Mako Iwamatsu
| Mako Iwamatsu (岩松 マコ, Iwamatsu Mako) | |
|---|---|
 | |
| Nome completo | Makoto Iwamatsu (岩松 信, Iwamatsu Makoto) |
| Alcume/outros | Mako |
| Nacemento | 10 de decembro de 1933 |
| Lugar | Kōbe,  Xapón |
| Falecemento | 21 de xullo de 2006 (72 anos) |
| Lugar | Somis, California,  Estados Unidos |
| Causa | cancro do esófago |
| Soterrado | Valley Oaks Memorial Park |
| Nacionalidade | Xapón e Estados Unidos de América |
| Etnia | Nipo-americano |
| Educado en | Pasadena Playhouse |
| Pai | Yashima Taro |
| Nai | Mitsu Yashima |
| Cónxuxe(s) | Shizuko Hoshi |
| Fillos | Dúas fillas tamén actrices |
| Profesión | Actor |
| Na rede | |
           | |
| [ editar datos en Wikidata ] | |
Mako Iwamatsu nado o 10 de decembro de 1933 en Kōbe (Xapón) e finado o 21 de xullo de 2006 en Somis (California, Estados Unidos), foi un actor xaponés. En moitos dos créditos dos filmes nos que apareceu ó longo da súa carreira apareceu co seu nome acurtado como Mako, omitindo o seu apelido. Mako é recoñecido internacionalmente por Aku en Samurai Jack, Iroh en Avatar: The Last Airbender, Akiro en Conan o bárbaro e polo Mestre Splinter do filme TMNT.
Biografía
Era fillo do coñecido autor e ilustrador de libros infantís Taro Yashima. Os seus pais mudáronse ós Estados Unidos cando era un cativo. Reuniuse con eles aló despois da segunda guerra mundial en 1949, uníndose ós militares na década de 1950. Converteuse nun cidadán estadounidense en 1956. Estudou arquitectura e durante o seu servizo militar descubriu o seu talento teatral, polo que decidiu formarse na escola Pasadena Community Playhouse.
Mako estaba casado coa actriz Shizuko Hoshi, coa que tivo dúas fillas (actrices ámbalas dúas) e tres netos.
Morte e homenaxes
Mako morreu ós setenta e dous anos de cáncer de esófago. Un día antes da súa morte, foi confirmada a súa participación para protagonizar o filme TMNT, proporcionando a voz de Splinter. Kevin Munroe, director do filme, confirmou que Mako completara o seu rexistro antes da súa morte. O filme terminado dedicouse a Mako.
Durante un episodio de Avatar: The Last Airbender , titulado "Os Contos de Ba Sing", que comprende varias pequenas historias sobre os personaxes principais, hai un segmento titulado ". A historia de Iroh" que ten unha dedicatoria a Mako, xa que foi o actor de voz para o personaxe Iroh para a primeira e segunda tempadas. Tamén apareceu na montaxe en memoria da 79ª Edición dos Oscar.
Filmografía
- The Ugly Dachshund (1966)
- O Yang-Tse en chamas (1966)
- The Private Navy of Sgt. O'Farrell (1968)
- O gran roubo ó banco (1969)
- Fools (1970)
- The Hawaiians (1970)
- Chinmoku (1971)
- The Island at the Top of the World (1974)
- Prisoners (1975)
- Os aristócratas do crime (1975)
- The Big Brawl (1980)
- Under the Rainbow (1981)
- An Eye for an Eye (1981)
- Bushido Blade (1981)
- Conan o bárbaro (1982)
- Testament (1983)
- Conan o destrutor (1984)
- Behind Enemy Lines (1986)
- Armed Response (1986)
- Silent Assassins (1988)
- Tucker (1988)
- The Wash (1988)
- An Unremarkable Life (1989)
- Fatal Mission (1990)
- Taking Care of Business (1990)
- Pacific Heights (1990)
- The Perfect Weapon (1991)
- Sutoroberi rodo (1991)
- Nightingale (1992)
- My Samurai (1992)
- Sidekicks (1992)
- RoboCop 3 (1993)
- Rising Sun (1993)
- Cultivating Charlie (1994)
- Red Sun Rising (1994)
- Os inmortais 3 (1994)
- A Dangerous Place (1995)
- Crying Freeman (1995)
- Midnight Man (1995)
- Balance of Power (1996)
- Sworn to Justice (1997)
- Seven Years in Tibet (1997)
- Alegría (1998)
- The Bird People in China (Chûgoku no chôjin) (1998)
- Kyohansha (1999)
- Fukuro no shiro (1999)
- Talk to Taka (2000)
- Rugrats in Paris: The Movie - Rugrats II (2000)
- Cruel Game (2001)
- Pearl Harbor (2001)
- O monxe (2003)
- Bus Story (2003)
- Cages (2005)
- Memorias dunha gueixa (2005)
- TMNT (2007)
- Rise (2007)
| Control de autoridades |
|
|---|
