Pardela de Bulwer
| Pardela de Bulwer | |||||||||||||||
|---|---|---|---|---|---|---|---|---|---|---|---|---|---|---|---|
| |||||||||||||||
| Estado de conservación | |||||||||||||||
 Pouco preocupante[1] | |||||||||||||||
| Clasificación científica | |||||||||||||||
| |||||||||||||||
| Nome binomial | |||||||||||||||
| Bulweria bulwerii Jardine & Selby, 1828 | |||||||||||||||
A pardela de Bulwer (Bulweria bulwerii) é unha pardela pequena, unha das dúas únicas especies do xénro Bulweria (descrito por Charles Lucien Bonaparte, en 1843). Esta ave recibiu o seu nome en homenaxe o naturalista escocés James Bulwer, que recolleu os primeiros exemplares na illa de Madeira.
Descrición
É unha ave de ás moi longas: 78 a 90 cm de envergadura fronte ós 25 a 29 cm de longo do corpo. A plumaxe é castaña e teñen unha cola longa e apuntada. Voa recordando a xeito de boia e con moitos xiros mentres recolle alimento de tipo planctónico na tona da auga do mar.
Distribución e hábitat
É unha ave mariña que cría no norte do océano Atlántico, en colonias nas illas de Cabo Verde, Azores, Canarias e Madeira.
Crían tamén en illas ó longo do Pacífico norte, dende o leste da China a Hawai. Despois da reprodución, dispérsanse para pasa-lo resto do ano no mar, en xeral en augas tropicais. Exemplares illados apareceron nas costas de Irlanda, Gran Bretaña, Portugal e os Países Baixos e tamén na costa norteamericana.
Notas
- ↑ BirdLife International (2012). "Bulweria bulwerii". Lista Vermella de especies ameazadas. Versión 2013.2 (en inglés). Unión Internacional para a Conservación da Natureza. Consultado o 26 de novembro de 2013.
Véxase tamén
Ligazóns externas
- Xustificación da IUCN para a clasificación da especie coma "Non ameazada" Arquivado 07 de outubro de 2006 en Wayback Machine. (en inglés)