Anfíbolo

Os anfíbolos^[1] son un conxunto de minerais do grupo dos silicatos, subgrupo inosilicatos. Son metasilicatos de calcio, magnesio e ferro.

A unidade estrutural fundamental dos anfíbolos é o tetraedro de silicio e osíxeno (SiO₄) enlazado en forma de longas cadeas dobres. A fórmula química de cada mineral anfíbolo é o resultado de substitucións metálicas na dobre cadea: RSi₄O₁₁. Agrúpanse xeralmente en anfíbolas monoclínicas e anfíbolas ortorrómbicas. De cores escuras, con predominancia para o verde e o azul, están presentes en rochas ígneas e metamórficas, sendo máis abundantes nas primeiras.

Orixe do nome

O nome de anfíbolo deriva do grego αμφιβολος - amphibolos, que significa ambiguo, en alusión ás variedades cambiantes, en composición e aparencia, que presentan estes minerais. Foi orixinalmete acuñado polo mineraloxista René Just Haüy para incluír a tremolita, actinolita e a horneblenda. O uso do termo foi despois estendido a todo o grupo dos silicatos de dobre cadea.

Variedades

Hai centos de variedades.

• Antofilita (Mg,Fe)₇Si₈O₂₂(OH)₂
• Tremolita Ca₂Mg₅Si₈O₂₂(OH)₂
• Actinolita Ca₂(Mg,Fe)₅Si₈O₂₂(OH)₂
• Cummingtonita Fe₂Mg₅Si₈O₂₂(OH)₂
• Grunerita Fe₇Si₈O₂₂(OH)₂
• Hornblenda Ca₂(Mg,Fe,Al)₅(Al,Si)₈O₂₂(OH)₂
• Glaucofana Na₂(Mg,Fe)₃Al₂Si₈O₂₂(OH)₂
• Riebeckita Na₂Fe²⁺₃Fe³⁺₂Si₈O₂₂(OH)₂
• Arfvedsonita Na₃Fe²⁺₄Fe³⁺Si₈O₂₂(OH)₂
• Crocidolita Na₂Fe²⁺₃Fe³⁺₂Si₈O₂₂(OH)₂
• Richterita Na₂Ca(Mg,Fe)₅Si₈O₂₂(OH)₂
• Pargasita NaCa₂Mg₃Fe²⁺Si₆Al₃O₂₂(OH)₂
• ...

Notas