Nova sublevación dos cántabros. Marco Vipsanio Agripa, xenro de Augusto, dirixe as tropas romanas que vencen aos sublevados. Agripa executaría os homes en idade de combater que fixo prisioneiros, obrigando ao resto de poboación a fixarse nas chairas. Considérase oficialmente sometida toda Hispania neste ano.
Fundación na beira do río Rin do Oppidum Ubiorum, xermolo da posterior Colonia, en Alemaña.
Edicto do Bierzo: Augusto emite un edicto desde Narbona, polo cal castiga aos guigurros, pobo ástur, pola súa defección do campo romano en anos anteriores, obrigándoos a asumir cargas de Paemeiobriga.
Fundación de Augusta Vindelicorum, a actual Augsburgo.