Familienzentrum

O Centro familiar (en alemán: Familienzentrum, "Centro Familiar") é unha institución social e de formación alemá que oferta orientación e asesoramento en proxectos de formación e integración para familias alemás e non-alemás centrados no parto, educación e crianza dos fillos.

O Familienzentrum é unha asociación de utilidade pública presente en máis de dezaseis rexións do país con orixe católica e laica, financiada por organismos a nivel local, do estado federado ou obispados.^[1]

Os centros non teñen capacidade de asistencia sanitaria profesional pero si social, de divulgación pública, coidado ou mediación de conflito.

O termo "Centro familiar" fai referencia a súa función como rede de centros de coidado diúrno que pon o seu foco no apoio aos nenos e ao asesoramento das familias e das persoas ao seu coidado.

Forman parte do plan de planificación municipal de benestar infantil e xuvenil do "Kindertagesstätte"^[2]. Este movemento asociativo traballa creando espazos educativos e experiencias que se basen en contextos cotiás e de veciñanza. A oferta está orientada en cada caso ás necesidades específicas de cada localidade. Supoñendo unha atención especializada, por exemplo, á comunidade internacional, ofertando palestras para estranxeiros en inglés ou linguas diferentes ao alemán.^[3]