Juan Francisco Torres

Juan Francisco Torres

Nome orixinal	(es) Juanfran
Biografía
Nacemento	(es) Juan Francisco Torres Belén 9 de xaneiro de 1985 (39 anos) Crevillent, España
Datos persoais
País de nacionalidade	España
Altura	180 cm
Peso	72 kg
Actividade
Ocupación	futbolista
Período de actividade	2003 -
Lingua	Lingua castelá
Nacionalidade deportiva	España
Deporte	fútbol
Posición de xogo	Lateral
Traxectoria   Equipo 2002-2005 Real Madrid Club de Fútbol C 56 (7) 2003-2005 Real Madrid Castilla Club de Fútbol 56 (7) 2004-2006 Real Madrid Club de Fútbol 6 (0) 2005-2006 →cesión a  RCD Espanyol 30 (1) 2006-2011 Club Atlético Osasuna 148 (12) 2011-2019 Atlético de Madrid 243 (3) 2019-2021 São Paulo Futebol Clube 37 (0)   Selección nacional 2003-2003   España sub-18 3 (0) 2003-2003   selección de fútbol sub-17 de España 4 (1) 2003-2005   selección de fútbol sub-20 de España 11 (3) 2004-2004   Selección de fútbol sub-19 de España 4 (1) 2004-2006   Selección de fútbol sub-21 de España 9 (0) 2012-2016   España 22 (1)
Participou en
2016	Eurocopa de Fútbol Francia 2016
2014	Mundial de Fútbol Brasil 2014
2012	Eurocopa de Fútbol Polonia/Ucraína 2012

Juan Francisco Torres Belén, máis coñecido como Juanfran, nado en Crevillent (Alacant) o 9 de xaneiro de 1985, é un futbolista español. Xoga de extremo ou lateral por banda dereita e o seu actual equipo é o São Paulo FC brasileiro.

Tamén xogou un partido coa selección de fútbol de España, coa que gañou, aínda que non xogou ningún partido, a Eurocopa de 2012, o terceiro título do triplete conseguido pola selección entre 2008 e 2012, inédito na historia do fútbol.^[1]

Traxectoria

Juanfran formouse nas categorías inferiores do Kelme CF, desde onde pasou á cadea filial do Real Madrid, chegando a xogar co primeiro equipo en Primeira División o 24 de xaneiro de 2004 ante o Villarreal CF, que acabou con vitoria por 2-1 para os madrileños.

Na tempada 2005-06 foi cedido ao RCD Espanyol.^[2] Sería nese club no que conseguiría o seu primeiro título, a Copa do Rei de fútbol, enfrontándose co Zaragoza na final que se disputou no Estadio Santiago Bernabéu.

Un ano despois fichou polo Osasuna,^[3] equipo no que xogou frecuentemente como titular. O 31 de maio de 2009 marcou un gol decisivo para a permanencia do Osasuna en Primeira División, no partido que enfrontou ao equipo rojillo e ao Real Madrid na última xornada de Liga.^[4]

O 12 de xaneiro de 2011 foi traspasado ao Atlético de Madrid por 4 250 000 €^[5] e só dous días despois debutou como titular co conxunto branquivermello no Santiago Bernabéu no partido de ida dos cuartos de final da Copa do Rei fronte ao Real Madrid, finalizando o encontro cunha vitoria para o club branco por tres a un. No seguinte partido, o 17 de xaneiro, fixo o seu debut en liga no Vicente Calderón contra o Real Club Deportivo Mallorca (3-0). Na última xornada de liga marcou no Iberostar Estadi o seu primeiro gol coa camiseta do Atlético fronte ao Mallorca conseguindo a vitoria (3-4). Tivo un sabor especial pois dedicou o gol ao seu pai que falecera unhas semanas antes.

Na tempada 2011/12, o 28 de xullo, disputou o seu primeiro partido europeo coa camiseta do Atlético de Madrid no partido de ida da terceira rolda de clasificación da Europa League (2-1). O 28 de agosto de 2011 disputou o seu partido número 200 en Primeira División no empate a cero contra o Osasuna. O 29 de setembro, no partido correspondente á segunda xornada da fase de grupos da Europa League que lle enfrontou ao Rennes, Juanfran anotou o seu primeiro gol en competición europea pondo o definitivo empate a un no marcador. Meses máis tarde, en concreto o 9 de maio de 2012, conseguiu o seu primeiro título internacional proclamándose co seu equipo campión da Europa League ao vencer por 3-0 ao Athletic Club.

Selección nacional

Juanfran foi internacional nas categorías inferiores da selección, participando nos mundiais Sub-20 de 2003 e 2005, sendo subcampión no dos Emiratos 2003, xunto a Andrés Iniesta entre outros.

O 15 de maio de 2012 o seu nome apareceu como convocado^[6] por primeira vez na lista para os seguintes amigables da Selección española absoluta, ante Serbia e ante Corea do Sur, dada polo seleccionador Vicente del Bosque. Debutou o 26 de maio no partido contra a selección nacional de Serbia portando o dorsal número 6 e xogando o partido enteiro. Ao día seguinte, o seleccionador Vicente del Bosque convocouno para disputar a Eurocopa de 2012 que se disputaba en Polonia e Ucraína na que se proclamou campión a pesar de non disputar ningún minuto do torneo.

Participacións en Eurocopas

Eurocopa	Sede	Resultado
Eurocopa 2012	Polonia Ucraína	Campión

Estatísticas

Actualizado o 14 de maio de 2012.

Club	Tempada	Categoría	Liga		Copa		Europa League		Total
			PX	Goles	PX	Goles	PX	Goles	PX	Goles
Real Madrid	2003/04	Primeira División	5	0	0	0	-	-	5	0
	2004/05	Primeira División	1	0	0	0	-	-	1	0
RCD Espanyol	2005/06	Primeira División	30	1	6	0	-	-	36	1
CA Osasuna	2006/07	Primeira División	28	2	4	0	9	1	41	3
	2007/08	Primeira División	34	3	2	0	-	-	36	3
	2008/09	Primeira División	35	2	1	0	-	-	36	2
	2009/10	Primeira División	33	4	3	0	-	-	36	4
	2010/11	Primeira División	18	1	1	0	-	-	19	1
Atlético de Madrid			15	1	2	0	-	-	17	1
	2011/12	Primeira División	26	0	2	0	16	1	44	1
Total			225	14	21	0	25	2	271	16

Palmarés

Campionatos nacionais

Copas internacionais

Distincións individuais

Notas

Véxase tamén

Ligazóns externas

• Sitio web oficial de Juanfran (en castelán)
• Estatísticas en elmundo.es (en castelán)
• Twitter de Juanfran (en castelán)