División de Honra de Rugby 2012-2013

División de Honra de Rugby 2012-2013

Tipo	División de Honra de Rugby
Deporte	rugby a 15
Organizador	Federación Española de Rugby
Número de participantes	12
Localización  e  Datas
País	España
Período de tempo	tempada 2012-2013
Competición
Primeiro posto	Valladolid Rugby Asociación Club
Datos estatísticos
Partidos	137
← 2011 2013–14 División de Honor de Rugby (en) →

A tempada 2012-2013 da División de Honra da liga española de rugby, chamada comercialmente Liga Renfe, foi a 46ª edición da principal competición entre clubs de rugby en España. A liga regular comezou oficialmente o 16 de setembro de 2012, e rematou o 28 de abril de 2013 despois de 22 xornadas, para darlle paso á fase de eliminatorias polo título, cuxa final tivo lugar o 13 de maio de 2013.

O torneo estivo composto por unha fase de liga regular e unha fase final. A liga regular constou de 22 xornadas. Na primeira volta cada equipo enfrontouse cos restantes 11, e na segunda volta repetiu os enfrontamente, recibindo como local ós equipos que visitou na primeira volta, e visitando ós equipos que recibiu como local na primeira volta. Ó remate da liga regular, os 6 primeiros equipos da táboa clasificatoria disputaron a fase final. A fase final constou de 5 encontros, 2 de cuartos de final, 2 de semifinais, e 1 da final. Nos cuartos de final enfrontáronse entre si os equipos clasificados entre a 3ª e a 6ª posición da táboa, mentres que os 2 primeiros equipos da táboa agardaban en semifinais polos seus rivais. A final dispútouse no estadio do equipo finalista mellor clasificado na liga regular.

O descenso de categoría foille imposto ó último equipo da táboa, mentres que o penúltimo equipo tivo a oportunidade de disputar unha eliminatoria fronte ó segundo clasificado da División de Honra B para acadar a permanencia.

Despois de 13 anos cunha liga de 10 equipos, a edición 2012-2013 volveu novamente a contar cun formato de 12 participantes. O vixente campión, VRAC, foi o encargado de defender o título acadado na anterior tempada. Non obstante, o equipo castelán non aceptou ser o representante español convidado na segunda competición europea, a European Challenge Cup, e foi o Gernika RT o único club que aceptou esa honra, de xeito que o conxunto vasco tivo que compaxinar nesa tempada as competicións domésticas de liga e copa coa competición continental. De seguido amósanse uns datos básicos sobre cada un dos 9 equipos que xa competiron na División de Honra na anterior tempada (entre parénteses, a posición acadada):

Os 3 equipos acabados de ascender eran o CRC Madrid (denominado dende esa tempada "Rugby Atlético de Madrid" tras acadar un acordo co club roxibranco), o CR Cisneros e o Hernani CRE. Estes 3 equipos viñan a cubrir a ausencia do descendido Club Alcobendas Rugby e a encher a 2 prazas novas coas que contaba nesa tempada a División de Honra. De seguido amósanse uns datos básicos sobre os 3 equipos ascendidos o ano anterior:

A liga regular comezou oficialmente o 16 de setembro de 2012, e rematou o 28 de abril de 2013 despois da disputa de 22 xornadas. Para entón xa se sabía calen eran os 6 primeiros equipos da táboa, que disputaron a fase final de eliminatorias polo título de liga. A seguinte táboa amosa a clasificación final da liga regular:

División de Honra — Tempada 2012/13
Posto	Equipo	Puntos	Xogados	Gañ.	Emp.	Per.	BO	BD
1º	VRAC Quesos Entrepinares	85	22	17	0	5	14	3
2º	Santboiana SEAT	81	22	16	2	4	11	2
3º	Bizkaia Gernika	75	22	15	0	7	13	2
4º	Cetransa El Salvador	68	22	13	1	8	9	5
5º	Ampo Ordizia	65	22	12	2	8	10	3
6º	Atlético de Madrid	60	22	12	2	8	6	2
7º	Complutense Cisneros	50	22	9	0	13	9	5
8º	Getxo Artea	50	22	9	0	13	9	5
9º	Ciencias Fundación Cajasol	50	22	8	0	14	11	7
10º	Blu:Sens Universidade de Vigo	44	22	8	1	13	6	4
11º	Hernani CRE	32	22	6	0	16	5	3
12º	CR La Vila	17	22	3	0	19	3	2
Cada encontro gañado (Gañ.) supón 4 puntos para a clasificación, e cada empate (Emp.) outros 2. Os puntos bonus ofensivos (BO) acádanse cada vez que un equipo anota 4 ensaios ou máis nun encontro, mentres que os puntos bonus defensivos (BD) acádanse cando o equipo perde un encontro por 7 puntos de diferenza ou menos. Estes puntos bonus engádense ós acadados polas vitorias ou empates. <<<< 2011/12 — Tempadas — 2013/14 >>>> En azul      as posicións que clasifican para semifinais (1º e 2º). En verde      as posicións que clasifican para cuartos de final (3º, 4º, 5º e 6º). En rosa      a posición de promoción de permanencia (11º). En vermello      a posición de descenso directo (12º).

Foi a segunda tempada consecutiva na que o título de campión se decidiu nunha fase final de eliminatorias entre os 6 primeiros equipos da táboa clasificatoria. A final tivo lugar o 13 de maio de 2013 no campo do equipo VRAC por ser o finalista mellor situado ó remate da liga regular.

	Cuartos de Final				Semifinais				Final
					1º. VRAC Quesos Entrepinares	22
	4º. Cetransa El Salvador	34
					4º. Cetransa El Salvador	18
	5º. AMPO Ordizia	26
									1º. VRAC Quesos Entrepinares	27
									2º. Santboiana SEAT	25
	3º. Bizkaia Gernika	15
					6º. Rugby Atlético de Madrid	17
	6º. Rugby Atlético de Madrid	29
					2º. Santboiana SEAT	28

• Páxina web oficial da Federación Española de Rugby (en castelán)