Aquila Basket Trento
| Dolomiti Energia Trento | |
| |
| Información xeral | |
|---|---|
| Liga | LBA |
| Alcume | Orogranata |
| Fundación | 1995 |
| Cores | Branco, negro |
| Presidente |  Luigi Longhi
|
| Adestrador | Emanuele Molin
|
| Patrocinador | Dolomiti Energia |
| Localización | |
| Cidade | Trento, Italia
|
| Pavillón | PalaTrento |
| Capacidade | 4 360 |
| Inauguración | 2000 |
| aquilabasket.it | |
O Aquila Basket Trento, actualmente coñecido como Dolomiti Energia Trento por motivos de patrocinio, é un equipo de baloncesto profesional italiano da localidade de Trento, Trentino-Tirol do Sur. Fundado en 1995 como fusión de dous clubs locais, actualmente compite na Lega Basket Serie A, máxima competición do baloncesto transalpino.
Historia
O Aquila Basket nace en 1995 grazas a Gianni Businelli e Marco Angelini, presidentes, respectivamente, do Dolomiti Sport BC Trento e do Pallacanestro Villazzano, ambos clubs da Serie D. No ano 2000, Giovanni Zobele converteuse no presidente do club e a mesma temporada o club ascende á Serie C2, ascendendo á Serie C1 tan só dous anos despois.[1] Tras anos en categorías inferiores, na temporada 2011−12, o Trento conseguiu promocionar á LegaDue. O club adaptouse rapidamente á segunda división, conseguindo disputar os play-offs polo ascenso na súa primeira temporada, aínda que finalmente sen éxito. Porén, na seguinte temporada o equipo mellora os seus resultados, finalizando primeiros na fase regular e conseguindo o seu ascenso á máxima categoría. A súa primeira temporada na elite foi tamén un gran suceso, finalizando no seu primeiro ano no cuarto posto, contando sobre todo coa axuda de Tony Mitchell, máximo anotador e MVP da Serie A. Isto permitiu que na temporada 2015−16 o equipo debutase en competicións europeas, concretamente na Eurocup, onde chegaron ás semifinais, nas que perderon ante o Strasbourg IG francés.
Patrocinadores
Ao longo dos anos, debido a motivos de patrocinio, o equipo foi coñecido como:
- Soci Trento (1995−2005)
- Bitumcalor Trento (2005−2013)
- Aquila Basket Trento (2013−2014)
- Dolomiti Energia Trento (2014–presente)
Historial
| Temporada | Liga | Copa | Europa | ||||||
|---|---|---|---|---|---|---|---|---|---|
| Nivel | Liga | Pos. | Playoff | Nivel | Resultado | Nivel | Liga | Resultado | |
| 2011–12 | 3 | DNA | 2 | Campións | 3 | Semifinalista | – | ||
| 2012–13 | 2 | LegaDue | 8 | Semifinalista | 2 | Campións | – | ||
| 2013–14 | 2 | DNA Gold | 1 | Campións | 2 | Subcampións | – | ||
| 2014–15 | 1 | Serie A | 4 | Cuartofinalista | 1 | Cuartofinalista | – | ||
| 2015–16 | 1 | Serie A | 8 | Cuartofinalista | 1 | Semifinalista | Eurocup | ||
| 2016–17 | 1 | Serie A | 4 | Subcampións | – | – | |||
| 2017–18 | 1 | Serie A | 5 | Subcampións | – | Eurocup | |||
| 2018–19 | 1 | Serie A | 6 | Cuartofinalista | – | Eurocup | |||
| 2020–21 | 1 | Serie A | 8 | Cuartofinalista | – | Eurocup | |||
| 2021–22 | 1 | Serie A | 13 | – | 1 | Cuartofinalista | Eurocup | ||
Notas
- ↑ "Storia" [History]. AquilaBasket.it (en Italian). Consultado o 31 August 2015.