Is é Abidjan príomhchathair eacnamaíochta an Chósta Eabhair. Is é an chathair is mó sa tír agus an chathair is mó ina labhraítear Fraincis san Afraic Thiar. I ndaonáireamh na bliana 2014 fuarthas 7,707,404 duine ina gcónaí ann, is é sin, 20% de dhaonra na tíre ar fad. Níl ach Lagos na Nigéire níos mó san Afraic Thiar mar chathair. Áirítear Abidjan mar an crosbhóthar cultúrtha den Afraic Thiar, agus tá an sé an-fhorbartha mar chathair.
Nuair a tógadh cé nua san áit sa bhliain 1931, agus go mór mór i ndiaidh stádas mar phríomhchathair riaracháin faoi na Francaigh a fháil sa bhliain 1933, tháinig borradh mór faoin gcathair. Calafort tábhachtach ab ea Abidjan i ndiaidh oscailt an chanáil Vridi sa bhliain 1951 mar ansin bhí longa móra in inmhe dul isteach i Murlach Ébrié. Sa bhliain 1983, d'fhógair an rialtas Yamoussoukro a bheith ina phríomhchathair ar an tír, cé go bhfuil oifigí an rialtais náisiúnta beagnach ar fad suite in Abidjan i gcónaí, chomh maith leis na hambasáidí eachtrannacha go léir.
Abidjan
