Hongqi
| Hongqi | |
|---|---|
| Tipo | División |
| Fundación | 1958 |
| Matriz | FAW Group |
| Localización | Changchun, Jilin, China |
| Na rede | |
hongqi.faw.cn  | |
    | |
| [ editar datos en Wikidata ] | |
Hongqi (en chinés 红旗; en pinyin Hóngqí) traducíbel como Estrela Vermella, é unha marca de automóbiles de luxo, fundada en 1958 na cidade de Changchun, como vehículo de transporte para dirixentes do Partido Comunista da China e mandatarios estranxeiros en visita oficial. Hoxe en día pertence ao grupo público chinés FAW Group.
Historia
O CA72 foi un coche con adicación exclusiva para desfiles militares que chegou a principios de 1959 e foi despregado pola porta de Tiananmen por primeira vez durante o desfile militar que celebraba os 10 anos da República Popular Chinesa o 1 de outubro do mesmo ano. O, naquel entón, Ministro das Forzas Armadas Revolucionarias de Cuba Raúl Castro foi presentado ao espectadores dun novo desfile en 1962 no mesmo vehículo. O vicepresidente Zhou Enlai e o Presidente de Zambia Kenneth Kaunda viaxaron no mesmo modelo escortados por 212 vehículos militares en 1967. [1]
O sucesor CA770, dispoñible como berlina Pullman para clientes no mercado nacional e convertible, chegou en 1965 e fabricouse ata a década de 1980. En 1984 existían os prototipos CA750 e CA760 baseados no Dodge 600.
O Audi 100 C3, que a FAW (First Automotive Works) ensamblaba na China a partir de 1986, foi vendido con modificacións pola empresa en China como se fosen parte da serie de Hongqi. Desde 1989 o CA7225 re-bautizouse coma LH. Este modelo tiña unha distancia entre eixes estendida. LR Fahrzeugbau, provedor da automoción alemán participou no desenvolvemento. En 1993 engadiuse o CA7221 como berlina, o CA7221 L cunha distancia entre eixes máis longa e o CA1021 U3 como pick-up. Nese mesmo ano presentouse o utilitario CA7080, que non entrou en produción en serie. Na década de 1990 existían os modelos CA7180, CA7200, CA7220, CA7240, CA7260 e CA7300 dependendo da cilindrada do motor. Contando con seis lonxitudes de vehículos diferentes. Tamén houbo versións abertas coa adición de EA2 cunha distancia entre eixes curta e EL2A2 cunha distancia entre eixes longa. En setembro de 2000, a serie Shijixing revisada apareceu co CA7202 E3 de cinco prazas, unha versión máis longa de 32 cm con 4 + 2 asentos, o CA7202 E3L e a partir de 2003 CA7242 E6 e CA7242 6L. Para o período de 2001 a 2004, a empresa fabricou o CA7180 A2E Mingshi e o CA7180 A2EL1 Mingshi. Desde marzo de 2004 houbo o CA7180 A3E Mingshi.
O HQ3 baseado no Toyota Crown Majesta presentouse en 2005. Entrou en produción en novembro de 2006. Dependendo do motor, menciónanse as versións CA7300 N e CA7430 N. Tamén en 2005 o HQD presentouse cun motor V12. Estaba programado para entrar en produción en 2008. Non obstante, non se rexistrou a produción real en serie. O C304, un hatchback moito máis pequeno, tamén apareceu como prototipo en 2005. Non entrou en produción en serie.
O vehículo utilitario deportivo E-HS3 presentouse en Auto China en abril de 2018. Trátase dun vehículo totalmente eléctrico cunha potencia de 114 kW (152 CV). Ten 4490 mm de longo, 1874 mm de ancho e 1613 mm de alto.
Outros modelos son EH7, EHS7, Guoli, Guoya, Guoyao, H5, H6, H7, H9, HQ9, HS3, HS5, HS6, HS7, E-HS9, E-QM5, L5, S9 e Tiangong 08.
En setembro de 2021 o fabricante comezou a exportar o e-HS9 a Noruega. Aquí é onde a cota de mercado dos coches eléctricos é máis alta en Europa. E no mesmo ano aos países do Consello de Cooperación do Golfo, onde acadaron o 58 % das vendas globais da marca ese mesmo ano. Os Países Baixos e Vietnam seguiron en agosto de 2022. A marca entrou no mercado ruso en 2023. A mercadotecnia tamén ten lugar en Alemaña desde marzo de 2024.[2]
Notas
- ↑ "China Car History: the Hongqi CA72 Parade Car". 2013-12-27. Consultado o 2024-12-13.
- ↑ "Hongqi Sales Hit Record High in Middle East.". ALTAWKILAT. 2022-06-01. Arquivado dende o orixinal o 19 de xullo de 2013. Consultado o 2014-12-13.