Cás Madeleine McCann

Cás Madeleine McCann
	<img src="https://maps.wikimedia.org/img/osm-intl,12,37.0886,-8.7308,300x300.png?lang=ga" width="300" height="300" decoding="async" srcset="https://maps.wikimedia.org/img/osm-intl,12,37.0886,-8.7308,300x300@2x.png?lang=ga 2x" alt="Map">
	37°05′19″N 8°43′51″W / 37.0886°N 8.7308°W
Cineál	unexplained disappearance of a human (en)
Dáta na bliana	3 Bealtaine 2007
Suíomh	Praia da Luz, An Phortaingéil (en) , Luz, An Phortaingéil (en)
Tír	an Phortaingéil
Íospartach	Madeleine McCann (en) missing person (en)
Líon básanna	luach anaithnid
Déantóir na coire	luach anaithnid (kidnapper (en) )
Arm	luach anaithnid

Tachrán as Sasana ab ea Madeleine McCann (12 Bealtaine 2003 - ?). Bhí sí ar saoire lena tuismitheoirí i bPraia de Luz na Portaingéile nuair a chuaigh sí ar iarraidh ar 3 Bealtaine 2007. Fuadaíodh agus dúnmharaíodh í, is dócha, ach ní bhfuarthas a corp riamh, agus ní bhfuarthas amach riamh céard a tharla go díreach, nó cé a bhí freagrach as. Tharraing an cás clampar, i Sasana go háirihe, sna blianta dár gcionn.

Teachtaireachtaí ómóis i Rothley ar 17 Bealtaine 2007

Scannail agus éagóir

Ar feadh tamall, caitheadh amhras ar na tuismitheoirí. I Márta 2008, b'éigean do The Daily Express agus The Daily Star leithscéal neamhchoinníollach a ghabháil le tuismitheoirí Madeleine ar a gcéad leathanaigh, mar aon le suim ollmhór airgid (breis is leathmhilliún punt) a dhíol le fundúireacht a bunaíodh ar son an tachráin.^[1]

I gcás The Express, fritheadh go raibh breis is céad alt clúmhillteach curtha i gcló acu faoi Gerry agus Kate McCann, na tuismitheoirí. I measc na líomhaintí a cuireadh ina leith, dúradh gurb iad a mharaigh a n-iníon nó gur dhíol siad í le mangairí leanaí siocair go raibh siad gann ar airgead.

Bhí an cás seo neamhghnách ar bhealach mar gur poll dubh a bhí ann; sa mhéid is nach raibh aon chlabhsúr tagtha ar an scéal faoin am a cuireadh an dlí ar na nuachtáin. Ar ndóigh, fiú dá mba rud é go raibh bunús leis na líomhaintí áiféiseacha sin, ní bheadh dóigh ar bith ag na nuachtáin iad a chruthú.^[1]

Léirigh suirbhé taighde margaidh a rinne na nuachtáin thuasluaite i measc a gcuid léitheoirí tamall roimhe sin go raibh cíocras damanta ag an phobal chun aon scéal a bhain le himeacht Madeleine McCann gan tásc ná tuairisc. Go deimhin, bhí sé mar pholasaí ag go leor nuachtán, sa Bhreatain agus in Éirinn, tuairisc a chur ar an chéad leathanach.^[1]

2022

Creideann lucht an fhiosraithe gur mharaigh fear as an nGearmáin, Christian Brueckner, Madeleine. Cuireadh é i bpríosún sa Ghearmáin in Aibreán 2022 tar éis dó a bheith ciontaithe as bean 72 bliain d’aois as Meiriceá a éigniú sa bhliain 2005.^[2]

Ar 11 Deireadh Fómhair 2022, cuireadh trí chúis éignithe agus dhá chúis maidir le drochúsáid ghnéasach leanaí ina leith. Bhí éigniú mná as Éirinn in 2004 ar cheann na de na cúiseanna.^[3]

Féach freisin

Péidifilia

Tagairtí

↑ ^1.0 ^1.1 ^1.2 Breandán Delap (2012). "Ar an taifead (Cois Life)". 1lib.domains. Dáta rochtana: 2022-04-22.^{[nasc briste go buan]}
↑ Nuacht RTÉ (2022-04-22). "Gearmánach, 44 bliain, "faoi amhras" i gcás Madeleine McCann" (as ga).
↑ Nuacht RTÉ (2022-10-11). "Amhrastach i gcás Madeline McCann cúisithe i gcionta gnéis" (as ga-IE).

[:0-1] 1.0 ^1.1 ^1.2 Breandán Delap (2012). "Ar an taifead (Cois Life)". 1lib.domains. Dáta rochtana: 2022-04-22.^{[nasc briste go buan]}

[2] Nuacht RTÉ (2022-04-22). "Gearmánach, 44 bliain, "faoi amhras" i gcás Madeleine McCann" (as ga).

[3] Nuacht RTÉ (2022-10-11). "Amhrastach i gcás Madeline McCann cúisithe i gcionta gnéis" (as ga-IE).

[1]

[2]

[3]