Aer Lingus

Aer Lingus

IATA: EI OACI: EIN Cód aerlíne:SHAMROCK
IATA: EI OACI: EIN Cód aerlíne:SHAMROCK
Mana	Smart flies Aer Lingus
Sonraí
Cineál	aerlíne cuideachta phoiblí
Foirm dlí	Teoranta
Foirm dlí
Dáta a bunaíodh	28 Bealtaine 1936, Baile Átha Cliath
Gníomhaíocht
Úsáideann sé/sí	AMOS
Stocmhalartán	(ISE EIL1) - (LSE AERL)
Earra a úsáidtear :   Airbus A320 family   Boeing 707   Vickers Viking   Boeing 720   Bristol 170   Vickers Viscount 700   BAC One-Eleven   Aviation Traders Carvair   Douglas DC-3   Airbus A330   Airbus A350   Vickers Viscount 800
Airline hub (en)	Aerfort Bhaile Átha Cliath
Reward program (en)	AerClub (en)
Rialachas corparáideach
Ceanncheathrú	Aerfort Bhaile Átha Cliath, Éire
Máthaireagraíocht	International Airlines Group
Fochomhlacht	Aer Turas (en) Aer Lingus UK (en) Aer Lingus Regional (en)
Suíomh gréasáin	aerlingus.com

Aerlíne is ea Aer Lingus, cuid de Grúpa IAG inniu.

Tá an t-ainm branda díorthaithe ón bhfocal "Aer Loingeas". Leagan Béarlaithe is ea an t-ainm sin de leagan na Gaeilge, Aerloingeas.

Tá ceanncheathrú an chomhlachta suite in Aerfort Bhaile Átha Cliath, agus bhí 41 aerárthach den déantús Airbus ann (sa bhliain 2010) ag taisteal chuig an Eoraip, Stáit Aontaithe Mheiriceá agus Tuaisceart na hAfraice.

Rialachas 

Is cuid den grúpa IAG (IAirGroup.com) Aer Lingus inniu.

Roimh 2007, bhí 85% den gcomhlacht faoi úinéireacht an Rialtais.

Cuireadh an comhlacht i Stocmhalartán na hÉireann agus Stocmhalartán Londain ar an 2 Deireadh Fómhair 2006. Ag an am, bhí fós 28% den aerlíne faoi úinéireacht Rialtais na hÉireann. Díoladh an chuid seo dom grúpa IAG sa bhliain 2016.

An Tairiscint Táthcheangail ar Aer Lingus

Rinne Ryanair iarracht a dhéanamh chun Aer Lingus a cheannach faoi dhó, i 2006 agus 2008, ach theip orthu an dá uair.

Sa bhliain 2006 rinne an Ryanair tairiscint táthcheangail ar 1.48 mórmhilliún euro ag iarraidh Aer Lingus a cheannach. Dúirt Micheal O'Leary, príomhoifigeach feidhmiúcháin an Ryanair, gur "aiméar gan a leithéid" a bhí ann le gnólacht eitleoireachta Éireannach amháin a chur ar bun a d'iompródh breis agus leathchéad milliún paisinéir in aghaidh na bliana.

Rinne Aer Lingus comhlúthacht ar Stocmhalartán na hÉireann ar an 2 Deireadh Fómhair 2006, i ndiaidh do Rialtas na hÉireann an cinneadh a ghlacadh go ndíolfaí breis is leath den bhun 85.1 % a bhí ag an Stát sa chomhlacht. Choinnigh lucht oibre an chomhlachta an bun a bhí acusan ann, is é sin, 15 %.

Ar dtús bhí na scaireanna ag dul €2.20 an ceann, ionas gur luacháladh an comhlacht ar 1.13 mórmhilliún euro ar fad. Chuir Ryanair in iúl go raibh sé tar éis bun 16 % a cheannach in Aer Lingus, agus go raibh sé ag tairiscint €2.80 an ceann ar na scaireanna a bhí fágtha. Ar an lá céanna, dhiúltaigh Aer Lingus don tairiscint táthcheangail, ó bhí sí ag teacht salach uirthi féin. Bhí 47 % de scaireanna an chomhlachta ag an Stát, ag iontaobhas úinéireachta an lucht oibre agus ag slánaonaid eile nach raibh sásta glacadh le tairiscint an Ryanair.

Thairis sin, bhí seilbh ar 4 % eile ag Banc na hÉireann agus ag Bainc-Aontas Éireann, nach raibh an chuma orthu go mbeidís sásta a gcuid a dhíol leis an Ryanair. Mar sin, thit an tóin as an tairiscint táthcheangail.

Oibríochtaí

B'ábhar conspóide é in Éirinn (go háirithe san iardheisceart) nuair a d'fhógair Aer Lingus i mí Lúnasa, 2007, go raibh sé ag bogadh a chuid eitiltí idir Aerfort na Sionainne agus Aerfort Heathrow i Londain go dtí Aerfort Idirnáisiúnta Bhéal Feirste, áit atá siad ag bunú mol nua don aerlíne. I mí Aibreáin 2009 thosaigh Aer Lingus ag eitilt chuig Heathrow ó Aerfort na Sionainne arís de bharr mórán conspóide.

In Aibreán 2009 bhunaigh Aer Lingus a chéad bhunáit taobh amuigh d'oileáin na hÉireann in Aerfort Gatwick i Londain.

Is ball é Aer Lingus den chomhaontas aerlínte Oneworld. D'fhág sé é sin ar 1 Aibreán 2007 ^[1]. Sa bhliain 2016, mar chuid den grúpa IAG, is ball é arís^[2].

Stair

• 15 Aibreán 1936 - Bunaíodh Aer Lingus
• 27 Bealtaine 1936 - Céad eitilt Aer Lingus

Sna 1970idí, bhí Tony Ryan ina fheidhmeannach de chuid an Aer Lingus. Ansin bhí ann sé páirteach i mbunú an chomhlachta úd Guinness Peat Aviation i 1975, agus bhunaigh sé Ryanair sa bhliain 1985.

Bhí Ryanair ag eitilt idir Aerfort Gatwick i Londain agus Aerfort Phort Láirge in Éirinn, agus an comhlacht ag iarraidh dé-oplacht (monaplacht dhéroinnte) an Aer Lingus agus na mBritish Airways a bhriseadh sa trácht eitilte idir an Ríocht Aontaithe agus Poblacht na hÉireann.

Sna 1990idí, bhí an eitlíocht leathliobrálaithe ag an Aontas Eorpach: go bunúsach, bhí cead agat freastal ar aerchúrsa idir dhá bhallstát má fuair comhlacht faomhadh aon cheann acu. San am seo, ní raibh údaráis na hÉireann sásta cead a thabhairt don Ryanair, ó bhí siad ag iarraidh Aer Lingus a chosaint ar iomaíocht. Ach bhí rialtas Margaret Thatcher i gceannas ar an Ríocht Aontaithe, agus saoirse an mhargaidh á chur chun cinn acu ar chúiseanna idé-eolaíochta. Mar sin, cheadaigh an Ríocht Aontaithe don Ryanair cúrsaí nua a eitilt, agus bhí iomaíocht i ndáiríre ann do Aer Lingus.

Sa bhliain 2015, cheannaigh British Airways an aerlíne Éireannach chun barainneachtaí scála a chruthú agus acmhainní a tharraingt le chéile

Timpistí

• 10 Eanáir 1952. An chéad timpiste eitleáin ag Aer Lingus. Maraíodh 20 i dtimpiste sa Bhreatain Bheag.
• 24 Márta 1968. Básaíodh 61 duine nuair a thit Eitilt 712 de chuid Aer Lingus in aice leis an Tuscar i gContae Loch Garman.

Pearsanra 

Is é Stephen Kavanagh ceannaire Aer Lingus i 2017, agus tá Willie Walsh (IAG) ina chathaoirleach an bhoird.

Naisc sheachtracha

• Aer Lingus - aerlingus.com
• IAG - iairgroup.com

Tagairtí