John Garfield
  | |
| Biografía | |
|---|---|
| Nacemento | (en) Jacob Garfinkle 4 de marzo de 1913 Lower East Side, Estados Unidos de América |
| Morte | 21 de maio de 1952 (39 anos) Nova York, Estados Unidos de América |
| Causa da morte | infarto agudo de miocardio |
| Lugar de sepultura | Westchester Hills Cemetery (en)  |
| Educación | Theodore Roosevelt High School (en) |
| Actividade | |
| Campo de traballo | Teatro e filme |
| Ocupación | actor, actor de cinema, actor de teatro, actor de xénero |
| Período de actividade | 1932 - |
| Empregador | Warner Bros. |
| Profesores | Maria Ouspenskaya |
| Obra | |
| Arquivos en |
|
| Familia | |
| Fillos | David Garfield, Julie Garfield |
| Premios | |
| Descrito pola fonte | Obálky knih,  |
         | |
Jacob Julius Garfinkle, nado en Nova York o 4 de marzo de 1913 e finado na mesma cidade o 21 de maio de 1952 foi un actor estadounidense, coñecido como John Garfield.
Traxectoria
Naceu nun pequeno piso de Manhattan, fillo de dous inmigrantes rusos xudeus e medrou no Yiddish Theater District.[1] A súa nai nunca se recuperou do embarazo do seu irmán máis novo e morreu cando Garfield tiña sete anos. Os dous irmáns foron vivir con varios parentes, todos eles pobres. Eses anos pasou moito tempo nas rúas.[2]
O seu pai volveu casar e mudouse a West Bronx onde Garfield se uniu a varias bandas, converténdose nun líder. Nesa época a xente descubriu a súa capacidade para a mímica. Foi enviado a unha escola para rapaces difíciles e baixo a guía do director Angelo Patri comezou a asistir a clases coa mestra Margaret O'Ryan, quen descubriu o seu talento natural para a interpretación.
Co apoio de Patri e O’Ryan comezou a actuar en obras de The Heckscher Foundation for Children. Entrou logo no American Laboratory Theater, que introduciu nos Estados Unidos o método de Stanislavsky, onde traballou pintando e construíndo escenarios. Tras un tempo que pasou vagabundeando polo país (Preston Sturges concibiu o filme Sullivan's Travels tras escoitar a historia de Garfield[2]) debutou en Broadway en 1932 e entrou a formar parte do grupo teatral chamado " the Group ".
En 1938 debutou no cinema no filme Four Daughters, de Michael Curtiz, que lle valeu unha candidatura ao Oscar ao mellor actor secundario. O éxito fixo que Warner Bros. ampliase o seu contrato a sete anos. Porén, pouco despois tivo problemas co estudio porque lles esixía guións de calidade e acabou con suspensións, rexeitamento de papeis asignados e sen cobrar.
Durante a segunda guerra mundial tentou entrar no exército, pero foi rexeitado por problemas cardíacos[3] e dedicouse a axudar no país, abrindo, con Bette Davis o Hollywood Canteen, club de comidas e diversión para os militares. Tamén viaxou entretendo as tropas e vendendo bonos de guerra, ademais de protagonizar filmes patrióticos como Destination Tokyo.
En 1946, cando expirou o seu contrato coa Warner, Garfield decidiu non renovalo e crear a súa propia produtora independente, sendo unha das primeiras estrelas en facelo.
Involucrado durante tempo en políticas liberais, foi investigado durante as décadas de 1940 e 1950. Cando foi chamado a declarar polo House Un-American Activities Committee, negouse a dar nomes de membros do partido comunista. Garfield tivo que abandonar o cinema por falta de traballo e volveu a Broadway en 1952.
O 20 de maio, malia os consellos do seu médico xogou varios enérxicos sets ao tenis e saíu cear, sentíndose enfermo de súpeto. Ao día seguinte apareceu morto. Probablemente os seus problemas de corazón foran agravados polo estrés de verse na lista negra.[4] O seu funeral foi o maior na cidade de Nova York desde o de Rodolfo Valentino, con máis de dez mil persoas nas rúas.
Filmografía
- Four Daughters (1938)
- Four Wives (1939)
- Fixéronme un criminal (1939)
- Blackwell's Island (1939)
- Juarez (1939)
- Daughters Courageous (1939)
- Dust Be My Destiny (1939)
- Castle on the Hudson (1940)
- Saturday's Children (1940)
- Flowing Gold (1940)
- East of the River (1940)
- The Sea Wolf (1941)
- Out of the Fog (1941)
- Dangerously They Live (1941)
- Tortilla Flat (1942)
- Air Force (1943)
- The Fallen Sparrow (1943)
- Thank Your Lucky Stars (1943)
- Destination Tokyo (1943)
- Between Two Worlds (1944)
- Hollywood Canteen (1944)
- Pride of the Marines (1945)
- The Postman Always Rings Twice (1946)
- Nobody Lives Forever (1946)
- Humoresque (1946)
- Corpo e alma (1947)
- Gentleman's Agreement (1947)
- Force of Evil (1948)
- We Were Strangers (1949)
- Jigsaw (1949)
- Under My Skin (1950)
- The Breaking Point (1950)
- He Ran All the Way (1951)
Notas
- ↑ Nott, Robert (2003). Hal Leonard Corporation, ed. He Ran All the Way: The Life of John Garfield. Consultado o 10 de marzo de 2013.
- ↑ 2,0 2,1 Swindell, Larry (1975). William Morrow and Company, ed. Body and Soul. Nova York. p. 6. ISBN 0-688-02907-8.
- ↑ Nott, Robert (2003). Limelight Editions, ed. He Ran All the Way: The Life of John Garfield. Nova York. ISBN 0-87910-985-8.
- ↑ Pechter, W. (Primavera de 1962). "Abraham Polonsky and 'Force of Evil'". Film Quarterly 15 (3): 53.
Véxase tamén
Bibliografía
- Morris, George (1977). Jove Publications, ed. John Garfield. Nova York. ISBN 0-15-646250-8.
- McGrath, Patrick J. (2006). McFarland & Co., Inc., ed. John Garfield: The Illustrated Career in Films And on Stage. North Carolina. p. 273. ISBN 978-0-7864-2848-9.
Ligazóns externas
- John Garfield na IMDb (en inglés).
- John Garfield – The first Rebel Arquivado 05 de xaneiro de 2016 en Wayback Machine.
- "The Jewish Brando", Tablet Magazine
| Control de autoridades |
|
|---|
