Gran Premio de Mónaco de 2017

Gran Premio de Mónaco de 2017

Nome oficial	75e Formula 1 Grand Prix de Monaco
Tipo	Gran Premio de Mónaco
Deporte	automobilismo
Parte de	Campionato Mundial de Fórmula 1 de 2017
Distancia do evento	78
Localización  e  Datas
Localización	Circuíto de Mónaco (Monte Carlo) 43°44′05″N 7°25′14″L / 43.734722222222, 7.4205555555556Coordenadas: 43°44′05″N 7°25′14″L / 43.734722222222, 7.4205555555556
Lonxitude	3,337 km
País	Mónaco
Intervalo de tempo	26 de maio de 2017 – 28 de maio de 2017
Data	28 de maio de 2017
Competición
Primeiro posto	Sebastian Vettel
Pole position	Kimi Räikkönen (01:12,178)
Volta máis rápida	Sergio Pérez Mendoza (01:14,82)

O Gran Premio de Mónaco de 2017 (oficialmente Formula 1 Grand Prix de Monaco 2017) é unha carreira de Fórmula 1 que se celebrou o 28 de maio de 2017 no Circuíto de Mónaco, Monte Carlo, Principado de Mónaco. Foi a sexta carreira do Campionato Mundial de Fórmula 1 de 2017. Foi a sesaxésima quinta carreira como unha proba do Campionato do Mundo, e a setenta e cinco carreira en xeral.

O piloto de McLaren Fernando Alonso non correu esta carreira por participar nas 500 Millas de Indianápolis e foi substituído polo campión do mundo de 2009 Jenson Button. Dos pilotos activos, catro gañaron polo menos unha vez o Gran Premio de Mónaco: Kimi Räikkönen (2005), Lewis Hamilton (2008 e 2016), Jenson Button (2009) e Sebastian Vettel (2011).

Informe

Antecedentes

Cambios de pilotos

O piloto de McLaren Fernando Alonso perdéuse a carreira para participar nas 500 Millas de Indianápolis de 2017.^[1] Jenson Button que traballaba como embaixador do equipo e piloto de reserva substituíu a Alonso para a carreira.

Gardouse un minuto de silencio antes da carreira, como sinal de respecto ás vítimas da bomba no Manchester Arena a principios desa semana.^[2]

Práctica libre

A primeira práctica da mañá do xoves terminou con Lewis Hamilton de Mercedes coa volta rápida cun 1:13.425, aproximadamente 0.2 segundos máis rápido que Sebastian Vettel. Max Verstappen foi o terceiro máis rápido e Daniil Kvyat da Scuderia Toro Rosso foi o piloto máis rápido non pertencente aos tres mellores equipos, establecendo o sexto mellor tempo.^[3] Na segunda práctica, Vettel foi o máis rápido, establecendo 1:12.720. Segundo e terceiro foron Daniel Ricciardo e Kimi Räikkönen con Kvyat en cuarto.^[3] O equipo de Mercedes tivo unha segunda práctica decepcionante cando terminaron oitavo e décimo, fóra do ritmo dos seus rivais no campionato Ferrari. A sesión detívose ao redor de 10 minutos debido a un accidente do piloto de Williams Lance Stroll.^[4]

A terceira práctica libre do sábado terminou con Sebastian Vettel da Scuderia Ferrari que fixaba o tempo en 1:12.395, mellorando o seu propio tempo fixado na FP2 por 0.3 segundos para fixar unha nova marca de volta, mentres que o rival máis próximo e compañeiro de equipo Kimi Räikkönen estaba 0,3 segundos atrás con 1:12.740.^[5] A sesión interrompeuse 8 minutos polas bandeiras amarelas cando Esteban Ocon de Force India se estrelou na sección da piscina,^[6] Imitando o accidente que Max Verstappen tivo durante a sesión clasificatoria de 2016. A práctica libre finalmente reanudouse polos 4 minutos restantes. Daniel Ricciardo tivo un fallo no cable dos freos e terminou retirándose da sesión, quedando sexto con 1:13.392. O piloto de McLaren Jenson Button terminou a sesión duodécimo, pero incorreu cunha penalización na grella de 15 posicións por cambiar o MGU-H e o turbocompresor, que se aplicou logo de cualificar.^[6]

Clasificación

Kimi Räikkönen de Ferrari clasificouse na pole position por primeira vez en 9 anos logo da súa última pole position no Gran Premio de Francia de 2008, tamén con Ferrari. O seu compañeiro de equipo e líder do campionato Sebastian Vettel clasificouse segundo seguido por Bottas e Verstappen. O rival máis próximo de Vettel, Lewis Hamilton, clasificouse no posto 14º loitou por quentar os pneumáticos, e non puido facer a última volta de cualificación debido ao accidente de Stoffel Vandoorne. Jenson Button clasificouse noveno no seu regreso, pero foi degradado á parte posterior da grella debido á penalización de 15 posicións. Finalmente comezou no pit lane. Os dous Mclarens entraron na Q3 por primeira vez en 2017.^[7]

Carreira

Räikkönen liderou desde o comezo ata que entrou en boxes na volta 33. O seu compañeiro de equipo Vettel quedou fora máis tempo e cando finalmente entrou en boxes, saíu por diante de Räikkönen e logrou gañar a súa terceira carreira da tempada ampliando a súa vantaxe no campionato a 25 puntos máis que Hamilton, que terminou en 7º despois de recuperarse logo da súa mala cualificación. Esta vitoria deulle a Ferrari o seu primeiro 1-2 final desde o polémico Gran Premio de Alemaña de 2010. Daniel Ricciardo terminou en terceira posición, malia golpear lixeiramente a parede ao final da carreira. Carlos Sainz acadou o seu mellor resultado do ano co 6º posto con Toro Rosso. Seguíronlle Hamilton, Grosjean, Massa e Magnussen, que redondearon os puntos. Foi a primeira vez na historia de Haas que lograron puntuar os dous. Foi tamén a primeira vez en 2017 que ambos Force India terminaron fóra dos puntos cunha colisión tardía entre Pérez e Kvyat, cando marchaban na zona de puntos. Stoffel Vandoorne parecía listo para anotar os primeiros puntos de Mclaren da tempada antes de golpear o muro. Jenson Button, mentres tanto, retirouse con problemas na suspensión, logo de chocar con Pascal Wehrlein de Sauber, deixando a Wehrlein pousado verticalmente contra a parede. O outro Sauber de Marcus Ericsson retirouse logo de golpear o muro na curva 1 baixo o coche de seguridade. O Renault de Nico Hülkenberg retirouse cedo cun fallo da caixa de cambios, cando marchaba décimo. Lance Stroll tamén retirouse.^[8]

Logo da carreira Sergio Pérez e Jenson Button recibiron dous puntos de penalización (cada un) anotados na súa Super Licenza, ambos por causar unha colisión.

Clasificación

Cualificación

Pos.	Nº	Piloto	Construtor	Tempos cualificación			Grella final
				Q1	Q2	Q3
1	7	Kimi Räikkönen	Ferrari	1:13.117	1:12.231	1:12.178	1
2	5	Sebastian Vettel	Ferrari	1:13.090	1:12.449	1:12.221	2
3	77	Valtteri Bottas	Mercedes	1:13.325	1:12.901	1:12.233	3
4	33	Max Verstappen	Red Bull Racing-TAG Heuer	1:13.078	1:12.697	1:12.496	4
5	3	Daniel Ricciardo	Red Bull Racing-TAG Heuer	1:13.219	1:13.011	1:12.998	5
6	55	Carlos Sainz	Toro Rosso-Renault	1:13.526	1:13.397	1:13.162	6
7	11	Sergio Pérez	Force India-Mercedes	1:13.530	1:13.430	1:13.329	7
8	8	Romain Grosjean	Haas-Ferrari	1:13.786	1:13.203	1:13.349	8
9	22	Jenson Button	McLaren-Honda	1:13.723	1:13.453	1:13.613	PL[9]
10	2	Stoffel Vandoorne	McLaren-Honda	1:13.476	1:13.249	Sen tempo	12[10]
11	26	Daniil Kvyat	Toro Rosso-Renault	1:13.899	1:13.516		9
12	27	Nico Hülkenberg	Renault	1:13.787	1:13.628		10
13	20	Kevin Magnussen	Haas-Ferrari	1:13.531	1:13.959		11
14	44	Lewis Hamilton	Mercedes	1:13.640	1:14.106		13
15	19	Felipe Massa	Williams-Mercedes	1:13.796	1:20.529		14
16	31	Esteban Ocon	Force India-Mercedes	1:14.101			15
17	30	Jolyon Palmer	Renault	1:14.696			16
18	18	Lance Stroll	Williams-Mercedes	1:14.893			17
19	94	Pascal Wehrlein	Sauber-Ferrari	1:15.159			18
20	9	Marcus Ericsson	Sauber-Ferrari	1:15.276			19
107% tempo límite: 1:18.193
fonte:[11]

Carreira

Pos.	Nº	Piloto	Construtor	Voltas	Tempo/Retirada	Grella	Puntos
1	5	Sebastian Vettel	Ferrari	78	1:44:44.340	2	25
2	7	Kimi Räikkönen	Ferrari	78	+3.145	1	18
3	3	Daniel Ricciardo	Red Bull Racing-TAG Heuer	78	+3.745	5	15
4	77	Valtteri Bottas	Mercedes	78	+5.517	3	12
5	33	Max Verstappen	Red Bull Racing-TAG Heuer	78	+6.199	4	10
6	55	Carlos Sainz	Toro Rosso	78	+12.038	6	8
7	44	Lewis Hamilton	Mercedes	78	+15.801	13	6
8	8	Romain Grosjean	Haas-Ferrari	78	+18.150	8	4
9	19	Felipe Massa	Williams-Mercedes	78	+19.445	14	2
10	20	Kevin Magnussen	Haas-Ferrari	78	+21.443	11	1
11	30	Jolyon Palmer	Renault	78	+22.737	16
12	31	Esteban Ocon	Force India-Mercedes	78	+23.725	15
13[12]	11	Sergio Pérez	Force India-Mercedes	78	+49.089	7
14[13]	26	Daniil Kvyat	Toro Rosso	71	Colisión	9
15[13]	18	Lance Stroll	Williams-Mercedes	71	Accidente	17
Ret	2	Stoffel Vandoorne	McLaren-Honda	66	Accidente	12
Ret	9	Marcus Ericsson	Sauber-Ferrari	63	Accidente	19
Ret	22	Jenson Button	McLaren-Honda	57	Colisión	PL
Ret[14]	94	Pascal Wehrlein	Sauber-Ferrari	57	Colisión	18
Ret	27	Nico Hülkenberg	Renault	15	Caixa de cambios	10
Fonte:

Posicións logo da carreira

• Nota: Só están incluídos os cinco primeiros postos en ambos os grupos de clasificación.

Notas

Véxase tamén

Ligazóns externas

• Official website^{[Ligazón morta]}