Igor Martínez
| Biografía | |||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | (es) Igor Martínez Caseras  19 de xullo de 1989 (35 anos)Vitoria, España | ||||||||||||||||||||||||||||||||||||||||||||||||||||||||||||||||||||||||||||||
| Outros nomes | Igor | ||||||||||||||||||||||||||||||||||||||||||||||||||||||||||||||||||||||||||||||
| Altura | 1,7 m | ||||||||||||||||||||||||||||||||||||||||||||||||||||||||||||||||||||||||||||||
| Peso | 65 kg | ||||||||||||||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||||||||||||||
| Ocupación | futbolista, adestrador de fútbol | ||||||||||||||||||||||||||||||||||||||||||||||||||||||||||||||||||||||||||||||
| Período de actividade | 2007 - | ||||||||||||||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||||||||||||||
| Posición de xogo | Dianteiro e extremo | ||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||
Igor Martínez Caseras, nado o 19 de xullo de 1989 en Gasteiz, Áraba, é un futbolista profesional vasco da canteira do Deportivo Alavés, que xoga como centrocampista no Club Deportivo Mirandés da Segunda División B.
Traxectoria
Nado en Gasteiz, Igor Martínez formouse na canteira do equipo da súa cidade natal, o Deportivo Alavés, onde chegou a xogar tres tempadas co primeiro equipo. No verán de 2010, grazas ao seu rendemento, foi fichado polo Athletic Club. No equipo bilbaíno debutaría en Primeira División o 18 de setembro de 2010, nun partido disputado no estadio de El Molinón, saíndo como titular ante o Sporting de Gijón e callando unha grande actuación, dando unha a asistencia a Carlos Gurpegi para que marcase o 2-1 no minuto 29. Foi substituído no minuto 69 por Ion Vélez, quen volvía dunha lesión. Durante esa tempada xogou 8 partidos de Liga acumulando 381 minutos.[1] En outubro desde mesmo ano foi convocado por vez primeira coa selección española sub-21 de Luis Milla para xogar ante Croacia.
Tras pasarse a gran parte da campaña 2011-12 lesionado, comeza a seguinte tempada en forma e preparado para xogar. O 30 de agosto de 2012 sae desde o banco no partido de clasificación da Europa League en Finlandia contra o HJK Helsinqui, no que marca o gol que pon o empate a 3 final no marcador. Desa forma estreouse como goleador do Athletic Club. Con todo, tras non ser renovado polo equipo vasco, o 3 de xullo de 2013 vincúlase contractualmente co Club Deportivo Mirandés, equipo no que xoga 2 tempadas. O 18 de xuño de 2015 o xogador fai oficial a súa saída do club de Anduva e varios equipos mostran interese por facerse cos servizos do vitoriano, entre eles o Deportivo da Coruña, o CD Lugo, o CD Tenerife, o Real Oviedo, o Osasuna, o RCD Mallorca e o Alavés. Finalmente, o Club Deportivo Lugo anuncia a contratación do xogador vasco o 22 de xuño, sendo a primeira fichaxe do club galego para a tempada 2015-16.
Clubs
| Club | Categoría | Ano | Partidos | Goles |
|---|---|---|---|---|
| Alavés | Segunda | 2007−2008 | 18 | 1 |
| Alavés | Segunda | 2008−2009 | 34 | 3 |
| Alavés | Segunda B | 2009−2010 | 35 | 8 |
| Athletic B | Segunda B | 2010−2011 | 19 | 1 |
| Athletic | Primeira | 2010−2011 | 8 | 0 |
| Athletic B | Segunda B | 2011−2012 | 4 | 0 |
| Athletic | Primeira | 2011−2012 | 2 | 0 |
| Athletic B | Segunda B | 2012−2013 | 8 | 1 |
| Athletic | Primeira | 2012−2013 | 3 | 0 |
| Mirandés | Segunda | 2013−2014 | 28 | 2 |
| Mirandés | Segunda | 2014−2015 | 39 | 2 |
| Lugo | Segunda | 2015−2016 | 20 | 1 |
| Lugo | Segunda | 2016−2017 | 12 | 1 |
Títulos
- Athletic Club
- UEFA Europa League: Subcampión (2011-12)
- Copa do Rei: Subcampión (2008-09, 2011-12)
Notas
- ↑ Ortiz de Lezcano, Javier (19 de setembro de 2010). El Correo, ed. "El prometedor estreno de Igor Martínez" (en castelán). Arquivado dende o orixinal o 22 de xuño de 2015. Consultado o 22 de xuño de 2015.
