Freira gon-gon

Freira gon-gon
Estado de conservación
Case ameazada (NT)
Case ameazada[1]
Clasificación científica
Reino: Animalia
Filo: Chordata
Clase: Aves
Orde: Procellariiformes
Familia: Procellariidae
Xénero: 'Pterodroma'
Especie: ''P. feae''
Nome binomial
'Pterodroma feae'
(Salvadori, 1899)
Sinonimia

Pterodroma mollis feae

O ovo.

A freira gon-gon[2] (Pterodroma feae) é unha especie de ave procelariforme da familia dos proceláridos (Procellariidae).[3] Está estreitamente relacionado coa freira da Madeira (P. madeira) e a freira das Desertas (P. deserta), outras dúas especies que recentemente se separaron de P. mollis.

Distribución e hábitat

É unha especie endémica de Macaronesia. Nidifica exclusivamente nos arquipélagos da Madeira e de Cabo Verde (Santiago, Fogo, Santo Antão, São Nicolau). No arquipélago da Madeira reprodúcese só en Bugio, unha das tres illas que compoñen As Desertas. A súa distribución semella que foi máis ampla no pasado, pois existen rexistros fósiles que indican a presenza en Deserta Grande, Madeira e no Illote de Cal (Porto Santo).

Freira gon-gon.

A especie fai os seus niños en dúas mesetas da illa Bugio, que se caracteriza pola existencia de solo profundo (superior a 1 m) e suave, polo que permite a escavación dos niños. Ademais, as aves tamén utilizan tobos abandonados de coellos, os buracos nas rocas e zonas de pedras soltas (o hábitat máis común en Cabo Verde). A distancia entre a entrada e a cámara do niño onde se depositan os ovos varía de niño a niño, e pode ser moi longo (máis de 2 m).

Notas

  1. ↑ BirdLife International (2012). "Pterodroma feae". Lista Vermella de especies ameazadas. Versión 2012.1 (en inglés). Unión Internacional para a Conservación da Natureza. Consultado o 16 de xullo de 2012. 
  2. ↑ "Denominación das aves". Real Academia Galega. Consultado o 2024-12-05. 
  3. ↑ "Petrel Gon-gon (Pterodroma feae) (Salvadori, 1899)". avibase. Consultado o 26 de febreiro de 2013. 

Véxase tamén

Ligazóns externas