Georges Simenon

Georges Joseph Christian Simenon
Nome completo	Georges Joseph Christian Simenon
Nacemento	13 de febreiro de 1903
	Liexa, Bélxica
Falecemento	4 de setembro de 1989
	Lausana Suíza
Nacionalidade	Bélxica
Ocupación	escritor, novelista, xornalista e fotógrafo
Cónxuxe	Régine Renchon e Denyse Ouimet
Fillos	Marc Simenon e Pierre Simenon
Irmáns	Christian Simenon
Xéneros	Novela
Coñecido/a por	Comisario Maigret
Premios	Prémio Edgar
Na rede
[ editar datos en Wikidata ]
v c e

Georges Joseph Christian Simenon, nado en Liexa o 13 de febreiro de 1903 e finado en Lausana o 4 de setembro de 1989, foi un escritor belga.

Traxectoria

Simenon procedía dunha familia acomodada limburguesa asentada en Liexa. En 1918 deixa os estudos e en 1919 comeza a traballar par o xornal conservador La Gazette de Liège. Logo da morte do seu pai estableceuse en París (1922). Entre 1945 e 1955 viviu nos Estados Unidos e dende 1957 residiu en Suíza.

Simenon foi un dos escritores máis prolíficos do século XX, escribía entre 60 e 80 páxinas ao día, e durante a súa vida publicou 368 novelas e máis de 200 relatos, aínda que é coñecido sobre todo polas 75 novelas 28 relatos do Comisario Maigret; a primeira novela da serie, Pietr-Le-Letton apareceu en 1931 e a última, Maigret et M. Charles en 1972. As novelas de Maigret traducíronse a 55 linguas e moitas convertéronse en filmes. Unha delas foi traducida ao galego, Maigret na escola.

Simenon tamén escribiu gran número de novelas psicolóxicas como La neige était sale (1948) ou Le fils (1957).