Carlos XV de Suecia

Carlos XV de Suecia

Nome orixinal	(sv) Karl XV
Biografía
Nacemento	3 de maio de 1826 Estocolmo, Suecia
Morte	18 de setembro de 1872 (46 anos) Malmö, Suecia
Lugar de sepultura	Riddarholmskyrkan 59°19′29″N 18°03′53″L / 59.3247, 18.0647
Rei de Suecia
8 de xullo de 1859 – 18 de setembro de 1872 ← Óscar I de Suecia – Óscar II de Suecia →
Monarca de Noruega
8 de xullo de 1859 – 18 de setembro de 1872 ← Óscar I de Suecia – Óscar II de Suecia →
Mestre-Geral do Ordnance (pt)
1849 – 1857 ← Axel Gustaf von Arbin (pt) – Fabian Jakob Wrede (pt)  →
Datos persoais
Relixión	Luteranismo
Educación	Universidade de Uppsala
Actividade
Lugar de traballo	Estocolmo (1859–1872)
Ocupación	monarca
Período de actividade	1846 - 1872
Membro de	Real Academia das Ciencias de Suecia Real Academia Sueca de Letras, Historia e Antigüidades
Carreira militar
Rango militar	Xeneral
Obra
Obras destacables Norwegian Landscape in the Light of Early Morning (en) (1861) Landscape from Tröndelagen (en) (1866) Winter Landscape from Queen Christina's Road in Djurgården, Stockholm (en)
Outro
Título	Rei Duque
Familia	Casa de Bernadotte
Cónxuxe	Luísa dos Países Baixos (1850–1871), morte do cónxuxe
Fillos	Luísa da Suécia, Carlos Óscar, Duque de Södermanland, Carl Rudolf Bernadotte Nordenstam
Pais	Óscar I de Suecia   e Xosefina de Leuchtenberg
Irmáns	Eugênia da Suécia Gustavo, duque de Uppland Augusto, duque de Dalarna Óscar II de Suecia Hjalmar Högqvist
Premios
Cabaleiro da Orde do Vélaro de Ouro  Orde de Santo André  Orde da Dannebrog
Descrito pola fonte	Dicionario Enciclopédico Brockhaus e Efron Dicionário Biográfico Sueco (pt) , lang: lingua sueca Albert Edelfelt's letters (en) ,

Carlos XV de Suecia, nado en Estocolmo o 3 de maio de 1826 (como Karl Ludvig Eugen Bernadotte), e finado en Malmö o 18 de setembro de 1872,^[1] foi rei de Suecia e de Noruega desde 1859 até a súa morte (en Noruega adoptou o nome de Carlos IV).

Era o fillo máis vello do rei Óscar I e da raíña Xosefina.^[1] Foi o primeiro monarca da dinastía Bernadotte nado en Suecia.^[2]

Casou o 19 de xuño de 1851 coa princesa Luísa dos Países Baixos.^[1]

Naceu no Palacio Real de Estocolmo e ao seu nacemento foille outorgado o título de príncipe herdeiro e o de duque de Escania. Foi brevemente vicerrei de Noruega, entre 1856 e 1857. Asumiu a rexencia o 25 de setembro 1857 ante a enfermidade de seu pai. Cando Óscar I faleceu, Carlos foi nomeado monarca dos reinos unidos de Suecia e Noruega. En Suecia foi coroado o 3 de maio de 1860 e, en Noruega, o 5 de agosto do mesmo ano.

Foi un defensor e promotor do escandinavismo e da solidariedade política entre os tres reinos nórdicos (Suecia, Noruega e Dinamarca). Estableceu relacións de amizade co rei Frederico VII de Dinamarca, ao que lle prometeu en xullo de 1863 axuda militar para protexer o ducado de Schleswig da invasión prusiana. O apoio militar, porén, nunca chegou por motivos políticos internos en Suecia.

O rei fortaleceu e cambiou radicalmente a política interna sueca coa reforma do parlamento. En 1860 o monarca lanzou a súa proposta de "estado democrático" e, tras discutilo cos membros do seu goberno, en 1863 o primeiro ministro Louis De Geer presentou unha proposta de reforma que rompía coa conformación do parlamento dos estados.^[3] Despois de cerca de tres anos de discusión, a reforma foi aprobada o 22 de xuño de 1866.

Tamén se modificaron as leis municipais e se concedeu ás mulleres o dereito ao voto por primeira vez nas eleccións municipais. Durante o seu reinado a liberdade relixiosa foi estendida ao ámbito xurídico e político.

Houbo novas leis penais e continuou coa política de desenvolvemento económico de Óscar I, que comprendeu unha mellora significativa das infraestruturas e o impulso da industrialización, construíndose ademais unha ampla rede de comunicacións ferroviarias.

A comezos de 1871 decaeu a súa saúde, coincidindo coa morte da súa esposa a raíña Luísa o 30 de marzo de 1871. Despois dunha viaxe de descanso a Aquisgrán, o rei viviu un tempo no Palacio de Ulriksdal, nas aforas de Estocolmo, de onde se mudou a Malmö. Nesta cidade faleceu o 18 de setembro de 1872. O seu corpo foi sepultado na Igrexa de Riddarholmen de Estocolmo.

Ante a falta de fillos varóns (o seu fillo Carlos falecera dezaoito anos antes), foi sucedido polo seu irmán o duque Óscar. O seu neto Carlos de Dinamarca converteríase en rei de Noruega, co nome de Haakon VII.

Casado con Luísa dos Países Baixos, tivo dous fillos:^[1]

1. Luísa (1851 - 1926). Casou con Frederico VIII de Dinamarca.
2. Carlos Óscar Guillerme Frederico (1852 - 1854). Duque de Södermanland.

Carlos tamén tivo un fillo ilexítimo, Carl Johan Bolander, nado o 4 de febreiro de 1854, e que foi o pai do bispo Nils Bolander,^[4] e unha filla, Ellen Svensson Hammar, nada o 28 de outubro de 1865 e finada en 1931.
Así mesmo, hai rumores de que tiña máis fillos extraconxugais.^[5]

Durante o seu cargo como vicerrei de Noruega, Carlos compuxo contos en prosa. De regreso a Suecia trataría sen éxito de obter un premio na Academia Sueca. Escribiu tamén algúns ensaios políticos e de administración do exército.

A súa obra literaria máis coñecida son dúas coleccións de poemas: Unha colección de poemas de C. e Pequenos poemas de C., que serían traducidas a varios idiomas.

Foi coleccionista de arte e alentou o desenvolvemento da arte nacional sueca e norueguesa.

Tamén desempeñou con talento a pintura, representando principalmente paisaxes típicos de Escandinavia. A súa colección incluía case 500 pinturas, principalmente de artistas suecos.

Gran parte da súa colección de arte e artesanado foi doada ao Estado sueco no seu testamento. As pinturas da súa autoría áchanse nos principais museos de arte suecos e nalgunhas galerías norueguesas.

Algunhas das súas pinturas:

• Vista desde Värmdö (1865)
• Vista de Ulriksdal (1868)
• Paisaxe norueguesa á luz da alba (década de 1860)
• Xunto ao arroio do bosque (1872)

Armas de Carlos como Duque de Escania (1826–1844)	Armas de Carlos como Príncipe Herdeiro (1844–1859)	Armas de Carlos XV & IV como Rei de Suecia e Noruega (1859–1872)	Monograma do rei Carlos XV

• Edholm, Erik af (1944): Svunna dagar: ur förste hovmarskalken Erik af Edholms dagböcker. Upplevelser under Karl XIV Johans och Oskar I:s tid. Stockholm: Norstedt & Söner. (en sueco).
• McNaughton, Arnold (1973): The book of kings: A royal genealogy. Volume 1. Londres: Garnstone Press. ISBN 978-0-9003-9119-4 (en inglés).
• Sandberg, Thorsten (1999): "Reformprinsen". Lund: Populär historia. ISSN 1102-0822. Libris 2819517 (en sueco).

• Óscar I de Suecia
• Xosefina de Leuchtenberg
• Casa de Bernadotte

• A. Geffroy "La Suède sous le roi Charles XV" en Wikisources (en francés).
• Cecilia Bååth-Holmberg (1891): Carl XV som enskild man, konung och kostnär (Carlos XV como un home individual, rei e artista pintor) pp. 612 e ss. (en sueco).
• Darryl Lundy, Xenealoxía de Carlos XV de Suecia (Carl XV Bernadotte, King of Sweden) en The Peerage (en inglés).
• Erik Thyselius (1910): Karl XV och hans tid (Carlos XV e o seu tempo), pp. 53 e ss., en Projet Runeberg (en sueco).
• Charles XV en Chisholm, Hugh: Encyclopædia Britannica (11ª ed.) Cambridge University Press.