Pablo Olmedo

Modelo:BiografíaPablo Olmedo
Biografía
Nacemento13 de abril de 1929 Editar o valor en Wikidata
Madrid, España Editar o valor en Wikidata
Morte15 de abril de 1980 Editar o valor en Wikidata (51 anos)
Vigo, España Editar o valor en Wikidata
Causa da morteinfarto Editar o valor en Wikidata
Actividade
Ocupaciónfutbolista Editar o valor en Wikidata
Período de actividade1948 Editar o valor en Wikidata - 1959 Editar o valor en Wikidata
Deportefútbol Editar o valor en Wikidata
Posición de xogoCentrocampista Editar o valor en Wikidata
Traxectoria Editar o valor en Wikidata
  Equipo Número de partidos xogados Puntos/goles/tantos anotados
1947–1948   CD Logroñés
1948–1951   Real Madrid CF
1949–1950   Atlético de Madrid
1951–1952   Celta de Vigo
1952–1953   Real Madrid CF
1953–1959   Celta de Vigo
  Selección nacional Número de partidos xogados
1958–1958   España B

Pablo Olmedo Garmendia, nado en Madrid o 13 de abril de 1929 e finado en Vigo o 15 de abril de 1980, foi un futbolista que xogaba na demarcación de dianteiro.

Traxectoria

Debutou en Primeira División co Real Madrid con só 19 anos o 12 de setembro de 1948. Malia que na súa primeira tempada anotou 15 goles en 24 encontros, recalou no Celta de Vigo cedido por unha tempada, nunha operación na que o Real Madrid fichou Gabriel Alonso e Sobrado.

No equipo olívico fixo moi bo ano, disputando 26 encontros e anotando 6 goles, poñendo como colofón un 6-1 contra o Deportivo da Coruña en Balaídos. Olmedo retornou ao Real Madrid para disputar a Copa de España, en cuxa primeira eliminatoria se enfrontou ao Celta con vitoria madrileña. No verán de 1953 volvía formar parte das negocicións entre Celta e Real Madrid, froito das cales o Celta traspasaba ao gardameta Pazos a cambio do porteiro Adauto Iglesias, Pedro Cantero e o propio Pablo Olmedo. Estas negociacións non foron nada fáciles, e Bernabeu deulle un ultimato ao centrocampista para que firmase un contrato de tres anos polo Celta.

Pese a este truculento regreso permaneceu no Celta ata o ano 1960 converténdose nun xogador decisivo do equipo neses anos. As súas mellores tempadas foron a 53-54, na que anotou 11 tantos en 29 partidos, e a 54-55 na que marcou 15 goles superando como máximo goleador do equipo a Mauro, con 12 tantos. Nas tempadas seguintes a raíz de problemas coas lesións nas costas e co adestrador Pasarín, polos que foi apartado do equipo, foi perdendo peso no equipo, ata que o Celta descendeu a Segunda División, onde Olmedo xogou os últimos partidos co Celta. Deixou ao Celta despois de 8 tempadas e 54 goles anotados, 45 deles en primeira división.

Tras deixa-lo fútbol seguiu vivindo en Vigo, onde morreu con 51 anos a causa dun infarto.[1]

Notas

  1. ↑ Marcos L. Bacariza (4 de outubro de 2009). "Pablo Olmedo". Yo jugué en el Celta (en castelán).