Adam and the Ants

Adam and the Ants
Orixe	Londres,
Período	1977 - 1982
Xénero(s)	post-punk, New Wave, New Romantic
Selo(s) discográfico(s)	CBS Records, Do It Records
Membros	Adam Ant Marco Pirroni Gary Tibbs Terry Lee Miall Merrick (Chris Hughes) Lester Square Andy Warren Paul Flanagan Mark Ryan Johnny Bivouac Matthew Ashman Leigh Gorman Dave Barbarossa Kevin Mooney
Artistas relacionados	Bazooka Joe, Bow Wow Wow, Rema-Rema, The Monochrome Set, The Moors Murderers, The Wolfmen, Wide Boy Awake
Na rede
http://adam-ant.net/

Adam and the Ants foi unha banda inglesa de post-punk formada en Londres e activa entre os anos 1977 e 1982. Foi un dos grupos que no seu tempo marcaron a transición da época punk rock dos 70 cara a época do New Wave/post-punk.

O grupo tivo dúas encarnacións, ámbalas dúas lideradas por Adam Ant. A primeira, fundada en maio de 1977 e coñecida sinxelamente como The Ants ata novembro dese ano, acadou unha considerable popularidade de culto durante a transición entre a era punk rock e a post-punk e new wave, destacando polas súas actuacións e cancións teatrais e abertamente sexualizadas. A derradeira formación desta encarnación (Dave Barbarossa, Matthew Ashman, e Leigh Gorman) deixou a banda en xaneiro de 1980 por suxestión do representante de facto Malcolm McLaren para formar Bow Wow Wow.

A segunda encarnación de Adam and the Ants contaba co guitarrista Marco Pirroni e o batería/produtor Chris Hughes, e destacou polo seu uso de ritmos de Burundi. Este grupo durou dende febreiro de 1980 ata marzo de 1982, conseguindo un grande éxito comercial no Reino Unido e no estranxeiro que continuou coa carreira en solitario do seu líder. Cos seus vídeos musicais sendo emitidos pola MTV e Ant aparecendo como VJ invitado na emisora, estaban asociados coa Segunda Invasión Británica.^[1]

Discografía