Ashleigh Barty

Ashleigh Barty
Nome completo	Ashleigh Barty
Nacemento	24 de abril de 1996
Lugar de nacemento	Ipswich
Nacionalidade	Australia
Etnia	Aborixes australianos e English Australian
Alma máter	Woodcrest State College
Ocupación	tenista e xogador de criquet
Premios	Officer of the Order of Australia
Na rede
	[ editar datos en Wikidata ]
	v; c; e;

Ashleigh Barty, nada en Ipswich, Queensland, o 24 de abril de 1996, é unha ex xogadora de tenis e antiga xogadora de crícket australiana. Chegou ao número un do mundo individual da Women's Tennis Association (WTA), sendo a segunda australiana que o logrou tras Evonne Goolagong Cawley.^[a] Tamén chegou a estar entre as cinco mellores do mundo en dobres. Barty gañou sete títulos individuais do WTA Tour, incluído un título de Roland Garros.

Barty é unha xogadora de todas as superficies, que emprega unha ampla variedade de golpes no seu estilo de xogo. A pesar das súa curta estatura para unha xogadora de tenis profesional, ten un servizo excelente. Barty actúa como Embaixadora Nacional Indíxena do Tenis para Tennis Australia.

Traxectoria

Barty naceu en Ipswich en Queensland e comezou a xogar ao tenis con catro anos preto en Brisbane. Tivo unha carreira júnior prometedora, acadando o número dous do mundo tras gañar o título individual de nenas en Wimbledon en 2011. De adolescente, Barty tivo un éxito temperán en dobre no WTA Tour de 2013, chegando á final de tres torneos do Grand Slam coa veterana Casey Dellacqua, incluído o Aberto de Australia con dezaseis anos. Posteriormente, na temporada de 2014 decidiu tomar un descanso indefinido do tenis, pasando a xogar ao crícket. Asinou un contrato co Brisbane Heat para a temporada inaugural da Women's Big Bash League, sen recibir antes adestramento nese deporte.

Barty volveu ao tenis a principios de 2016. Revelouse como xogadora individual en 2017, gañando o seu primeiro título da WTA, o Malaysian Open, que lle valeu para chegar ao número 17 da clasificación sen chegar a estar entre as cen primeiras antes do seu tempo fóra do tenis.

O 23 de marzo de 2022 anunciou que abandonaba a práctica profesional do tenis á idade de 25 anos e sendo a número un da WTA^[1].

Torneos de Grand Slam

Individual

Títulos (3)

Ano	Torneo	Opoñente na final	Resultado
2019	Roland Garros	Markéta Vondroušová	6-1, 6-3
2021	Wimbledon	Karolína Plíšková	6–3, 6–7^(4–7), 6–3
2022	Aberto de Australia	Danielle Collins	6–3, 7–6^(7–2)

Dobres

Títulos (1)

Ano	Torneo	Parella	Opoñentes na final	Resultado
2018	Aberto dos Estados Unidos	Coco Vandeweghe	Tímea Babos Kristina Mladenovic	3-6, 7-6(2), 7-6(6)

Finalista (5)

Ano	Torneo	Parella	Opoñentes na final	Resultado
2013	Aberto de Australia	Casey Dellacqua	Sara Errani Roberta Vinci	2-6, 6-3, 2-6
2013	Wimbledon	Casey Dellacqua	Su-Wei Hsieh Shuai Peng	6-7(1), 1-6
2013	Aberto dos Estados Unidos	Casey Dellacqua	Andrea Hlaváčková Lucie Hradecká	7-6(4), 1-6, 4-6
2017	Roland Garros	Casey Dellacqua	Bethanie Mattek-Sands Lucie Šafářová	2-6, 1-6
2019	Aberto dos Estados Unidos	Victoria Azarenka	Elise Mertens Aryna Sabalenka	5-7, 5-7

Notas

↑ "Ash Barty announces shock retirement from tennis at 25". the Guardian (en inglés). 2022-03-23. Consultado o 2022-03-23.

↑ Margaret Court tamén acadou o número 1 antes de que se creasen as clasificacións da WTA en 1975.

Véxase tamén

Ligazóns externas

Ashleigh Barty stats on My Cricket

[2] "Ash Barty announces shock retirement from tennis at 25". the Guardian (en inglés). 2022-03-23. Consultado o 2022-03-23.

[1] Margaret Court tamén acadou o número 1 antes de que se creasen as clasificacións da WTA en 1975.

[a]

[1]