Liga ACB 2011–12

Liga ACB 2011-12

Tipo	Liga ACB
Deporte	baloncesto
Organizador	Liga ACB
Número de participantes	18
Localización  e  Datas
País	España
Período de tempo	tempada 2011-2012
Intervalo de tempo	8 de outubro de 2011 – 16 de xuño de 2012
Competición
Primeiro posto	FC Barcelona Bàsquet
Datos estatísticos
Puntos por partido	Andy Panko
← Liga ACB 2010-11 Liga ACB 2012-13 →

A tempada 2011-12 da Liga ACB foi a 29ª edición da máxima competición ligueira entre clubs de baloncesto que se xoga en España. A liga comezou o 8 de outubro de 2011, e rematou o 16 de xuño de 2012 co quinto e derradeiro encontro da final.

Composta por 18 conxuntos, a liga tivo unha tempada regular con 34 xornadas, e de seguido os 8 primeiros equipos da táboa comezaron a disputa das eliminatorias polo título. Pola contra, os dous últimos da táboa descenderon de categoría, malia que diversas razóns económicas permitiron que os dous recuperasen a categoría.

A tempada regular rematou o 6 de maio de 2012 despois da disputa de 34 xornadas. O Regal FC Barcelona acadou o primeiro posto da táboa con 29 vitorias, seguido polo Real Madrid Basket que venceu en 26 encontros. Pola parte baixa da táboa o máis salientable foi a clasificación do Asefa Estudiantes en postos do descenso de categoría por vez primeira na súa longa historia, se ben finalmente non se levou a cabo por cuestións administrativas. O Blu:sens Monbus Obradoiro, único representante galego na elite do baloncesto español, levou a cabo a mellor tempada da súa historia, acadando a permanencia na penúltima xornada, e rematou a súa participación con 13 vitorias. Así quedou a táboa clasificatoria ó cabo das 34 xornadas da tempada regular:

Unha vez rematada a tempada regular, os oito primeiros conxuntos da táboa comezaron a disputa polo campionato. Cada eliminatoria dos cuartos de final decidíase ó mellor de 3 encontros, mentres que as semifinais e a final decidíronse ó mellor de 5 encontros. Así foron os emparellamentos das eliminatorias finais polo título:

O campión definitivo da edición 2011/12 da Liga ACB foi o Regal FC Barcelona, que bateu na final ó MMT Real Madrid por 3 encontros a 2. Esta vitoria supuxo o 14º título de Liga ACB para o club catalán, que así aumentou a súa vantaxe no palmarés desta competición sobre o Real Madrid (8 títulos).

O xogador culé Erazem Lorbek foi elixido MVP da final.

Máximo anotador:	Andy Panko (GCB) - 18'9 ppp (en 34 encontros)
Valoración:	James Augustine (UCAM Murcia) - 18'6 (en 34 encontros)
Máximo reboteador:	James Augustine (UCAM Murcia) - 8'32 rpp (en 34 encontros)
Máximo asistente:	Javi Rodríguez (Assignia Manresa) - 6'24 app (en 29 encontros)
Máximo taponador:	D'or Fischer (Gescrap Bizkaia) - 1'90 tpp (en 31 encontros)
Máximo recuperador:	Pablo Prigioni (Caja Laboral) - 1'91 rpp (en 32 encontros)
Máximo machacador:	Boniface Ndong (FC Barcelona Regal) - 1'66 mpp (en 29 encontros)
Porcentaxe tiros 1:	Alberto Corbacho (Blu:Sens Monbús) - 93'65% (en 33 encontros)
Porcentaxe tiros 2:	Gustavo Ayón (Mad-Croc Fuenlabrada) - 66'35% (en 10 encontros)
Porcentaxe tiros 3:	Kristaps Valters (Unicaja Málaga) - 47'27% (en 29 encontros)

MVP da Tempada

• Andy Panko - Lagun Aro GBC

Xogador máis espectacular

• Latavious Williams - FIATC Mutua Joventut

Xogador revelación

• Micah Downs - Assignia Manresa

Xogador máis deportivo

• Sergi Vidal - Lagun Aro GBC

Mellor adestrador

• Xavi Pascual - FC Barcelona Regal

Quinteto ideal da tempada

Posición	Xogador	Equipo
Base	Sergio Llull	Real Madrid
Escolta	Sergi Vidal	Lagun Aro GBC
Aleiro	Andy Panko	Lagun Aro GBC
Ala-pívot	Mirza Teletovic	Caja Laboral
Pívot	Erazem Lorbek	FC Barcelona Regal

• Páxina oficial da liga ACB (en castelán)