‘e rin fan tiid feskate kearen feroare, mar sûnt 2003 is de Kauberch yn Falkenboarch it plak fan oankomst. Njonken de Kauberch binne der in ferskate heuvels opnommen yn it parkoer. De meast ferneamde binne de Keutenberch, Eijserboskwei en de Krúsberch. Yn 2001 waard de earste Amstel Gold Race foar de froulju feriden mar nei trije edysjes ferdwûn de wedstriid foar froulju oant 2017 wer fan de kalinder. Fanôf 2017 stiet de wedstriid foar froulju fêst op de kalinder mar al mei minder heuvels en in koartere ôfstân as de Amstel Gold Race foar manlju.