Antoine Busnois
| Biografía | |
|---|---|
| Nacemento | 1430 (Gregoriano)  Béthune, Francia |
| Morte | 6 de novembro de 1492 (Gregoriano) (61/62 anos) Bruxas, Bélxica |
| Actividade | |
| Ocupación | compositor, escritor, poeta |
| Xénero artístico | Música clásica e liturgical music (en)  |
| Movemento | Música renacentista |
| Descrito pola fonte | Dicionario Musical Riemann (1901–1904) Brief Biographical Dictionary of Foreign Composers (en) ,  |
      | |
Antoine Busnois, tamén coñecido como Antoine Busnoys, nado na vila francesa de Béthune arredor de 1430 e finado o 6 de novembro de 1492 en Bruxas, na rexión flamenga de Bélxica, foi un compositor e poeta de principios do Renacemento pertencente á escola borgoñoa. Aínda que tamén é salientable como compositor de música sacra (particularmente motetes), foi un dos máis nomeados compositores profanos do século XV. Foi a figura principal da escola de Borgoña tardía, logo da morte de Guillaume Dufay.[1]
Traxectoria
É probable que fose discípulo de Johannes Ockeghem en Tours. Cara a 1460 estaba na corte de Borgoña. Máis tarde traballou na igrexa de San Salvador de Bruxas, como director dos cantantes, cargo que exerceu ata a súa morte en 1492.[2]
Obra
A súa produción máis importante é de cancións profanas: máis de sesenta que se conservan nun manuscrito proveniente da corte de Borgoña, probablemente copiado por el mesmo. A maioría ten textos en francés, son a tres voces e utilizan estruturas fixas, sobre todo a de rondó (a metade delas).
No tocante á música relixiosa, consérvanse misas, un credo, himnos, un magnificat e un motete. As misas utilizan a técnica do cantus firmus, e unha delas baséase na soada fanfarra L'homme armé.[3]
Discografía
- 2004. Busnois: Missa O crux lignum, Motets, Chansons. Orlando Consort (Harmonia Mundi)
- 2008. Busnois, L'Homme armé. Cantica Symphonia, Giuseppe Maletto (Glossa)
Notas
- ↑ Higgins, Paula. "Antoine Busnuys". En Grove Music Online Arquivado 11 de xaneiro de 2017 en Wayback Machine.. Ed. L. Macy.
- ↑ Gleason, Harold et al. Music in the Middle Ages and Renaissance. Alfred Music, 1988. Páxina 99.
- ↑ Taruskin, Richard. «Antoine Busnoys and the "L'Homme armé" Tradition». JAMS, 39 (2):255–293, 1986.
Véxase tamén
Bibliografía
- Higgins, Paula. "Antoine Busnoys". Grove Music Online. Ed. L. Macy.
- Higgins, Paula. Antoine Busnoys: Method, Meaning, and Context in Latexa Medieval Music. Oxford University Press, 1999.
- Taruskin, Richard. "Antoine Busnoys and the L'Homme armé Tradition". En JAMS, 39 (2):255–293, 1986.
- Atlas, Allan W. (ed.): Renaissance music. W. W. Norton, 1998. La música del Renacimiento. Akal, 2002.
- Atlas, Allan W. (ed.): Antología de la música del Renacimiento. Akal, 2002.
- Gallico, Claudio: Historia de la música, 4. La época del humanismo y del Renacimiento. Turner, 1986.
- Gleason, Harold et al. Music in the Middle Ages and Renaissance. Alfred Music, 1988.
- Reese, Gustave. Music in the Renaissance. W. W. Norton, 1954. La música en el Renacimiento. Alianza, 1995 [1988].
| Control de autoridades |
|
|---|
