Eurocopter Fennec

Eurocopter Fennec
Tipohelicóptero utilitario militar lixeiro
FabricanteAérospatiale, Eurocopter, Airbus Helicopters
Introducido1990
Produción1990-presente

Os Eurocopter AS550 Fennec (agora Airbus Helicopters H125M)[1] e AS555 Fennec 2 son helicópteros militares lixeiros multipropósito fabricados polo Eurocopter Group (agora Airbus Helicopters). Baseados nas series AS350 Ecureuil e AS355 Ecureuil 2 reciben o seu nome do fenec ou raposo do deserto. As versións armadas do AS550 e do AS555 poden ser equipadas con armas coaxiais, foguetes, torpedos ou outro tipo de munición.

Historial operacional

Como resultado do Tratado de Viena sobre forzas armadas convencionais en Europa, as variantes militares do Écureuil foron comercializadas cunha designación diferente; así a partir do ano 1990 o tipo foi comercializado co nome de Fennec.[2][3]

En febreiro de 2007 India seleccionou o AS550 C3 Fennec sobre o Bell 407 nun contrato por 197 helicópteros valorado en 500 millóns de dólares.[4] Este acordo suspendeuse no mes de xuño debido á presunta corrupción no proceso de licitación, e cancelouse definitivamente no mes de decembro. O contrato volveu a abrirse e o AS550 C3 estaba entre os helicópteros que competían. Porén, a India elixiu ao Kamov Ka-226T sobre o AS550 C3 na licitación.[5][6]

O 20 de xaneiro de 2011 comandos das forzas espaciais da Real Armada de Malaisia rescataron un barco de transporte de químicos malaisio e á súa tripulación de piratas somalís. Un helicóptero Fennec realizou o recoñecemento e proporcionou apoio de fogo para manter ao barco nutriz dos piratas afastado mentres os comandos asaltaban o buque.[7]

Notas

  1. ↑ "Meet the H Generation - Airbus Helicopters". www.airbushelicopters.com (en inglés). Consultado o 2018-11-21. 
  2. ↑ "Treaty on Conventional Armed Forces in Europe" (PDF). Organization for Security and Co-operation in Europe. Consultado o 2018-11-21. 
  3. ↑ "1974 : ecureuil helicopter, fennec helicopter - Eurocopter, an EADS company". 2015-12-26. Archived from the original on 26 de decembro de 2015. Consultado o 2018-11-21. 
  4. ↑ "KalingaTimes.com : Eurocopter wins big Indian Army deal". 2007-06-04. Archived from the original on 04 de xuño de 2007. Consultado o 2018-11-21. 
  5. ↑ "France-based Companies Win and Lose in Big Indian Helo Contest". Aviation International News (en inglés). Consultado o 2018-11-21. 
  6. ↑ Pubby, Manu (2018-07-11). "Make in India: Defence ministry okays $3.4 billion deals including procurement of US-origin M777 artillery guns". The Economic Times. Consultado o 2018-11-21. 
  7. ↑ "Paskal commandos foil hijack attempt in Gulf of Aden". 2011-01-23. Archived from the original on 23 de xaneiro de 2011. Consultado o 2018-11-21.