Monte Faro

Modelo:Xeografía físicaMonte Faro
Imaxe
Tipomontaña
Zona de especial conservación
espazo natural protexido
Zonas de especial protección dos valores naturais Editar o valor en Wikidata
Localización
ContinenteEuropa Editar o valor en Wikidata
División administrativaChantada, España, Rodeiro, España e Carballedo, España Editar o valor en Wikidata
 42°37′17″N 7°53′52″O / 42.621434, -7.897763
CordilleiraDorsal galega Editar o valor en Wikidata
Características
Altitude1.181 m Editar o valor en Wikidata
Superficie2.999,36423 ha Editar o valor en Wikidata
World Database on Protected Areas
IdentificadorEditar o valor en Wikidata 348938 Editar o valor en Wikidata
Área protexida da rede Natura 2000
IdentificadorEditar o valor en Wikidata ES1120008 Editar o valor en Wikidata
Historia
Data de creación ou fundacióndecembro de 2004 Editar o valor en Wikidata

O monte Faro, ou Monte do Faro, é, con 1187 metros, o pico máis alto da serra do Faro e un espazo natural declarado zona especial de conservación (ZEC). O monte marca o límite de separación natural entre os concellos de Chantada e Rodeiro e dende el poden divisarse as catro provincias galegas.[1]

Flora e fauna

Flora

No espazo hai zonas con queirogais secos e vexetación de trebeiras e brañas como gramías de ciclo anual. Os prados están en solos calcáreos, de arxilas ou turbosos. Os bosques son polo xeral de Alnus glutinosa e Fraxinus excelsior e carballeiras de Quercus robur e Quercus pyrenaica.[1]

Fauna

As especies en risco presentes no espazo natural son o invertebrado Lucanus cervus, o anfibio Discoglossus galganoi, os réptiles Chioglossa lusitanica e Lacerta schreiberi, e os mamíferos Barbastella barbastellus, Lutra lutra, Myotis myotis, Rhinolophus ferrumequinum, Rhinolophus hipposideros.[1]

Patrimonio

Etnografía

Romarías

Monte Faro visto desde San Cristovo.

Preto da cima nunha especie de chaira atópase o santuario da Nosa Señora do Faro. Hai dúas Romarías do Faro, a primeira celébrase o día 15 de agosto e, a segunda e principal, o 8 de setembro. Consérvanse dúas imaxes da Virxe do Faro, unha permanece sempre no santuario e a outra na igrexa de Requeixo. Segundo os veciños esta segunda virxe que ten o manto de Inmaculada de cor branca é "filla" da primeira. Esta sobe en procesión o día 7 a visitar a "nai" e o día 9 volve a baixar.

Ata o santuario achéganse veciños de toda a comarca movidos pola fe na Virxe de Faro. Os romeiros que se ofrecen soben de xeonllos por unha pendente chamada costa das cruces para pedirlle favores a Nosa Señora do Faro considerada unha das máis milagreiras[2]. Tamén a tradición leva os devotos a non marchar sen levar ou beber auga da fonte milagreira.

Galería de imaxes

  • Ermida de Nosa Señora do Faro en Chantada.
    Ermida de Nosa Señora do Faro en Chantada.
  • Altar fóra da ermida de Nosa Señora do Faro en Chantada.
    Altar fóra da ermida de Nosa Señora do Faro en Chantada.
  • Cruceiro.
    Cruceiro.
  • Parque eólico no Monte Faro.
    Parque eólico no Monte Faro.
  • Vista da comarca de Chantada desde o Monte Faro.
    Vista da comarca de Chantada desde o Monte Faro.

Notas

  1. ↑ 1,0 1,1 1,2 Consellería de Medio Ambiente e Ordenación do Territorio, Xunta de Galicia (eds.). "Monte Faro". 
  2. ↑ Faro de Vigo, eds. (9 de setembro de 2010). "A costa da devoción". 

Véxase tamén

Ligazóns externas