De dwerchmûzen (wittenskiplike namme: Micromys) foarmje in skaai fan 'e klasse fan 'e sûchdieren (Mammalia), it skift fan 'e kjifdieren (Rodentia), de famylje fan 'e mûseftigen (Muridae) en de ûnderfamylje fan 'e mûzen en rotten fan de Alde Wrâld (Murinae). Ta dit skaai fan lytse múskes dy't net nau besibbe binne oan oare mûseftigen hearre 2 libbene soarten en fierders noch teminsten 10 fossile soarten, wêrfan't de âldsten weromgeane oant it lette Mioseen. De libbene soarten binne de nôtmûs, dy't yn grutte parten fan Jeraazje foarkomt, en de Yndo-Sineeske dwerchmûs út Fjetnam, súdlik Sina en oangrinzgjende dielen fan Súdeast-Aazje.
