Spuirse
Euphorbia  | |
|---|---|
 | |
| Planda | |
| Cineál an toraidh | cnó |
| Tacsanomaíocht | |
| For-ríocht | Eukaryota |
| Ríocht | Plantae |
| Ord | Malpighiales |
| Fine | Euphorbiaceae |
| Fofhine | Euphorbioideae |
| Géineas | Euphorbia L., 1753 |
| Cineál tacsanomaíoch | Euphorbia antiquorum |
| Ainmníocht | |
| Ainm comhchiallach an tacsóin | Medusea |
Aon bhall de ghné mhór plandaí atá le fáil ar fud an Domhain agus a tháirgeann laitéis is ea spuirse.[1] Is plandaí bliantúla cuid acu, plandaí ilbhliantúla cuid eile, agus toim cuid eile fós. Is cosúil le cachtais cuid acu, a mhaireann i réigiúin thirime is iad tar éis oiriúnuithe cosúla a éabhlóidiú go neamhspleách. Nuair nach bhfuil siad ag bláthú, ní féidir iad a idirdhealú ó chachtais ach ar bhonn na laitéise. Tugtar cyathium ar a bhláth sainiúil, bláthra dlúite laghdaithe ina mbíonn ubhagán amháin (an bláth baineann), roinnt staimíní (na bláthanna fireanna), 4 fhaireog mhór, agus fáinne brachtanna geala daite atá cosúil le hiombhláthanna.[2]
Tagairtí
- ↑ ““Euphorbia” | téarma.ie”. Téarma.ie: An Bunachar Náisiúnta Téarmaíochta don Ghaeilge. An Coiste Téarmaíochta. Dáta rochtana: 2023-06-26.
- ↑ Hussey, Matt (2011). "Spuirse". Fréamh an Eolais. Coiscéim. p. 620.