John Latham
| John Latham | |
|---|---|
 | |
| Nacemento | 27 de xuño de 1740 |
| Lugar de nacemento | Eltham, Gran Londres |
| Falecemento | 4 de febreiro de 1837 |
| Lugar de falecemento | Winchester, Hampshire |
| Soterrado | Inglaterra |
| Nacionalidade | inglesa |
| Alma máter | Merchant Taylors' School |
| Ocupación | ornitoloxía |
| Fillos | Ann Latham |
| Lingua | inglés, latín |
| Coñecido por | A General Synopsis of Birds |
| Premios | Membro da Royal Society, membro da Sociedade Linneana de Londres, membro da Leopoldina |
| [ editar datos en Wikidata ] | |
John Latham, nado o 27 de xuño de 1740 en Eltham, Gran Londres, e finado o 4 de febreiro de 1837 en Winchester, Hampshire, foi un médico, un naturalista especializado en ornitoloxía e un escritor inglés.
Traxectoria
John Latham naceu o 27 de xuño de 1740 en Eltham, no sueste de Londres. Era o fillo máis vello de John Latham, un ciruxián alí establecido,[1] e da súa esposa, unha descendente dos Sothebys, en Yorkshire.[2]
Foi educado na Merchant Taylors' School, e estudou anatomía baixo a dirección de William Hunter. Practicou a medicina durante moitos anos en Dartford. Pronto adquiriu unha considerábel fortuna e, retirándose da práctica en 1796, estableceuse en Romsey, Hampshire. Recibiu o título de doutor (M.D.) en Erlangen en 1795.[1]
Obras
- Latham, John (1781–1785). A General Synopsis of Birds (3 Volumes). Londres: Printed for Benj. White.
- Latham, John (1787). Supplement to the General synopsis of birds. Londres: Leigh & Sotheby.
- Latham, John (1790). Index Ornithologicus, Sive Systema Ornithologiae: Complectens Avium Divisionem In Classes, Ordines, Genera, Species, Ipsarumque Varietates (2 Volumes) (en latín). Londres: Leigh & Sotheby.
- Latham, John (1801). Supplement II to the General synopsis of birds. Londres: Leigh & Sotheby.
- Latham, John (1801). Supplementum indicis ornithologici sive systematis ornithologiae (en latín). Londres: Leigh & Sotheby.
- Latham, John (1821–1828). A General History of Birds (10 Volumes + Index). Winchester, Inglaterra: Jacob and Johnson.
As súas principais obras foron A General Synopsis of Birds e A General History of Birds. Examinou espécimes de aves australianas que chegaron a Inglaterra nos últimos vinte anos do século XVIII, e foi o responsábel de nomear moitas delas. Entre outras, o emú (Dromaius novaehollandiae, a Cacatua galerita, a aguia audaz (Aquila audax), a ave lira soberbia (Menura novaehollandiae) e a pega australiana (Gymnorhina tibicen). Tamén foi o primeiro en describir o guacamayo xacinto (Anodorhynchus hyacinthinus). Por todo iso, Latham foi chamado o "avó" da ornitoloxía australiana.
Abreviatura
A abreviatura Latham emprégase pare recoñecer a John Latham como autoridade na descrición e taxonomía en zooloxía.
Notas
- ↑ 1,0 1,1 Watkins, Morgan George (1892): "Latham, John (1740–1837)". En Lee, Sidney (ed.) Dictionary of National Biography. 32. Londres: Smith, Elder & Co.
- ↑ Anónimo (1838–1839). "John Latham, MD, FRS, AS, LS". The Naturalist 4: 26–33.
Véxase tamén
| Control de autoridades |
|
|---|
