Ander Murillo

Ander Murillo

Biografía
Nacemento	(es) Ander Murillo García 26 de xullo de 1983 (41 anos) Donostia, España
Altura	1,84 m
Peso	76 kg
Actividade
Ocupación	futbolista, adestrador de fútbol
Período de actividade	2001 - 2018
Deporte	fútbol
Posición de xogo	Defensa central
Número deportivo	18
Traxectoria   Deporte base 1992–1999 Antiguoko 1999–2001 Athletic Club   Equipo 2001–2002   Bilbao Athletic 14 (0) 2001–2010   Athletic Club 157 (1) 2009–2010 → cesión:  UD Salamanca 37 (0) 2010–2011   Celta de Vigo 23 (0) 2011–2018   AEK Larnaca 184 (3) 2020–2021 ASIL Lysi   Selección nacional 2001–2001   España sub-17 2 (0) 2001–2002   España sub-19 7 (2) 2003–2003   España sub-20 2 (0) 2003–2005   España sub-21 11 (0) 2006–2006   País Vasco 1 (0)
Familia
Pai	Luciano Murillo
Parentes	Eliseo Murillo, tío

Ander Murillo García, nado en Donostia o 22 de xullo de 1983, é un futbolista vasco. Xoga de defensa e o seu equipo en 2010 é o Celta de Vigo da Segunda División de España.

É fillo de Luciano Murillo e sobriño de Eliseo Murillo, xogadores profesionais de fútbol da década de 1970, que xogaron na Real Sociedad.

Formouse na canteira do Antiguoko club, desde onde pasou ao Athletic. xogou nas súas categorías inferiores ata 2001, ano no que pasa a formar parte do primeiro equipo.

Debutou en Primeira división o 24 de novembro de 2001 aos 18 anos de idade, no partido FC Barcelona 1:2 Athletic Club. Na súa primeira tempada xogou 11 partidos de liga. No Athletic xogou 7 tempadas consecutivas en primeira división, varias delas de titular, incluíndo partidos da Copa da UEFA (2004/05) e dúas semifinais da Copa do Rei (2002 e 2005). Coa chegada do adestrador Joaquín Caparrós ao equipo en 2007, a defensa do club bilbaíno fortaleceuse e a competencia fíxose maior, a irrupción de xogadores como Aitor Ocio ou Fernando Amorebieta desbancaron a Murillo, que perdeu peso no equipo e pasou a un segundo plano, ata desapareceu das convocatorias. As tempadas 2007/08 e 2008/09 foron a confirmación de que Murillo xa non contaba para o club branquivermello, por iso para a tempada 2009/10 foi cedido á Unión Deportiva Salamanca de Segunda división (equipo no que o seu pai terminou a súa carreira como xogador), para que puidese ter algúns minutos e non quedase estancado. Na UD Salamanca realizou unha boa actuación, sendo titular indiscutible e chegando a xogar 37 partidos de liga. Isto non cambiou as cousas no seu regreso a Bilbao, xa que antes de comezar a pretemporada 2010/11 comunicóuselle ao xogador que non se contaba con el e que se buscase equipo. En agosto de 2010 Ander Murillo pechou a súa fichaxe co Celta de Vigo, o cal será o seu equipo para as próximas tempadas.^[1]

Nunca foi internacional coa selección absoluta, aínda que si coa sub-17, sub-19, sub-20 e sub-21.

(*) Incluíndo a Selección

• Ficha de Ander Murillo en Athletic Club Net
• Murillo en www.lfp.es