Adam Charles Clayton, nado o 13 de marzo de 1960, é un músico coñecido por ser o baixista da banda irlandesa de rockU2. Viviu no condado de Dublín dende que a súa familia se trasladou a Malahide en 1965, cando tiña cinco anos. Clayton é coñecido polo seu baixo en temas como "New Year's Day", "Bullet the Blue Sky", "With or Without You", "Mysterious Ways", "Get on Your Boots" e "Magnificent". O seu traballo en No Line on the Horizon foi citado como a súa mellor contribución ao baixo. Adam ten traballado tamén en varios proxectos en solitario ao longo da súa carreira, como o seu traballo co seu compañeiro Larry Mullen Jr. no tema da película de 1996Mission: Impossible. Clayton, como parte de U2, leva gañados 22 premios Grammy.