Frédéric Bazille

Frédéric Bazille

Biografía
Nacemento	(fr) Jean Frédéric Bazille 6 de decembro de 1841 Montpellier, Francia
Morte	28 de novembro de 1870 (28 anos) Beaune-la-Rolande, Francia
Causa da morte	morto en combate
Lugar de sepultura	Protestant cemetery in Montpellier (en)
Datos persoais
País de nacionalidade	Francia
Actividade
Lugar de traballo	París Fontainebleau Honfleur
Ocupación	pintor
Período de actividade	1860 - 1870
Xénero artístico	Retrato, Arte de paisaxes, pintura de figuras, Natureza morta e pintura de xénero
Movemento	Impresionismo, École de Barbizon e pintura do realismo (pt)
Profesores	Charles Gleyre
Lingua	Lingua francesa
Carreira militar
Conflito	Guerra franco-prusiana
Obra
Obras destacables (1865) Studio in the Rue de Furstemberg (en) (1867) Réunion de famille (en) (1868) View of the Village (en)
Familia
Pai	Gaston Bazille (pt)
Irmáns	Marc Bazille (en)

Jean Frédéric Bazille, nado o 6 de decembro de 1841 e finado o 28 de novembro de 1870, foi un pintor impresionista francés.^[1]

Traxectoria

Bazille naceu en Montpellier, Hérault, (Languedoc-Roussillon), no seo dunha familia protestante de clase alta. Na súa xuventude comezou a interesarse pola pintura despois de coñecer algúns dos traballos de Eugène Delacroix.

O seu interese pola arte fixo que quixese estudar pintura, o cal foille permitido pola súa familia coa condición de que estudase medicina.^[1] Bazille comezou os seus estudos de medicina en 1859, mudándose a París en 1862 para que poidese continua-los seus estudos. En París comezou a asistir a clases de pintura no obradoiro de Charles Gleyre e coñeceu a Pierre-Auguste Renoir, pintor impresionista, quen, xunto a Claude Monet, Alfred Sisley e Édouard Manet introducírono no mundo da pintura.^[1]

A súa grande amizade con Renoir e Monet fixo que Bazille os axudase en moitas ocasións, permitíndolles pintar nos seus obradoiros, empregar os seus materiais e chegando a pagar polas súas obras (En 1867 pagou 2.500 francos por Mulleres nun xardín de Monet^[2]). Despois de suspender o seu exame de medicina, decidiu abandonar a carreira en 1864, pasando a pintar a tempo completo.

As súas pinturas máis coñecidas son La Robe rose (O vestido rosa) (1864), pintado cando o autor contaba só con 23 anos, e Réunion de famille (Reunión de familia) (1867).^[3]

Frédéric Bazille morreu en 1870 aos 28 anos de idade, asasinado nunha operación militar en Beaune-la-Rolande, Loiret durante a guerra franco-prusiana.

Traballos principais

• La Robe rose (O vestido rosa), (1864) - 147 x 110 cm, Museo de Orsay, París
• Atelier de la rue Furstenberg (Estudo da rúa Furstenberg), - 80 x 65 cm, Museo Fabre, Montpellier
• Aigues-Mortes, - 46 x 55 cm, Museo Fabre, Montpellier
• Autoportrait (Autoretrato), (1865) - 109x72 cm, The Art Institute, Chicago
• Réunion de Famille (Reunión de familia), (1867) - 152 x 230 cm, Museo de Orsay, París
• Le Pécheur à l'épervier, (1868) - 134 x 83 cm, Fondation Rau pour le tiers-monde, Zürich
• Vue de village (Vista da vila), (1868) - 130 x 89 cm, Museo Fabre, Montpellier
• Scène d'été, 1869 - 158 x 158 cm, Cambridge, Harvard University
• La Toilette, (1870) - 132 x 127 cm., Museo Fabre, Montpellier
• L'Atelier de la rue Condamine (Estudo da rúa Condamine), (1870) - 98 x 128.5 cm, Museo de Orsay, París
• Paysage au bord du Lez, (1870) - 137.8 x 202.5 cm, The Minneapolis Institute of Arts, Minneapolis

Galería de traballos

• 
  Obradoiro de Frédéric Bazille 1870
• 
  Retrato de Renoir 1867
• 
  O vestido rosa 1864
• 
  Vista da vila 1868
• 
  La Toilette 1869-70
• 
  Reunión familiar 1868
• 
  Autorretrato 1867

Notas

Véxase tamén

Bibliografía

• Rosenblum, Robert (1989). Paintings in the Musée d'Orsay. Nova York: Stewart, Tabori & Chang. ISBN 1-55670-099-7

Outros artigos

• Impresionismo

Ligazóns externas

• Bazille Gallery en MuseumSyndicate Arquivado 13 de setembro de 2010 en Wayback Machine.